Isaías 51:9 - Biblia Dc en Mixe de Quetzaltepec

⁹ Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Biblia Mixe de Quetzaltepec

⁹ Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënäty jëtu'unën tä tu'uk mëj jëyujkën nëëjotypë.

Isaías 51:9 ပူးပေါင်းရင်းမြစ်များ

Job 26:12

Mëët yë jyot myëjaaw të tmëmëtä'äky yë mëjmejy; mëët yë pye'tym'ajtën të tyajkutëkoy yë Rahab, mëti'ipë jëtu'unën tä mëj jëyujkën.

Job 9:13

Ko yë Dios jyoot'anpëky, tsip ets jyoot'an xyäämëty; ko yë Rahab yë jyä'äy tii tjatuna'any jam ma Tiosën, jëtu'unyë nyaaxkëtakta'atë.

Salmos 21:13

Paaty mijts Wintsën, amëjaaw pëtë'ëk mëët yë mëk'ajtën. Tsojk nixëëwtu'unëm mëët yë ëy yä'äxy ko mijts të mëtä'äky.

Salmos 44:1

Mijts Dios, tëës nmëtowtë mëët yë nkë'ëmtatskëtyës, ets ojts xytyukmëmëtya'aktës yë n'ap n'okëtyës wi'ix ojts winë xytyunyën tëëyëp ko yë'ëjëty jyuuky'ajtë.

Salmos 44:2

Mijts ojts kë'ëm xy'ëxkexy yë ja'ayëty mëti'ipë ënety y'ëwtajtëpën wiink tios, ëxëëk ojts xytyuny yë naax kajpn ets xy'ëxwojpy ets jam xyajtsënaaytyaknpëjky ja n'ap n'okëtyës.

Salmos 44:23

¿Wi'ix ko mma'ay Wintsën? Ëkwij, këtii mmaanaxy. Këtiis xëmë xyjyä'äytyëkoytyë.

Salmos 44:24

¿Wi'ix ko mnäyu'utsyë? ¿Wi'ix ko xyjyä'äytyëkoytyës? ¿Këtii xy'ixy koos n'ëyowtë?

Salmos 59:4

Wintsën, ëjts ka'apës yë ëxëëk winma'any nmëëtëty, ka'apës tii ntuuntëkoy, ka'apës tii ëxëëk ntuny nkäjpxy, e yë'ëjëty xytyimyaj'ookantëpës. Paaty tyam ëkjootwij; minës putëjkëk ets ni''ijxë'kës.

Salmos 7:6

Wintsën, pëtë'ëk mëët ja m'ëwa'an'ajtën. Putëjkëkës. Mijts wiinkuwa'akë ja nmëtsipës ja tsyip y'äkë, Mijts të xynyikäjpxy ko oy winë xynyipaye'eyä'äny, putëjkëkës ënät.

Salmos 77:5

Yi'iyës nmëmääpy nmëtäjpy yë xëëw jëmëjt mëti'ipë të nyäxyën;

Salmos 78:65

E yë Wintsën ënät ojts pyëti'iky tä yë ja'ay myä'äypyëti'ikyën, tä tu'uk yë ja'ay mëti'ipë tsip'ixyën ets y'ëmu'ukyë wijy,

Salmos 87:4

Ja kajpn mëti'ipës xy'ixy'ajtëpën, jyëkyejpyës nikajpxëty Egiptë ets Babilonyë, Filistejë, Tirë ets Etiopíë; tëkokyë yë'ëjëty jam ojts myintë jya'të ma mijtsën.

Salmos 89:10

ojts xykyutä'änë'ëky yë jëyujk mëjëtypë nëëjotypë y'itën, tä o'kpën, ojts xy'awojpwa'kxta'ay yë mëtsiptëjk mëët yë mmëjajtën.

Salmos 89:11

Yë tsajp ets naax mijts yë mjä'ä, mijts ojts yë naaxwiinyëtë xyajkojy xypyëjktä'äky ets tëkokyë jënu'un winë yajpaatyën ma yë'ëjën.

Salmos 93:1

Yë Wintsën, yë'ë yajkutujkp, natuky yajpaaty mëët yë myëj'ajt y'oyajtën jëtu'un tä jeexyë yë'ë twit'aty txox'atyën. Yë'ë ojts tpëjktä'äky yë naaxwiinyëtë ta'tspëky këtiipë yu'kxëty.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Isaías 30:7

Ka'ap tii myäyë, ka'ap tukjaty wi'ix pyutëkëtëtyën, paatyës të nxëëwmo'oy: Mëj jëyujk mëti'ipë je'eyë ni'tspën ets ka'ap tii tuny.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Isaías 51:5

Tim tëë jëtu'un maas nmëta'aka'anyën, miimp këtakp ja xëëw jëmëjt maas ja ëwaatsëtuuy'ajtën nyajnaaxkëta'aka'anyën; Mëëtës ja nkutujkën n'ënä'äma'any ja naax kajpn. Ja naax kajpn mëti'ipë yajpatëpën mejypyë'aay ëjts xy'ëwxitantëp ets yë'ë tyukjotkujk'atantëp ja nmëk'ajtënës.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Isaías 52:10

Tëë ja naax kajpn tnija'awëtya'atë wi'ix ja Wintsën ja myëj'ajtën të tyaj'ixyën. Jëkämpaat ets naaxwiinyëtë apëtsëmy yajnijawë ko ja Wintsën të xyajnitsokëmë.

Isaías 53:1

¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Miqueas 7:15

Tuk'ix ja mëj'ajtën mëjwiinpë këjääpë, jëtu'un tä ijty tëëyëpën ko ojts jap Egiptë xyjyuuty.

Habacuc 2:19

Janty mon janty tuk mijts myajpaaty, jä'ä ko yë'ë awinax m'ënëmääpy ets wyijëty, tsaa m'ënëmääpy ets wya'kukëty. ¿Wä'än jëtää tii xy'ëktuk'ëwa'anëmëtyë? ¿Ka'ap tii xytyuk'ëwa'anëmëty jä'ä ko ka'ap jyuukyëtyë? oy jënu'un pu'ts pujxn ëkë poop pujxn tjaniwits'aty.

Habacuc 3:13

Tëë xypyutëkë ja mnaax mkajpn ets ja yajkutujkpë mëti'ipë kë'ëm mwin'ijxën. Tëë xyajjitsy ja ëxëëk ja'ay ja jyëën tyëjk ets tëë jap xytyim jijtë'ëky ma ja potsy'ëjxën.

Zacarías 10:11

Nëjkxëp tuknaxtë yë Egiptë juukymyejy, ko ënety ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.

Zacarías 2:13

Wä'än ni'ëmukë ja'ay t'ëmoonta'atë yë'ë wyintuuy, jä'ä ko yë'ë jam të tsyoony ma y'ijtaknën wa'atspë ets të xynyimi'inëmë yaa ëëts'ajtëmë.

Lucas 1:51

Tëë ja myëk'ajtën tyaj'ixyë, tëë tyaj'atëkoy mëti'ipë ënety të tjatuknipëjktaakëtën ja mëjpë këjxmëpë jyä'äy'atën.

Juan 12:38

Paaty jëtu'un tyuunë jyajtë ets y'atëwëty ja Jeséas ja y'aaw y'ayuk, Dios käjpxynyajxpë: Wintsën, ¿pën jëtää y'ëkmëpëjkpy ja n'aaw'ajt n'ayuk'ajtëmë? ¿Pën jëtää ja Wintsën të tuknijawë ja kyutujkën?

Hechos 7:7

Tää ja Dios jyaak'ënany: Ëjts ntëytyunäämpyës ja ja'ayëty mëti'ipë ënety jëtu'un tuunëtëp ets ja m'u'unk m'ok nyajpëtsëma'anyës jam ets yaa myintëty etsës xywyintsë'ëkëtëty.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

Apocalipsis 11:17

ets y'ënantë: Wintsën Mëti'ipë Maaytyääyëpën Winë, mijts m'ijtp tyam ets mijts të m'ity tëëyëp, nkukajpxëtëpës ma mijtsën, jä'ä ko tëë xy'ëxajë ja mëk'ajtën ets të myajkutujktsoony.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Jueces 6:13

Ets ja Gedeón y'ëtsooy: Ëknamä'kx Wintsën, pën mijts myajpatp mëët ëëtsëty ¿wi'ix koos o'ktëy njatë nkëpätë? ¿Maajëtën ja mëj'ajtën të nyëjkxta'ay mëti'ipës ja n'ap n'ok nyikajpxtën ko mijts ojts jap winë xytyuny Egiptë? Yë Wintsën tëëjës xy'ëxmajtsnëtë ets tëëjës xykyë'ëyajknëtë ma Madián ja'ayëtyën.