Isaías 50:2 - Biblia Dc en Mixe de Quetzaltepec

² ¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Biblia Mixe de Quetzaltepec

² ¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Isaías 50:2 ပူးပေါင်းရင်းမြစ်များ

Génesis 18:14

¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

2 Crónicas 32:15

Këtii xymyëpëktë ijxtëm yë Ezequías m'ënë'ëmxëtën, këtii myajwin'ëëntë, nitu'uk yë naax kajpn të kyamayëtë nyäyajtso'okëtëty mëët ëëtsëty ets mëët ja n'ap n'okëtyës, ni yë'ë miitsëty yë mTios kyamayëtëty etsës xy'awa'ktuktëty.

Salmos 106:9

Ojts tmëkmëkäjpxy yë Tsaptsmejy ets tyajtëtsy. Tääts tyajnajxy mejyjoty ijxtëm jeexyë të'ëts'itjotm nyaxtën.

Salmos 107:33

Yë Wintsën yaj'awinpijtyp yë nëë wok ets mëjnëë, të'ëts'itjot ets të'ëts it të'ëtsnaax;

Éxodo 14:21

Ënet ja Moisés ja tyajk jam tnajtstijëy nëëjotm, tä ja Dios tu'uk ja mëkpoj tkejxy, tu'ktsu'um ojts pyojy ets ja nëë mäjtskpëky nyäwya'kxë. Jëtu'un ojts ja Dios ja naax tyajnitëtstu'uty jam nëëjotm,

Éxodo 14:29

E ja Israel ja'ayëty të'ëts wa'ats ojts tuknaxtë ja nëëjot, ma ënety të nyäwyä'kxyën ja nëë mäjtskpëky.

Éxodo 7:18

O'kta'ajaanp yë nëë jëyujk ets nëë ëxëëkëm xyuuka'any jyoka'any, niwi'ixtsow tkajëkyäpëty wi'ix yë Egiptë ja'ayëty t'uuktëtyën.

Éxodo 7:21

O'ktaaytyë ja nëë jëyujk, ja nëë ëxëëkëm ojts xyu'knë jyojknë, wi'ix ja Egiptë ja'ayëty t'ëk'uuktëty. Jap Egiptë aak ne'pyny ënety yaj'ijxnëp oy myaa'ajnë.

Proverbios 1:24

Tëë njamëkajpxtë ets tëë njamëjwow njamëjwitstë, e miitsëty ka'apës të xytyuntë këwentë.

Isaías 11:15

Nëjkxëp yë Wintsën tu'uk yë në'ë tu'u tyaj'ëwa'atsy ma mejy txëëwatyën Tsapts nëëmejy, ets jampaat jya'ta'any ja y'oyajtën ma ja Éufrates mëjnëëjën, tu'uk yë mëkpoj nëjkx tyajnäywyä'kxyë wëxtujkpëky, ets jotkujk nyaxtëty ja ja'ay kë'ëk mëët.

Isaías 19:5

Ja Nilë mëjnëë nëjkxëp tyëtsnë, ja mëjnëë jot ka'ap nëjkx nëë t'ëkmëët'ajnë.

Isaías 23:11

Yë Wintsën tëë yë myëk'ajtën tyaj'ixyë ma mejyjyotën. Tëë ja mëj naax mëj kajpn t'atsë'ëk t'ajawë, ja naax kajpn mëti'ipë ënety ta'tspëky yajpatëpën jam Canaán, wa'ats të tyajkutëkooytyä'äy.

Isaías 36:20

¿Mëti'ipë tios ma tääpë naax kajpnën të tputëkë ja nyaax kyajpn ma ja Asiria yajkutujkpë mëët të tsyiptuntën? ¿Wi'ix ko m'ëna'antë ko yë Wintsën yë'ë yajtso'okäämpy yë Jerusalén kajpn?

Isaías 41:28

Koos nja'ixy, nimaa wiinkpë tios kyakëxë'ëky; mëti'ipë jeexyë ëëwij kajpxwijpën, ni pën tka'ëtsoowwinpity ja mëti'ipës të njayajtëyën.

Isaías 42:15

Nyajkutëkoyäämpyës yam yë tun kopk, nyajtëtsta'ajäämpyës yam yë aay ujts; të'ëts'itjot yam nyaj'awinpita'anyës yë nëëjot, etsës nyajtëtsta'aja'any ja nëë'akëyë.

Isaías 43:16

Ojts ja Wintsën tyaj'oyë tu'uk yë tu'u nëëjoty, tu'uk ja najxtakn ma ja nëëkapën;

Isaías 44:27

Ëjts xymyäyëpës ntuknipëjktaakëty ets ja mëjmejy tyëtsta'ajëty ets mëjnëë wyë'ëmta'atëty nëëtuk.

Isaías 51:10

Ko ojts jëtu'un xyajjaty tä ja mëj jëyujkën mëti'ipë jap nëëjotyën ets ojts xyajnëëkutëëtsë ma ënety jap këknëëjoty y'ityën. Tu'ujën jap xyaj'awinpijty ets nyaxtëty të'ëts wa'ats ja mëti'ipë të y'ëwaatsë pëtsëmtën.

Isaías 54:6

Mijts jëtu'un ojts mjaty mkëpety tä tu'uk to'oxy'ëna'k yajnike'ekyën mëti'ipë naanpëkën, e yë Wintsën yë'ë jatëkok të mmëkäjpxyë ets të m'ënë'ëmxëty:

Isaías 59:1

Yë Wintsën yë myëk'ajtën ka'ap jëtu'un kyixy nyäxy tä oy tiijën ets ka'ap yajnitso'okëty, ka'ap nyatëty ets pën y'ëna'anëty ko ka'ap myëtoy.

Isaías 59:16

Yë Wintsën wiink të t'ixy ko ni pën tkayaj'oyë ya'atë jotmay; ënät kë'ëm yë myëk'ajtën të tpëjktä'äky ets të tuny ijxtëm tsokyën ets tëë myëtä'äky.

Isaías 63:13

Mëti'ipë nëë'itkujky yajnajxën ja nyaax kyajpn ets ka'ap nimaa tyä'äntsi'të, ijxtëm kwaay nyäxyën jam të'ëts'itjotm

Isaías 64:6

Tëkokyë ëëtsajtëm aak ëxëëk ja'ay nyajpatëmë; oy njanäjya'awëmëty oy yowë winë ntu'unëmë ma yë'ëjën, jëtu'un nyaj'ijxëmë tukwit tukpatsyën; aakjëtu'un ëëts'ajtëmë tä aaykyëta'akën poj'ampë xyëëwtsa'ayën, mëët ko je'eyë xëmë njëëky'ajt nmëku'uk'ajtëm nyaj'o'këmë, tä ënät ëëtsajtëm jëtu'un njajt nkëpäjtëmë tä jeexyë je'eyë nwinpapojëmën.

Isaías 65:12

Miitsëty tëkatsy mkumeeny'ata'antë: Kupuxy nyaj'ooka'antë. Jä'ä ko tëë njamëkajpxtë ets ka'ap të m'ëtsowtë; ojts njamëëtmëtya'aktë e miitsëty ka'ap të mja'akyukëtë; jä'ä të xytyuntë mëti'ipës ka'ap nkumayën ets mëti'ipës n'ëxëëk'ijxypyën.

Isaías 66:4

Ëjts ntuknipëjktakëpës yam ets o'ktëy jyatëty kyëpätëty, ets tpaatëty mëti'ipë ëxëëk tsë'ëkëtën. Jä'ä ko ojtsës njamëkajpxtë, ni pën xykya'ëtsooyës; ojtsës njakäjpxy ets ni pën xykyamëtooyës; jä'ä tyuuntë mëti'ipë ka'ap n'oy'ixyënës ets jä'ä wyin'ijxtë ka'apë ntukjotkëtä'äkyënës.

Jeremias 14:9

¿Wi'ix ko jëtu'un myaj'ixy tä tu'uk ja'ayën mëti'ipë kumo'on kutujkëpën ëkë tä tu'uk tsiptuunpë ja'ayën mëti'ipë ka'ap myäyën pyutëkëty? E mijts Wintsën, itkujky mjayajpaaty ma ëëtsëtyën, ni'ëmukë ëëts nijawëtë ko ëëtsëty xykyajp'atë; këtii ëëts xy'ëxmatstë.

Jeremias 35:14

Yë Jonadab yë y'u'unk y'ok, yë Recab yë myaank, yë'ë pyatuuntëp ja ënä'ämën mëti'ipë ënaanpën ko ka'ap mëpaat yë tsatym nyëë t'uuktë mëti'ipë tëë nyimaanaxyën, jä'ä ko jëtu'un ja y'aptëjk ojts tni'ënä'ämë. Ëjts nän tëë miitsëty yë ënä'ämën njamo'otë kanaak ok, je'eyëp ko ka'ap të xypyatuntë.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Jeremias 7:13

Kanaak'ok n'ënëmaaytyës ets jeexyë tyaj'oyëtë wyinma'any, miitsëty ka'ap të xymyëmëtowtës ets ka'ap të xy'ëtsowtës. Ëjts Wintsën, ëjts ënaanp.

Jeremias 7:27

Mijts Jeremías, tukmëmëtyakta'a ya'atë aaw ayuk; oy mkamëjpëjkta'akëtëty, winya'ax winjokmës oy pën mka'ëtsoowinpitëtëty.

Jeremias 8:6

Yajxonës yë ntatsk xii yaa njatuk'akëyë, nimaajës të nkamëtoy pën jyotwinpity ets nimaajës nkamëtoy pën y'ënä'äny: ¿Tiijës të ntuny? Aak pe'tym je'eyë ye'eytyë tä yë kwaay pëyi'ikyë nyäxy tyëkën tsipjoty.

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënety ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Daniel 6:20

Ko tmëwinkoony ja kaa ijtakn, ënät jë'ë ya'ax tmëkäjpxy ja Daniel: Daniel, Dios mëtuunpë, ¿tëë ja mTios myajtso'okyë kaa aawjoty, mëti'ipë m'ëwtajtypyën ets mëtuumpyën ëmuumtu'ukjotë?

Daniel 6:27

Yë'ë yajtsokp ets yaj'ëwaatsëpëtsëëmp yë'ë; yaj'ijxëp yë myëj'ajtën tsajpjotm ets naaxwiinyëtë. Yë'ë të tyajtso'oky yë Daniel ma kaa myu'utën nyiitstën.

Oseas 11:2

Koos nyaxtsoy, ni'ikyës xymyëjëkämke'eky. Yë'ë ja wyintsë'kën myoopy ja wiink tios ets ijty twinno'oky twinxamy yë awinax.

Oseas 11:7

Jëkämës yë nkajpn tyimnäyyaj'ityë; nëyax yujkyaxtëp je'eyë ets ni pën tkamëtoy.

Nahúm 1:4

Y'ëtsu'uxyäxyp yë nëëmejy ets yajtëtsyp. Yë'ë yajtëtsyp tëkokyë yë mëjnëëjot. Yë'ë yajtëtstääpy yë aay ujts jam Basán ets Carmel y'itjotm, yë'ë näjyëtu'un të tyajtëtsta'ay yë pëjy jam Líbano.

Habacuc 3:8

¿Wi'ix Wintsën, tëë yë mëjnëë xytyukjoot'anpëkyë? ¿Ti tëë yë mejy myaj'ëwa'antä'äkyë? ¿paaty yë mkwaay të xytyukwa'tspety ets të mpety jam ma mkepy wyintëkäämpën tëëpë myëtä'äkyën tsipjotmë?

Marcos 4:39

Ënet ja Jesús pyëti'ky ets twinkukajpxëy ja poj ets ja mejy t'ënëmaay: Mëtow, ka'ap myu'kxëty. Ënet ja poj myoony ets tu'k'ityë ojts wyi'im.

Juan 1:11

Yë'ë ojts tjaniminy mëti'ipë jyä'ä'ajtypyën ets kä'äp ojts kyupëkyë.

Juan 3:19

Mëti'ipë ka'ap myëpëktën tëë nyitukëtë, jä'ä ko, yi'iyë ja ëxëëkpë tyuuntëp paaty ja kujaj kutë'kxën ka'ap të tsoktë ko të jyaminy yaa naaxwiiny.