Isaías 51:16 - Biblia Dc en Mixe de Quetzaltepec

¹⁶ ëjts ojts nwijtstëy yë tsajp ets ojts nyajta'tspëkyës yë naaxwiinyëtë. Ëjts mijts n'ayukmooy, ëjts mijts të nkuwa'any mëëtës yë nkë'ë. Täätsës të n'ënëëmë yë Sión kajpn: Mijts nkajpn'ajtyp.

Biblia Mixe de Quetzaltepec

¹⁶ ëjts ojts nwijtstëy yë tsajp ets ojts nyajta'tspëkyës yë naaxwiinyëtë. Ëjts mijts n'ayukmooy, ëjts mijts të nkuwa'any mëëtës yë nkë'ë. Täätsës të n'ënëëmë yë Sión kajpn: Mijts nkajpn'ajtyp.

Isaías 51:16 ပူးပေါင်းရင်းမြစ်များ

Salmos 75:3

Ko yë naaxwiinyëtë tyëkë yu'kxpë, mëët tëkokyë mëti'ipë ënety tsënaay juuky'ajtëpën ma yë'ëjën, ëjts npëjk'ijtyp nmajts'ijtyp ma yajxon nyäkyumatsëtëtyën,

Salmos 91:4

yë'ë mnikë'ëjan mnixajanëp mëët yë kyäkn, ets ko jam myajpaatëty ma yë'ëjën, akujk jotkujk m'ita'any. Yë tyiyajtën ets wya'atsajtën yë'ë m'axajtukanëp tä tu'uk yë pujxn y'akëëytyukyën.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Dios yë tyëjkën, mëti'ipë nTios'ajtëmën.

Éxodo 33:22

E koos ënety ëjts ja nmëj'ajt n'oyajtën nyäxy, jap poj'am nyajtëkëja'any tsaajutjoty ets mëët yë nkë'ëjës n'ëtuka'any, koonëmës ënety të nnaxy.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Isaías 45:18

Mëti'ipë ja tsajp yajkojën, mëti'ipë Tios'ajtpën ets Wintsën'atpën, mëti'ipë yajkojën yë naaxwiinyëtë ets yajxon tyaj'o'oyëtyääy ets tyajta'tspëjktaay, ojts tuknipëjktaakë këtiipë winwa'ats y'itëty, yë'ëkyëjxm të tyajkojy ets twin'it twintsëënëtëty mëti'ipë juuky'ajtëpën, tääts të y'ënä'äny: Ëjts jëtu'un nätyu'uk Wintsënajtp ets ka'ap maa wiinkpë.

Isaías 48:13

Mëëtës yë nkë'ë ojts nyajkojy yë naaxwiinyëtë, ets näjyëtu'un nwijtstëëyës yë tsajp; koos ojts ntukmëkajpxtë yë xyëëwëty, tääts yu'kxpëjktë.

Isaías 49:2

Ets tyaj'awinpijty yë nyä'änës tä tëypyujxnën jëjpëpë, ojts xyu'utyës jap kyë'ëjootjoty, ojts xyaj'awinpityës tä ti'pxnën ets jap xyëkät pa'tkë'p xypyëjktäkyës.

Isaías 49:8

Tëë tpaaty ja xëëw po'o maas nyaj'ixa'anyën ja n'oyajtënës, ets të n'ëtsoy; tëë tpaaty ja xëëw ma ja nitsokën y'itëtyën. Tëë nkuwa'any jä'ä ko yë'ëjës ënety mëët ja naax kajpn ja käjpxytyu'unën ntuna'any, ets tpëktëty ja it naaxwiinyëtë mëti'ipë ëxëëk të jyäty të kyëpetyën,

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Isaías 57:19

Etsës n'ënëëmëja'any nitëkokyë ja'ayëty: Ko wä'än tjotkujk'atë ja'ayëty jëkämpë ets wiinkonpë yajpaatën. Ëjts nyajtso'okäänpyës yë nnaax nkajpnës.

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 65:17

Ëk'ixtë, ëjts nyajkojäämpyës yam jemypyë tsajp ets naaxwiinyëtë. Mëti'ipë të nyäxyën tëë ja kyixy ets ka'ap mëpaat y'ëkyajja'amyäjtsnë, ets ni pën nëjkx jëna'a tka'ëkjot'ajnë.

Isaías 66:22

Näyjyëtu'un yë Wintsën të y'ënä'äny: Jëtu'un tä jempyë tsajpën ets jempyë naaxën mëti'ipës nyajkojäämpyën, xëmëkyëjxmëpë y'ita'anyën, jëtu'un nëjkx xëmëkyëjxm y'itë yë m'u'unk m'okëty ets mxëëw.

Jeremias 1:9

Tää ja Wintsën xynyixajwo'tyës ets ja kyë'ë xytyuk'atijë'kyës etsës xy'ënëmaay:

Jeremias 24:7

Nëjkxëpës nmo'otë ijxkujk ja'aykyujkën etsës ëjts xy'ijxpaatëty ko ëjts Wintsënajtp, yë'ë nëjkx nkajpn niwa'antës etsës nëjkx ëjts xyTyios'atë, jä'ä ko ëmuumtu'ukjot nëjkx jatëkok xynyiwinpitës.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Deuteronomio 18:18

Ëjts nyaj'itäämpy tu'uk yë käjpxynyajxpë tä mijtsën ma yë'ëjëtyën, mëti'ipë myëkunaax'ajt myëkukajpn'ajtëpën ets nëjkx tyukmëtowëtë mëti'ipës ënety ëjts të ntuk'ëne'emyën tnikajpxëty ets tkajpxnajxta'ajëty ijxtëmës të ntuk'ëne'emyën.

Deuteronomio 33:27

Yë Tiosën xëmëpë y'ityën yë'ë mtsoktakn'ajtyp, yë myëk'ajtën yë'ë mnätyukputëkëtëp. Jä'ä ko yë'ë ojts tyajke'eky tyajputy yë mmëtsip, ets mnëmaayë ets xytyimyajkutëkooytya'ajëty.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

2 Pedro 3:13

E yë'ëts njëjp'ijxmëp jempyë tsajp, jempyë naax mëti'ipë Dios të twaantä'äkyën, ma tu'kë'ëyë winë oy ets mëtëy tyu'uye'eyën.

Apocalipsis 1:1

Ya'atë ja Dios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,