Isaías 52:14 - Biblia Dc en Mixe de Quetzaltepec

¹⁴ Jëtu'un ijxtëm mayjyä'äy pya'ëyoowën ko ojts ja wyiin jyëjp tyëkajtstaaynyë ko y'o'knë ets ka'ap y'ëkyajja'ay'ijxnë,

Biblia Mixe de Quetzaltepec

¹⁴ Jëtu'un ijxtëm mayjyä'äy pya'ëyoowën ko ojts ja wyiin jyëjp tyëkajtstaaynyë ko y'o'knë ets ka'ap y'ëkyajja'ay'ijxnë,

Isaías 52:14 ပူးပေါင်းရင်းမြစ်များ

Salmos 22:15

Jëtu'unës yë n'aaw tä texy apu'ujën; tëës yë nyä'än myëjtëtspäjnë npa'kxwiinyës. Jap ma o'kpë nyipetyën japës të xyajkëtä'äky.

Salmos 22:17

Jyëkyäjpnëp nmëtsyowëtyës yë npajkës. Yë nmëtsipës ninu'unës xykya'ijxtëkoytyë.

Salmos 71:7

Janty mëj'ixyës yë ja'ay muum xyjyawë, e jam ma mijtsën Wintsën jamës yë tsoktakn npaaty.

Isaías 50:6

Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Mateo 26:67

Ënet twintsujë'ktë ets twintäx tjëjptäxtë, twinpojts t'apojtstë,

Mateo 27:14

Ja Jesús kä'äpyëm y'ëtsoy ni tuk'aaw, ja yajkutujkpë jëtu'unyë ojts kyumon kyutukë, ka'ap tnija'awëy tii tyunëp.

Mateo 7:28

Ko ja Jesús kyajpxtaay, mëjmëtoy ja ja'ay tja'awëtyë ko jëtu'un yaj'ijxpëjkëtë,

Marcos 10:26

Ko ja y'ijxpëjkpëtëjk jëtu'un tmëtoowtë, janty mëk ojts tjawëtë ets jaxim jayam nyäy'ënanëtë: ¿Pën ëkmayëtëp ets ja nitsokën tpaatëty?

Marcos 10:32

Jam ënety pya'tëkëtë Jerusalén, ja Jesús jëyëjp nëjkxp ets ja y'ijxpëjkpëtëjk ix'ok, tääts ja y'ijxpëjkpëtëjk myäytyë tyajtë ets ja mëti'ipë ix'am miintëpën tsë'këtëp. Ënet ja Jesús ëpëky twoowpëtsëëmy ja nimajkmäjtskpë ja y'ijxpëjkpëtëjk ets tukmëmëtyäky wi'ix ënety jyata'anyën.

Marcos 5:42

Tääts ja kiixy u'unk ënätyë pyëti'ky ets ye'eypyijky, jä'ä ënety ja jyëmëjt majkmäjtsk. Ënet ja ja'ay janty mëj ixy t'ijxtë ets amonyë ojts tyimwë'ëmtë.

Marcos 6:51

Ojts ja Jesús tyëkë kepy nëëwinye'epyëjoty ma ënety japëtyën ets ja poj y'ëtëtsmoony. Yë'ëjëty jëtu'unyë ojts tyimwë'ëmtë,

Marcos 7:37

Tääts ja ja'ay y'ënantë ko mëj'ixy t'ixtë: Oy tyaapë ja'ay winë tuny. Yajmëtoowë'kpy yë ja'ay natpë ets yajkajpxë'kpy yë uumpë.

Lucas 2:47

Ni'ëmukë mëti'ipë jam y'amëtoow'ijtëpën, mëj'ixy t'ijxtë ko nëkoo wyijy'ajnë ets mëtëyëty t'ëtsoowinpity.

Lucas 22:64

Ojts twinkutsumëtë ets tsi'ktë tkojxtë wiinkëjxm jëjpkëjxm ets t'ënëmaaytyë: Najtsjawë pën të mkoxyë.

Lucas 4:36

Mëj'ixy ja mayjyä'äy t'ijxtë, ënät nyäyajtëëwëtë nixim niyam: ¿Pën tëy ya'atënë? Mëk ja ku'oypyë timmyëkäjpxy ets t'ëxmatsëty yë ja'ay, e yë ku'oypyë ënätyë jyëwä'äky ma ja'ayën.

Lucas 5:26

Ets ja ja'ay mëj ixy t'ijxtë, ojts ja Dios näjyëtu'un tmëjjaw tjaantyjawëtë ets y'ënantë: Mëj winma'any ya'atë ja kënu'kxën tyam të n'ijxëmë.