Isaías 50:8 - Biblia Dc en Mixe de Quetzaltepec

⁸ Winkon yajpaaty mëti'ipës xyajtsokpën: ¿Pën jää pën mëti'ipës xy'ëxëëk'ijxpën? Tsojk nimäjtsk nja'amëmë ma ja kutujkënën. ¿Pën jää pën mëti'ipës xynyiwaanpätaanpën? Wä'än tminy ets wä'änës xytyukwinmëtoy.

Biblia Mixe de Quetzaltepec

⁸ Winkon yajpaaty mëti'ipës xyajtsokpën: ¿Pën jää pën mëti'ipës xy'ëxëëk'ijxpën? Tsojk nimäjtsk nja'amëmë ma ja kutujkënën. ¿Pën jää pën mëti'ipës xynyiwaanpätaanpën? Wä'än tminy ets wä'änës xytyukwinmëtoy.

Isaías 50:8 ပူးပေါင်းရင်းမြစ်များ

Job 13:19

Pën jam pën xytyukwinmëtowa'anyës mëti'ipës të ntuuntëkoyën, wä'än tnikäjpxy tyamës n'ëmonëty etsës n'ookëty.

Salmos 119:151

Mijts Wintsën, winkon myajpaaty, ets tëkokyë yë m'ënä'ämën mtëyajtën aak mëtëy yë'ë.

Éxodo 22:9

Pën jyä'äniwäämpy tu'uk yë tsajpkaa, ëkë krukts, ëkë kupixyny, ëkë wit tujkxy, ëkë oy tyimtiijëty, mëti'ipë të tyëko'oyxyëtyën ets y'ëna'anëty ko yë'ë tjä'äjëty, tääpë nimäjtsk yë ja'ayëty mëpaat yajwoownëjkxtë jam Dios wintum ets jam yajnijawëty pën pokykya'ap; e mëti'ipë ënety pokykya'apën kujkwä'kxy nëjkx tnikujuuypyäjnë ja mëti'ipë ënety yajtsiptaktëpën.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënety ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënety jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Isaías 41:1

Amoonta'atë miitsëty, naax kajpnëty nëëpë'aaypyë yajpaatën. Naax kajpnëty amëk jotmëk itë. Mintë ets nikajpx nimëtyakmëty ya'atë winma'any; tsojk ntu'ukmujkëmë ets ntukxo'on ntuk'ijtëmë.

Isaías 41:21

Yë Wintsën, mëti'ipë Jacob kyutujkpë'ajtypyën, jëtu'un y'ënä'äny: Mintë miitsëty awinaxëty, ets mnanyikajpxtu'utëtëty, min nikajpxtë wi'ix mëpaat ka'ap ëxëëk mjatë mkëpätën.

Isaías 43:26

Pën mijts jam tii xynyijawë, mëti'ipës ka'ap oy të ntunyën, wä'än tyajpaye'ey. Nikajpxta'a yajxon wi'ixjatyës muum ntëkoyën, ets yaj'ixëty pën mijts ka'ap tii muum xytyuuntëkoy.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Mateo 5:25

Pën jää pën mni'ëënëty ets myajnëjkxa'anyë kutuunk wintum, nikë timkajpx'oyë mëët nimäjtsk naamtamnëm tu'ujotm myajpaatë ets këtiipë myajnëjkxëtëty ma ja kutuunkën. Pën ka'ap, mkë'ëyakëtëp ja kutuunk ma ja tajk mayuutën ets myajtsumëty.

Deuteronomio 19:17

Nimäjtsk yajwoownëjkxtëty ma ja Wintsën yajmëkäjpxyën, näjyëtu'un ma ja teetytyëjkëtyën ets ma ja kutuunktëjkëtyën, mëti'ipë jam tuuntëpën jä'ä xëëw jä'ä jëmëjt.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Apocalipsis 12:10

Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.