Isaías 51:10 - Biblia Dc en Mixe de Quetzaltepec

¹⁰ Ko ojts jëtu'un xyajjaty tä ja mëj jëyujkën mëti'ipë jap nëëjotyën ets ojts xyajnëëkutëëtsë ma ënety jap këknëëjoty y'ityën. Tu'ujën jap xyaj'awinpijty ets nyaxtëty të'ëts wa'ats ja mëti'ipë të y'ëwaatsë pëtsëmtën.

Biblia Mixe de Quetzaltepec

¹⁰ Ko ojts jëtu'un xyajjaty tä ja mëj jëyujkën mëti'ipë jap nëëjotyën ets ojts xyajnëëkutëëtsë ma ënäty jap këknëëjoty y'ityën. Tu'ujën jap xyaj'awinpijty ets nyaxtëty të'ëts wa'ats ja mëti'ipë të y'ëwaatsë pëtsëmtën.

Isaías 51:10 ပူးပေါင်းရင်းမြစ်များ

Salmos 106:10

Jëtu'un ojts tyajtso'oky ma ja myëtsiptëjkëtyën ma ja ja'ayëty mëti'ipë ënety ëxëëk'ijxëtëpën.

Salmos 106:9

Ojts tmëkmëkäjpxy yë Tsaptsmejy ets tyajtëtsy. Tääts tyajnajxy mejyjoty ijxtëm jeexyë të'ëts'itjotm nyaxtën.

Salmos 74:13

Mijts ojts xyajnäwyä'kxyë yë mëjmejy mëët yë mmëjajtën, ojts xyajkë'tstëëwë yë kyëpajk yë mëjëtypë jëyujk nëëjotypë y'itën,

Salmos 77:19

Ojts yë mnajxtakn xyajni'ëwaatsë mëjnëëjoty; ojts xytyuknaxy kanaak yë nëëmejy, e ni pën të tkapaaty ja mtu'u'ateeny.

Éxodo 14:29

E ja Israel ja'ayëty të'ëts wa'ats ojts tuknaxtë ja nëëjot, ma ënety të nyäwyä'kxyën ja nëë mäjtskpëky.

Éxodo 15:13

Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Isaías 11:15

Nëjkxëp yë Wintsën tu'uk yë në'ë tu'u tyaj'ëwa'atsy ma mejy txëëwatyën Tsapts nëëmejy, ets jampaat jya'ta'any ja y'oyajtën ma ja Éufrates mëjnëëjën, tu'uk yë mëkpoj nëjkx tyajnäywyä'kxyë wëxtujkpëky, ets jotkujk nyaxtëty ja ja'ay kë'ëk mëët.

Isaías 11:16

Ko ënety ja Wintsën ja nyaax kyajpn jyajtmujkta'ay ets ko ënety tëë tsyo'ontaaynyëtë jam Asiria, mëjwiin ëwaatsë nëjkx në'ë tu'u tpaatë jëtu'un tä ijty tëëyëpën ko jap Egiptë tsyo'ontë.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Isaías 35:9

Ka'ap jyam'ata'any yë kaa, nitii jëyujk jam kyayajpaata'any mëti'ipë kutsë'ëkën. Jam nyaxa'antë mëti'ipë ënety ja ëwaatsë'ajtën të tpaatën.

Isaías 42:15

Nyajkutëkoyäämpyës yam yë tun kopk, nyajtëtsta'ajäämpyës yam yë aay ujts; të'ëts'itjot yam nyaj'awinpita'anyës yë nëëjot, etsës nyajtëtsta'aja'any ja nëë'akëyë.

Isaías 43:16

Ojts ja Wintsën tyaj'oyë tu'uk yë tu'u nëëjoty, tu'uk ja najxtakn ma ja nëëkapën;

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Isaías 62:12

Ets Israel ja'ayëty yajtijanëtë Ja wa'atspë ja naax kajpn. Mëti'ipë yë Wintsën të yaj'ëwaatsëpëtsëmëtën, ets näjyëtu'un ja Jerusalén kajpn mëkpë yajtsokyën. Ja naax kajpn ka'apë yaj'ëxmatsyën nätyu'uk.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Miqueas 7:15

Tuk'ix ja mëj'ajtën mëjwiinpë këjääpë, jëtu'un tä ijty tëëyëpën ko ojts jap Egiptë xyjyuuty.

Zacarías 10:11

Nëjkxëp tuknaxtë yë Egiptë juukymyejy, ko ënety ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.