Isaías 50:11 - Biblia Dc en Mixe de Quetzaltepec

¹¹ E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënety kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Biblia Mixe de Quetzaltepec

¹¹ E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënäty kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Isaías 50:11 ပူးပေါင်းရင်းမြစ်များ

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Jonás 2:8

Mëti'ipë wiink tios pyanëjkxtëpën, yajtëkooynyëtëp ja wiinkutsë'kën ma mijtsën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Juan 9:39

Tääts ja Jesús y'ënëmaayë: Yë'ëjës të niminy naaxwiinyëtë etsës ja ja'ay mëtëy nipaye'eyëty; nyaj'ijxpëka'anyës mëti'ipë wiintsën ets nyajwiintsëja'anyës mëti'ipë ijxtëpën.

Ezequiel 20:39

Mijts Israel kajpn, mëtoow'it wi'ix yë Wintsën y'ënä'änyën: Nëjkx ëwtatë yë m'awinaxëty. Je'eyëp ko ok nëjkx xymyëmëtowtës ets ka'ap jatëkok xy'ëk'ëxëëk tuunëtëty ja nkënu'kxy xyëëwës ma ja wiink tios xymyo'otën ja wintsë'kën ets xy'ëwtatë.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Santiago 3:6

Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Mateo 22:13

Ënet ja yajkutujkpë t'ënëmaay ja tyuunpë: Kë'ëtsumtë tekytsymtë ets xypyëjkta'aktëty jap tëja'p akootstuuy, ma ja'ay jyë'ëtëty ya'axtëtyën ets nyätyëtskääpëtëtyën.

Mateo 8:12

E mëti'ipë japaat'ajtëtëp jeexyë yajpaatë ma ja kyutujktaknën, nëjkxëp yajpëjkta'aktë akootstuuy tëja'p. Tääts tyëkëtëty jëëpyë yaxpë ets ka'ap nëjkx tmëmëta'aktë.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Proverbios 26:18

Jëtu'un tä tu'uk yë ja'akyupojën mëti'ipë ajotkumonë ti'pxë'kpën,

Salmos 32:10

Yë ëxëëkja'aytyëjk kanaakpëky yë pëjkën ijxën tyajnaxa'antë, e yë Wintsën yë tsyojkën jya'awën jam xëmë y'ita'any ma ja'ayëtyën mëti'ipë tukjotkujk'ajtëtëpën.

Salmos 16:4

ni'ikyë tyajmayëtë y'awinax ets t'ëwtatë. Ëjts nijëna'ajës jam nkayajpaata'any ma jëyujk ne'pyny tämtë tjä'ätstën. Nijëna'ajës nkaxëëwkuuykyajpxa'any.

Isaías 9:18

Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Amós 4:9

Ojts yë mëkjëënpoj ntukwoptës ets ojts yë këtye'epyë ntuknikäxtës, ojts nyajtë'ëtsyës yë y'ääy y'ujtsëty ets tsatsym kam, ojts yë mu'u tyajkutëkooytyä'äy yë higo kam ets olivë kam, e miitsëty ka'apës ojts xynyiwinpitë. Jëtu'un yë Wintsën y'ënä'äny.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënety mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Habacuc 2:13

Yë Wintsën mëti'ipë maaytyääyëpën winë ka'ap tmëjpëjkta'aka'any yë mtuunk ets oy jënu'un tii të xyjyayajnimëjaawtä'äky, jä'ä ko nitooytya'ajaanp ja mëti'ipë të xyapëjktä'äkyën.

Jeremias 17:4

Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.