Isaías 52:15 - Biblia Dc en Mixe de Quetzaltepec

¹⁵ jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënety ka'ap nijëna'a të tmëtowtën.

Biblia Mixe de Quetzaltepec

¹⁵ jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënäty ka'ap nijëna'a të tmëtowtën.

Isaías 52:15 ပူးပေါင်းရင်းမြစ်များ

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Dios yë xyëëw, Dios U'unk ets mëët yë Kënu'kxymyëkajtën yë xyëëw,

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Isaías 55:5

Nëjkxëp xyajminy wiinkëtypë naax kajpn mëti'ipë ënety ka'ap të xy'ixy'ätyën ets ja naax kajpn ka'apë m'ixy'ätyën, pëyi'ikyë nëjkx mniminyë, jä'ä ko mëti'ipë Wintsën'ajtpën, ja wa'ats Dios, mëti'ipë jam yajpatpën ma Israel kajpnën, tëë nyajmëjnaxy.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Hebreos 11:28

Mëët ko myëpëjky ja Moisés tyuun ja ëmaayxyëëw ko t'ënëmaay ja Israel ja'ayëty ets ja ne'pyny nëjkx tuknikoytyë ja tyëjk aaw ets ja yajja'ay'o'kpë mëti'ipë Dios kyäjxën ka'ap tyaj'ooktëty ja kä'äxkopk mëti'ipë Israel ja'ayëtyën.

Hebreos 10:22

Tsojk nmëwinko'onëm ja Dios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Zacarías 2:13

Wä'än ni'ëmukë ja'ay t'ëmoonta'atë yë'ë wyintuuy, jä'ä ko yë'ë jam të tsyoony ma y'ijtaknën wa'atspë ets të xynyimi'inëmë yaa ëëts'ajtëmë.

Isaías 51:5

Tim tëë jëtu'un maas nmëta'aka'anyën, miimp këtakp ja xëëw jëmëjt maas ja ëwaatsëtuuy'ajtën nyajnaaxkëta'aka'anyën; Mëëtës ja nkutujkën n'ënä'äma'any ja naax kajpn. Ja naax kajpn mëti'ipë yajpatëpën mejypyë'aay ëjts xy'ëwxitantëp ets yë'ë tyukjotkujk'atantëp ja nmëk'ajtënës.

Job 21:5

Pën miitsëty mmëtoow'ijtëp mëti'ipës yam nkajpxäämpyën, uum mwë'ëmtëty.