Isaías 50:6 - Biblia Dc en Mixe de Quetzaltepec

⁶ Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Biblia Mixe de Quetzaltepec

⁶ Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Isaías 50:6 ပူးပေါင်းရင်းမြစ်များ

Nehemías 13:25

Ojts mëëtëty yajxon näy'ojyës, ets ojtsës mpoky. Ojts pën nwopyës ets ojts mëti'ipë kyuwaay nkatswijxës ets ojts ntukupëktës ets tnikajpxtëty mëët ja nTios'ajtëmë ja xyëëw ko ka'ap tkupëka'antë ets ja y'u'unk y'ëna'k pyëktëty mëët ja jaaypyaat jaaypyo'kxy ja y'u'unkëty y'ëna'këty mëti'ipë mëët ka'ap ntu'kja'ayajtëmën. Ojtsës näjyëtu'un n'ënëëmëtë:

Job 16:10

Aak xynyipëtë'knëpës yë ja'ay, aak xytyuk'ijxtëpës yë wyiin jyëjpëty etsës xy'amëkoxëtë, nijënu'unës pën mëj xykya'ixy.

Job 30:10

Je'eyës xyëëk'ajnëtë ets mëpaatëpës xywyintsujjë'knëtë.

Salmos 129:3

Tëës yë njëxk xyajtsëtyujtaayëtë mëët ja näywyop näkya'atsë, ets janty ni'uky ku'ukyës yë njëxk të xy'ëxmajtsëtë jëtu'un kyëxë'knë kam awitsën,

Salmos 69:7

Mëët mijtskyëjxm tëës nmënaxy nyajnaxy yë näy'oj näyya'axë; tëës nyajpaaty wintsëtyu'un jëjptsëtyu'un;

Salmos 69:8

jëtu'unës të nyajpëjktä'äky maas yë njëëky nmëku'ukën tä tu'uk yë jaaypyaat jaaypyo'kxyën mëti'ipë ka'ap pën y'ixy'ätyën.

Isaías 53:5

Ojts tsyëtyuty wyintëkoy ko ëëtsajtëm ënety të nkäjpxykyumëtoownajxëmë, ojts tmë''ëyoy ja ntuuntëko'oyën'ajtëmë; mëët yë'ë ko ojts y'ëyoy jyotëkoy, ënät ojts njotkujktakëmë; mëët ko tsyëtyujty wyintëkooy, ënät ojts ëëtsajtëm ntsok n'akëtakëmë.

Isaías 53:7

O'ktëy yajtuuny yaj'ënëmaay, niwi'ix ojts kya'ëna'any, amonyë tkupëjky ja nätyiytyunë; jëtu'un ojts yajmënëjkxy ma o'ktaknën tä tu'uk kupixyny yajmënëjkxyën ma y'o'ktaknën, amonyë y'ijty, nitu'k'aaw kyakajpxpëtsëëmy, jëtu'un tä tu'uk kupixyny ayääkën mëti'ipë yajnikä'ptutpën.

Lamentaciones 3:30

ni'ikyë mëpaat wyiin jyëjp tyäky ma oypyën ets t'ëxajëty yë kajpxwijën oy ja'ay wi'ix y'ënë'ëxëtëty.

Miqueas 5:1

Mijts Jerusalén kajpn, yajtu'ukmuk jatëkok yë mtsiptuunpëtëjk ets mnäkyuwa'anëtëty, jä'ä ko tëë yë mnaax mkajpn nyatuky, yë'ë mëk tyiytyunantëp mëti'ipë jam ënä'ämpën ma Jerusalén kajpnën.

Mateo 26:67

Ënet twintsujë'ktë ets twintäx tjëjptäxtë, twinpojts t'apojtstë,

Mateo 27:26

Ënet ja Pilato tnajtsmajtsëy ja Barrabás ets ni'ënä'ämëy ja Jesús ets yajkwopëty ets ok tyajkruutspätëty.

Mateo 27:30

Ojts twintsuj tjëjptsujtë ets ojts twoptë mëët ja kepy mëti'ipë tyukë'ëkajpëtyën.

Mateo 5:39

Temë jëtu'un miits n'ënëëmëtë ko ka'ap xytyuunwinpitëty ko pën wi'ix mtunëtëty. Ko pën m'apojtsë'ëkëtëty ni'ikyë tuk'akë'ë wiinkpë m'apënuuky.

Marcos 14:65

Tam jënaakën mëti'ipë ojts twinkutsujëtën ja Jesús, ojts näjyëtu'un twinkutsumëtë ets twintäjx tjëjptäjxtë ets tyajtëëwtë: Nasjawë pën të mkoxyë. E ja tsajptëjk këwent'ajtpë ojts wyinkox jyëjpkoxëtë.

Marcos 15:19

Ojts ja kepy tukuwojpë'ëktë, ojts nitsujëtë, ojts nëxik tukxiktë, twinkoxtänëtë ets nyätyijyë t'ëwtajtë.

Juan 18:22

Ko ja Jesús jëtu'un y'ënäny ënät tu'uk ja mëjtsajptëjk këwent'ajtpë tkojxy ja Jesús ets ojts t'ënëëmë: ¿Tii ko jëtu'un xy'ëtsoy yë teety wintsën?

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.