Isaías 5:8 - Biblia Dc en Mixe de Quetzaltepec

⁸ Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Biblia Mixe de Quetzaltepec

⁸ Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Isaías 5:8 ပူးပေါင်းရင်းမြစ်များ

Job 15:28

Xit ko'ow ja kajpn jyata'any ma ënety yë'ë tsyëënën; nëjkxëp ja jëën tëjk yajtukäktuta'ay ets xit ko'ow ja naax y'awinpita'any.

Job 20:21

Aak tyimwinpëjkmujktääpy ijty winë. Paatykyëjxm ka'ap pyoxa'any yë xyoontakën.

Proverbios 15:27

Mëti'ipë ja'ay ëxëëk y'atsokyën, yë'ëpaat jyëën tyëjk tyajtëkoy; e mëti'ipë ja'ay ka'ap tii t'ixk'atyën, nikë jotkujk jyuuky'äty.

Ezequiel 11:15

Yë Israel ja'ayëty mëti'ipë jam Jerusalén tsënaaytyëpën, mijts yë mëku'uk jëtu'un y'ëna'antë: Yë'ëjëty myëjëkäm'ajtëp yë Wintsën. E ëëtsajtëm tëë yë naax kajpn xymyo'oyëm ets njä'ä'ajtmëty.

Ezequiel 33:24

Yë ja'ayëty mëti'ipë jam tsënaaytyëpën ma Israel kajpnën, mëti'ipë xit ko'ow të jyajta'ayën, jëtu'un y'ëna'antë: Yë Abraham nätyu'uk ijty ets ix ojts yë'ë tjä'ä'aty ya'atë naax kajpn; ëëtsajtëm nimay ni'ik nyajpatëmë, paatykyëjxm ni'ik tmëët'ajtëmë ja mëk'ajtën ets ya'atë naax kajpn ëjts njä'ä'ajtmëty.

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënety u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Miqueas 2:1

Janty mon janty tuk yë ja'ay yajpaatë mëti'ipë koots myëmaay myëët'ajtëpën wi'ix yë jyiiky myëku'uk ëxëëk tuntëtyën ets ko xyiinyë tëë nyatuuntëkooynyëtë jä'ä ko myëët'ajtëp ja kuttujkën mëk'ajtën.

Miqueas 2:2

Y'atsojktëp yë naax kam ets jyä'äpëjktëp; y'atsojktëp ets mya'tstëp yë jëën tëjk. O'ktëy tuntë yë jyiiky myëku'uk mëët yë y'u'unk y'ëna'k, mëti'ipë ja naax kam jyä'ä'ajtypyën ets mëti'ipë të yajtukumayën.

Habacuc 2:6

E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënety të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.