Isaías 51:22 - Biblia Dc en Mixe de Quetzaltepec

²² Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Biblia Mixe de Quetzaltepec

²² Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Isaías 51:22 ပူးပေါင်းရင်းမြစ်များ

Isaías 49:25

Yë Wintsën jëtu'un y'ënä'äny ko jyëkyejpy yë'ë: Ja ja'ay mëti'ipë jotmëk näjya'awëyëpën, yajpëjkëjaanp mëti'ipë ënety të tjapaatyën jam tsipjotm, ja tsiptuunpë ja'ay mëti'ipë ënä'ämpën yajpëjkëjaanp mëti'ipë ënety të tjanitsiptunyën. Ëjts nëjkx nwinkuwa'akë ja'ay mëti'ipë myajjotkëjxëpën ets je'eyë mtsip ixta'ayën; ja m'u'unk m'ëna'k ëjts nyajtso'okäämpy ko ënety muum wi'ix jyata'antë.

Proverbios 22:23

jä'ä ko Dios yë'ë kuwanëp yë ëyoopëja'ay ets ëxëëk tuna'any ja mëti'ipë ënety ja ëyoopëja'ay ëxëëk tyuunpyën.

Jeremias 50:34

E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Salmos 35:1

Wintsën, jëjpkuwa'akë näjyëtu'un, mëti'ipës xyjyëjpkuwa'këpën; ëtuk mëti'ipës xy'ëtujkpën.

Miqueas 7:9

Tëë yë Wintsën nmëtëkoyës, paaty nkupëka'anyës yë tsyip y'äkë; yë'ë pyaye'eyäämpy yë n'amay njotmayës ets yajxon ja paye'eyën tuna'any. Yë Wintsën xyajnëjkxaanpës jam ma jajën të'kxën ets xytyuk'ixa'anyës ko ënety myëtä'äky.

Joel 3:2

Nyajmujkta'ajäämpyës yë naax kajpn etsës jam nyajnëjkxta'aja'any ma Josafat joyjotmën ets jam ntukwinmëtoowta'ajantës wi'ix të tuntën ja nkajpnës, Israel kajpn. Je'eyë t'ëxwojptaaytyë ja Israel ja'ayëty ets ojts tyajwa'kxtë ja naax kajpn ets këëkjä'ä nyätyuknikakëtyääyëtë.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Dios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.

Ezequiel 39:29

Ka'apës nëjkx njëxk n'ëkja'atyëkooyëtë, jä'ä ko tëëjës yë nmëjajtën nyajnaaxkëtä'äky ma Israel kajpnën. Ëjts Wintsën, ëjts ënaanp.

Jeremias 51:36

Jëtu'un yë Wintsën y'ënä'äny: Ëjts mijts nipaye'eyäämpy ets mmëtsip ntukukëpäta'anyës ijxtëm të mtunyën. Nyajtëtsta'ajäämpyës yë mëjnëë ets nëë wok jampë Babilonyë yajpaatyën,

Mateo 20:22

Tääts ja Jesús y'ëtsooy: Miitsëty ka'ap xynyijawëtë tii m'amëtoowtëpën. ¿Mëmëta'aktëp ja ëyo'on mëti'ipës nkupëkäämpyënë? Tääts y'ëtsoowtë: Nmëmëta'aktëpës yë'ë.

Salmos 60:3

Mijts të xyajkutuky ets mnaax mkajpn ëxëëk jyatëty kyëpätëty, jëtu'unës të tjatë tä ja'ay tsatym nyëë t'uukyën ets yajlokëjatyë.

Isaías 3:12

Pi'k ëna'k yajkutujkp maas ja nnaax nkajpnën; to'oxytyëjk tyam ënä'ämtëp. Nnaax nkajpnës, mwin'ë'ënëtëp mëti'ipë mkutujkpë'ajtëpën, jam myajnëjkxëtë ma wiink tu'ujën.

Isaías 3:13

Ja Wintsën tëë tuknipëjktaakë ets tpaye'eyä'äny ja mtëko'oyën, ets mmo'oja'anyë ja tëytyu'unën ijxtëm mpaatyën.

Jeremias 25:15

Jëtu'unës të xy'ënëëmë yë Wintsën mëti'ipë yë Israel ja'ayëty Tyios'ajtëpën: Ix tyaapë a'ukën, ujts yajpaaty mëët yë ntsip n'äkës. Këëyë'ëk ets nëjkx xytyuk'uuky tëkokyë yë naax kajpn ma të nkexyën.

Abdías 1:16

Nëkooyë tya'am'ajnë ja uuky mëti'ipë japën a'ukënjoty, mëti'ipë m'uktën maas ja nkënu'kxykyopkën, jëtu'un tya'am'ata'any ja uuky mëti'ipë y'uukantëpën mëto'kx mëto'kxnë ja naax kajpn ets kyutëkooytya'aja'antë.

Zacarías 12:2

Ëjts jëtu'unës yë Jerusalén kajpn nyaj'awinpita'any tä tu'uk yë a'ukënën mëti'ipë ujtsën mëët yë nëë mëti'ipë mukpën ets t'a'ukëtya'aja'any yë naax kajpn jënu'un mëët tyu'ktsëpa'anëtyën. Ko ënety yë'ëjëty tyajnatuktë yë Jerusalén kajpn näjyëtu'un yë Judá kajpn nëjkx nyätujkta'atë.

Isaías 29:9

Juuyky'atë jëtu'un mëët ja mtsuu winma'anyëty. Juuyky'atë jëtu'un wiints, ka'ap tii xy'ijxpaatëty. Juuyky'atë jëtu'un tä tu'uk amu'ukyë ja'ayën, oy ka'ap nitii mëkpë nëë xy'uuktë.

Lamentaciones 3:15

Ëxëëkës yë Wintsën të xytyuny; ta'amëm jyawë mëti'ipës të xytyuk'uukyën.

Lamentaciones 3:58

Mijts Wintsën, mijtsës xynyiwaantutp tsipjoty ets mijts myajtsokpy yë njuukyajtënës.