Isaías 51:20 - Biblia Dc en Mixe de Quetzaltepec

²⁰ Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

Biblia Mixe de Quetzaltepec

²⁰ Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

Isaías 51:20 ပူးပေါင်းရင်းမြစ်များ

Apocalipsis 14:10

yë'ë ja ëyo'on yajmo'ojaanp jä'äkyëjxm ko ja Dios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Dios y'anklëstëjk wyintum ets mëti'ipë yajtijpën Kupixyn U'unk wyintum.

Ezequiel 39:19

Ma tääpë o'kën tëko'oyën nyaj'ita'anyënës, jyëkyejpy jää nëjkx may tjë'kxtë on koonëm pya'amtunëtëty ets jyëkyejpy nëjkx t'uuktë yë ne'pny koonëm myu'ukëtëty.

Ezequiel 17:20

Jëtu'unës yam ntuna'any tä ja'ay tkujëpipyën yë nëë jëyujk ets nmajtsmuka'anyës; nmënëjkxa'anyës jam Babilonyë, jamtsës nyajnitukëja'any mëët ko ka'ap të xymyëj'ixyës.

Ezequiel 12:13

Ntukujëpijpë'ëkäämpyës yë ntsaayës ets yë'ë mëët nmatsa'anyës. Jam Babilonyë nyajnëjkxa'anyës, ma Caldeo ja'ayëtyën, ja naax kajpn mëti'ipë ka'ap nëjkx t'ixyën ets jam nëjkx y'ooky.

Lamentaciones 5:13

Ja ja'ayëty mëti'ipë mëkëtyën kumëjaawëtyën yë'ë yajpëjktaktë jëtsymyääpë; e ja ëna'ktëjkëty yë'ë yajpëjktaktë nija'axpë.

Lamentaciones 4:2

Yë Sión ja'ayëty, mëti'ipë ijty yajtsojktëpën, mëti'ipë ijty tsoopatëpën këtiinëm yë pu'ts pujxn, tyam jëtu'un yajjawëtë naaxtu'tsën.

Lamentaciones 1:19

Ojtsës nja'amëtoy yë näypyutëkë yë n'atsokyjyä'äytyëjkës, yë'ëjëty ni'ikyë ojts xy'ëxmatstës. Yë teetytyëjkëty ets mëjja'aytyëjk wa'ats të y'o'kta'atë jam kajpnjotm, jë'kxy pëky ënety y'ixtaaytyëp këtiipë yuu ooktëty.

Lamentaciones 1:15

Jëkäm yë Wintsën të tnajtswojpëtyä'äy yë jotmëkja'aytyëjk mëti'ipës ijty xynyiwaantutëpën. Tëë tkexy yë tsyiptuunpëtëjk mëti'ipë të tyajkëjxta'atën yë njotmëkja'aytyëjkës. Jëtu'un yë Wintsën të tä'änäkë yë Judá tä ja'ay tä'änye'eyën yë tsatsymtsya'am ets tyaj'uukyojy.

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Jeremias 14:16

Ja naax kajpn mëti'ipë nyinëjkxtëpën tääpë käjpxynyajxpëty, tsip ets yuu nëjkx näjyëtu'un yaj'ookëtë mëët ja tyo'oxytyëjkëty ets y'u'unk y'ëna'këty ye'etyëjk to'oxytyëjkpë. Ja o'kpë jam nëjkx yajnajtsjëpijpëtya'atë kajpnjotm ma Jerusalén kajpnën ets ka'ap pën y'ita'any pën yajnaaxtëkëpën. Jëtu'un'äämpy nëjkx ntukëpätës ja tyuuntëko'oyënëty.

Isaías 51:21

E paaty ënät mijts naax kajpn, ka'apë mjotkujk'atyën, mëtoow'it ya'atë aaw ayuk, ma myajpaatyën tä amu'ukyë ja'ayën ets ka'ap m'uuky.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 29:9

Juuyky'atë jëtu'un mëët ja mtsuu winma'anyëty. Juuyky'atë jëtu'un wiints, ka'ap tii xy'ijxpaatëty. Juuyky'atë jëtu'un tä tu'uk amu'ukyë ja'ayën, oy ka'ap nitii mëkpë nëë xy'uuktë.

Isaías 8:21

Jëtu'unyë nëjkx ja'ay kyuye'ey kyunaxëtë, mëk nëjkx ja'ay yajtunëtë ets ayuu yajxëëwnaxëtëty, je'eyë nëjkx jyoot'anpëktë mëët ja yuu ets nëjkxëp tsyajp'ixtë ets tpoktë ja yajkutujkpë ets ja Tyiosëty.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Deuteronomio 14:5

ets ja jëtyu'u u'unk, pax, tsajppax mëti'ipë aayjoty ujtsjoty yajpatëpën ets oymyëti'ipë jëyujkëty mëti'ipë wajmëëtën.

Isaías 40:30

Yë'ëpaat yë yujkyeeky ëna'k y'ënu'kxë, yë'ëpaat mëti'ipë oy mëkën jëtu'unyë jyënuunkëtä'äky,

Deuteronomio 28:20

Jëtu'un tä ënety ja Wintsën të mpokyën jëtu'un nëjkx mtukëtakpäjta'ayë ets jëtu'unyë nëjkx mkumo'on mkutukë, oy tii xyjyatuna'anëty, wäänë y'itëty tä nëjkx mijts kë'ëm mtimy'atëkoy, mëët ko ënety të xy'ëxmatsy ja Wintsën ja nyë'ë'aaw tyu'u'aaw mëët ja m'ëxëëktu'un m'ëxëëk kajpxën.

Isaías 66:15

Jä'ä ko yë Wintsën jëënjotypyën të myiny të jyä'ty, yë kyepy wintëkäämpë jëënyä'änkën kyëxë'ëky; jëtu'un tyajnaaxkëta'aka'any yë y'oyajtën tä jëënpajkën ets tëytyuna'any ja myëtsip.

Lamentaciones 2:19

Pëtë'ëk, ya'ax jok tsu'um koots; yajtukwa'ats yë m'aaw mjot ma Wintsënën, wä'än yë mwiinnëë tpëyi'iky nëëjën; yujkxaj yë mkë'ë ets amëtow pëjktsow ma yë'ëjë wä'än tpa'ëyoy yë m'u'unk m'ëna'k, mëti'ipë yuu o'ktëpën xii yaa muum ma tu'u y'ëwtityën.

Lamentaciones 4:11

Yajnajx ja Wintsën ja tsyip y'äkë, ojts tyajmëtä'äky ja jyoot'an; yajnitooy ja Sión kajpn ets yë'ëpaat tyajkutëkooytyääy ja pyoty ëjx.