Isaías 52:7 - Biblia Dc en Mixe de Quetzaltepec

⁷ Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Biblia Mixe de Quetzaltepec

⁷ Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Isaías 52:7 ပူးပေါင်းရင်းမြစ်များ

Nahúm 1:15

Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Marcos 16:15

Ets yaj'ënëmaaytyë: Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty.

Efesios 6:15

Jëjp'ixy xëmë myajpaatëty ma yajkajpxwa'kxa'anyën ja jotkujk'ajtën.

Isaías 40:9

Jam mpätëty Sión, tunkëjxm ets jam mëk mkukajpxnaxëty, jam xynyikajpxëty ja oykyäjpxy oymyëtyä'äky. Këtii mtsë'ëkë mijts Jerusalén, amëk jotmëk timkajpx, tukmëtoowta'a ja Judá y'itjot nyaaxjot: Tyaa ja Dios mëti'ipë miits mTiosajtëpën.

Salmos 93:1

Yë Wintsën, yë'ë yajkutujkp, natuky yajpaaty mëët yë myëj'ajt y'oyajtën jëtu'un tä jeexyë yë'ë twit'aty txox'atyën. Yë'ë ojts tpëjktä'äky yë naaxwiinyëtë ta'tspëky këtiipë yu'kxëty.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Isaías 24:23

Ko ënety ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Salmos 68:11

Ojts yë Dios tu'uk yë ayuk tkäjpxy, ets kanaak ojts yë to'oxytyëjktëjk y'itë mëti'ipë kyajpxnajxtën:

Lucas 2:10

Tääts ja tsajpjotmëtë kukäjpxy y'ënëmaayëtë: Këtii mtsë'ëkëtë, aaw ayukës oypyë nmëmiinpy mëti'ipë ja'ay ni'ëmukë tyukxoonta'aktëpën.

Marcos 13:10

Ets yajkajpxwa'kxëp jëyëjp ja oy aaw oy ayuk ka'anëm ënety kyukëxë ja naaxwiinyëtë.

Apocalipsis 14:6

Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Cantares 2:8

Tää myiny ja mëti'ipës ntsojkpy nja'apën. Nmëtoopyës ko tää myiny. Pëyi'ikyë myiny jam kopkkëjxm, pëyi'ikyë myiny jam tunkëjxm.

Salmos 99:1

Yë Wintsën yë'ë yajkutujkp. Yë y'ënyääytyakn ma yajkutukyën jam yajpaaty kyukäjpxy akujky. Yë naax kajpn jëtu'un jyänty tsyëtyuytyë, ets tëkokyë yë naaxwiinyëtë mapaat y'ëwtityën.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Salmos 96:10

Ënëëmëtë yë naax kajpn: Yë Wintsën, yë'ë tyam mëj ënä'ämpë'ajtp. Yë'ë ojts ta'tspëky tpëjktä'äky yë naaxwiinyëtë këtiipë yu'kxëty, yë'ë y'ënä'ämtääpy tëkokyë yë naax kajpn tu'knax.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Salmos 59:13

Yajkëjxta'a; yajkëjxta'a yajnajxta'a, mëët yë mtsip m'äkë. Wä'än jëtu'unyë tëkooytya'atë. Ets tëkokyë yë ja'ay nijawëtëty ko Dios yë'ë ënä'ämp ma Jacob nyaax kyajpnën ets ma tëkokyë naaxwiinyëtë y'ëwtityën.

Salmos 97:1

Xoonta'aktë naaxwiinyëtë apëtsëmy, xoonta'aktë miitsëty naax kajpn tu'këëyi'ikpyë muum yajpaatën mejyjoty, Yë Wintsën, yë'ë yajkutujkp.

Isaías 41:27

Ëjts tëy, ojtsës winë ntuk'ëwaanëtë yë Sión ja'ayëty, ojtsës nja'ay nkexy ets nikajpxëty ko tsojk jatëkok jyä'äy wyimpita'antë.

Isaías 42:11

Wä'än txoonta'aktë ja të'ëts'itjot ets ja ja'ayëty jënu'un jam tsyëënëtën, ets näjyëtu'un ja naax kajpnëty jampë yajpaatën ma tsyëënëtën ja Quedar ja'ayëty. Wä'än t'ëwtë tya'axtë mëët yë jotkujk'ajtën yë Selá ja'ayëty; wä'än mëk tyajmëtoy ëy yä'äxy jam ma tun kopkën.

Salmos 98:2

Yë Wintsën tëë tnikäjpxy ko myëta'aka'any, tëë tuk'ixy yë naax kajpn wi'ix oy winë tunyën ets wi'ix winë tpaye'eyën mëtëy;

Salmos 98:3

tëë tyajnikëxë'ëky ko tmëëtëty yë oyjyot oywyinma'any, ets tëë tuny mëti'ipë të tuknipëjktaakën ma Israel kajpnën, Mapaat yë naaxwiinyëtë y'ëwtityën të yajnijawë ko Tëyajtën ko tëë tmëmëtakta'ay yë myëtsip.

Nahúm 2:1

Nínive, tää mniminyë mëti'ipë myajkutëkoyanëpën. Pëjkta'ak yë mkëwent'ajtpë ma këwent'ajtaknën. Kwent'at yë tu'u. Nätyukmoxwëënët yë mtëypyujxn. Yajmujkta'a yë mtsiptuunpëtëjk.