Isaías 50:1 - Biblia Dc en Mixe de Quetzaltepec

¹ Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Biblia Mixe de Quetzaltepec

¹ Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënäty pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Isaías 50:1 ပူးပေါင်းရင်းမြစ်များ

1 Reyes 21:25

Ka'ap ojts maa jëtu'unpë yajkutujkpë nijëna'a tyuny, mëti'ipë ojts yi'iyë tyo'oxytyëjk nyätyuk'ëne'emyën, ijxtëm yë Ahab tyuunën yë tyo'oxytyëjk Jezabel ets je'eyë ojts nëkoo tii ëxëëkjaty tyuktuuntëkoyë jam Wintsën wyintum.

2 Reyes 17:17

Ojts ja y'u'unk y'ëna'k tyajnitooynyëtë, tyajknëtë ets wyintsë'kën'atëty, ojts tjajtnëtë wi'ix winë tnajtsjawëtëtyën ets ojts tnija'awënyëtë wi'ix ja kë'ë tyajmëtya'aktëtyën, tuunëtë tkajpxnëtë ja ëxëëkpë, mëti'ipë ja Wintsën ojts tukyajjoot'anpëktën.

2 Reyes 4:1

Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënety të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

Nehemías 5:5

Jëtu'un tä ëëtsëtyën ets ja wiinkëtypë ja njëëky nmëku'ukëtyës tu'ukyë ëëtsëty; ja n'u'unk n'ëna'këtyës ka'ap ja tyëkatsy'ajtëpë mëët ja y'u'unk y'ëna'këty. E ëëtsëty yë'ëjës wiink nja'awëtyëp ko ja n'u'unk n'ëna'këtyës yä'äy'ëna'kpë to'oxy'ëna'kpë je'eyë myëtuun kyupëjknëtë. E ëëtsëty tiijës n'ëktuunta'aktëp kaka'atpën tii, ja nkam ntu'ujëtyës aak wiink ja'ay ja tyam jyä'ä'ajtaaynyëtëp.

Ester 7:4

Jä'ä ko tëëjës nijawë ko ëëtsëty ets nnaax nkajpnës tëëjës nyajtook nyajyaktë ets ni'ëmukë nkëjxta'a ntëkooytya'atëtyës. Ëjts ka'apës jeexyë wi'ix n'ëna'any koos jeexyë je'eyë të nyajtooktë ets nmëtuntëtyës, ja mëtsip ka'ap jeexyë nëkoo jëtu'un tyimtuuntëkoy ma ja yajkutujkpën.

Salmos 44:12

jëtu'un tpatnë tä jeexyë yë mnaax mkajpn janty mëpaat të xynyito'knën, e tiitën mpatyp m'ijxyp ko janty mëpaat xytyooky.

Éxodo 21:7

Pën ënety ja nyëëx tyo'kpy ets myëtunëty, yë'ë ka'ap ëwaatsëtuuy wyë'ëmëty jëtu'un tä yë ye'etyëjkëtyën.

Isaías 1:28

Apux tukpuxës ntuna'any mëti'ipë käjpxy kyumëtoownajxtëpën, ets mëti'ipës ënety xy'ëxmajtstëpën nëjkxëp y'ooktë.

Isaías 27:8

Ko yë Dios yë nyaax kyajpn të yajjoot'anpëkyë, je'eyë wiink kajpn të tnajtskäxë, je'eyë ojts yë nyaax kyajpn tuk'ëxmatsy ijxtëm tu'uk yë pu'uxm pyojke'ekyën, ijxtëm tu'uk pu'uxm wyimpapojyën mëët jëënpoj mëti'ipë tso'onpën xëëwpëtsëmtsyow.

Isaías 43:27

Ja m'ap m'ok tyuuntë ja nëë poky, ja mya'ijxpëjkpëtëjkëty ojts xykyäjpxy kyumëtoownaxtë,

Isaías 46:8

Ja'amyätstë ya'atë, pokyjyä'äytyëjkëty, këtii tii mnätyukwin'ëënëtëty, mëmay mëtajtë yajxon oy.

Isaías 52:3

Jä'ä ko yë Wintsën jëtu'un y'ënä'äny: Ëjts nitu'kjënu'unën të nka'ëxajës ko ojts myajnitooktë, tyam nän nitu'kjënu'unën kyatsokyë ets nyaj'ëwaatsëpëtsëmtëty.

Isaías 54:6

Mijts jëtu'un ojts mjaty mkëpety tä tu'uk to'oxy'ëna'k yajnike'ekyën mëti'ipë naanpëkën, e yë Wintsën yë'ë jatëkok të mmëkäjpxyë ets të m'ënë'ëmxëty:

Isaías 54:7

Wäänë nätyu'uk n'ëxmajtskojy, nwowäämpy jatëkok mëët tu'uk ja oy jot oy winma'any ets tu'ukyë n'ijtmëty.

Isaías 58:1

Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Isaías 64:6

Tëkokyë ëëtsajtëm aak ëxëëk ja'ay nyajpatëmë; oy njanäjya'awëmëty oy yowë winë ntu'unëmë ma yë'ëjën, jëtu'un nyaj'ijxëmë tukwit tukpatsyën; aakjëtu'un ëëts'ajtëmë tä aaykyëta'akën poj'ampë xyëëwtsa'ayën, mëët ko je'eyë xëmë njëëky'ajt nmëku'uk'ajtëm nyaj'o'këmë, tä ënät ëëtsajtëm jëtu'un njajt nkëpäjtëmë tä jeexyë je'eyë nwinpapojëmën.

Jeremias 3:1

Jëtu'un yë Wintsën y'ënä'äny: Ko tu'uk yë to'oxytyëjk nyäy'ëxmatsyë mëët yë nyiye'etyëjk, yë to'oxytyëjk ko pyëjktëkatsy, ka'ap t'ëkjëkyäjpnë nän yë'ë mëët jatëkok pyëkëty mëti'ipë ënety mëët të nyäy'ëxmatsyën. Yë naax kajpn wiink nëjkx t'ixy. E mijts Israel, jëtu'un të m'ëtë'ëtsy tä tu'uk to'oxytyëjk kanaak yë ye'etyëjk mëët y'ityën ets ënät m'ëna'any ko ëjts xynyiwinpita'any. Ëjts Wintsën, ëjts ënaanp.

Jeremias 3:8

ets y'ijx näjyëtu'un koos ojts n'ëxmatsy yë Israel kajpn mëti'ipë käjpxy kyumëtoownajxpën, jëtu'un tä tu'uk yë to'oxytyëjk yaj'ëxmatsyën mëti'ipë ka'ap twintsë'ëkën yë nyiye'etyëjk. E yë Judá, mëti'ipë jëtu'un tä jeexyë yë Israel tsë'ë'atyën, nän timjëtu'un ojts y'ëtëtstä'äky.

Jeremias 4:18

Mëët ko yi'iyë të xytyuny mëti'ipë ëxëëkën, paaty o'ktëy të mjaty; mëët ko të mtuuntëkoy, paaty të mjoottëkëty ja ëyo'on ets tëë ja mwinma'anytyëkoy.

Oseas 4:5

Mijts xëëny koots nëjkx ëxëëk mjaty mkëpety, näjyëtu'un yë mkäjpxynyäjxpë xëëny koots nëjkx ëxëëk jyäty kyëpety ets mtaak nyajkutëkoyäämpyës yë'ë.

Mateo 18:25

Ja ja'ay ka'ap ënety tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.