Isaías 51:18 - Biblia Dc en Mixe de Quetzaltepec

¹⁸ Nitu'uk ja m'u'unk m'ëna'k oy mkatu'uwinwowëtëty; oy jënu'un jyanimay'atë, janty nimay ja m'u'unk m'ëna'k të xyjyapaatë, nitu'uk tkamëët'aty ja oyajtën ets jeexyë mpawitsyë ko muum mnëjkxy.

Biblia Mixe de Quetzaltepec

¹⁸ Nitu'uk ja m'u'unk m'ëna'k oy mkatu'uwinwowëtëty; oy jënu'un jyanimay'atë, janty nimay ja m'u'unk m'ëna'k të xyjyapaatë, nitu'uk tkamëët'aty ja oyajtën ets jeexyë mpawitsyë ko muum mnëjkxy.

Isaías 51:18 ပူးပေါင်းရင်းမြစ်များ

Job 8:20

Yë Dios ka'ap nijëna'a t'ëxmatsy ja'ay mëti'ipë oy ja'ay'ajtpën ets ka'ap tputëkë ëxëëkja'aytyëjk.

Salmos 142:4

Koos nja'ijxwinpity ni pën maa nka'ixyës mëti'ipës jeexyë xypyutëjkëpën. Ni pën maa kyakëxë'ëky mëti'ipës jeexyë xynyiwaantutpën. Ka'ap maa kyëxë'ëky pën mëti'ipës xymyëmääpy xymyëtajpën.

Salmos 88:18

Tëë jëkäm xyajnëjkxta'ay yë nmëku'uktëjkës mëti'ipës ënety mëët oy nnäjyawëtyën, tyam yi'iyës tu'uk njaakmëku'uk'ajtyp yë kootsajtën.

Isaías 41:13

Jä'ä ko yë mWintsën Dios, mkë'ëkëjxy mmajts'ityë; tëë n'ënëëmë ko këtii mtsë'ëkëty.

Isaías 45:1

Ojts yë Wintsën tkënu'kxy yë Ciro ets yajkutukëty, kyë'ëkëjxy twijtsë'ky ets yajkutukëty ma ja naax kajpnën ets tpëjkëtya'ajëty ja yajkutujkpëtëjk mëti'ipë myëtsiptuuntëpën. Yë Wintsën ojts tyajkutuky ets tëjk'aaw y'ëwa'atsëty maajaty nyäxyën ma ja naax kajpnën ets ni pën kyamayëtëty tyaj'ëtukëty ja tëjk'aaw. Ets jëtu'un t'ënëmaay:

Isaías 49:21

Ets nëjkx mmay mtajy: Ixës tyaapë n'u'unk nmaay may të ntimyajmooynyë. Ëjts ka'apës ijty u'unk ëna'k nmëëtëty; ëxwopy ixkexyës të n'ity ets ijxtëkoy ja'atyëkoy, ¿wi'ixës yë n'u'unk n'ëna'k të yä'knëtë? Nnätyu'ukës xëmë të nyaj'ixmatsy, ¿wi'ixën të myiinëtë n'u'unk n'ëna'kës?

Isaías 54:11

Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Jeremias 10:20

Tëë mya'ta'ay ja wit tëjk maajës ja nmëtsip na'ityën; tëë pyojta'ay ja nyitejpxy mëti'ipë kyutsum'ajtypyën. Ja n'u'unk n'ëna'kës tëë xynyikäkta'atës, ka'ap maajëtynyë. Ka'ap ma pën mëti'ipë jeexyë ja nwittëjkës jatëkok kyoj'o'oyëpën, mëti'ipë jatëkok wyitnijuuxëpën.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënety ëjts Wintsën xyatijtë. Ëjts Wintsën, ëjts ënaanp.

Ezequiel 34:6

Jëtu'unyë jam aayjyotm ujtsjotm ets jam kopkëjxm të ye'eywya'kxta'atë, xiitsow yaatsow të kyuye'eyëtya'atë ets ka'ap pën të myëmay të myëtajëtë ets të y'ixta'ajëtë.

Amós 5:2

Ja Israel kajpn mëti'ipë ënety oy tsujën ets wa'ats yajpatpën, o'ktëy të jyäty. Tëë jyëpijpkëtä'äky kyë'ëm naaxjoty ets ka'ap pën wyijtsë'ëkyë.

Mateo 15:14

Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Marcos 8:23

Ënet ja Jesús twijtsë'ky kyë'ëkëjxy ja wiints ets twoowpëtsëëmy jam kajpnjotm. Ënet tuktwinkutsujëy ja wiints ets ojts mëët ja kyë'ë tja'axëtity. Ojts tkë'ënixajy ets tyajtëëy pën ijxp.

Hechos 13:11

Tyam ja Wintsën mtëytyuna'anyë, winpi'its mwë'ëma'any, jeky xykya'ixëty yë xëëw ajajk. Tääts ënätyë ojts wyi'im kupi'its kukoots. Je'eyë tjaakpëjktsooy pën tu'uwinye'eyëtëpën.

Hechos 9:8

Ënet ja Saulo pyëti'ky ets ojts jya'ijxwa'kxa'any, ka'ap tii t'ixy. Tääts ja Saulo ja jyämyëët wyijtstso'onë ets yajmënëjkxnë jam Damaskë.

Hebreos 8:9

Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.