Isaías 5:30 - Biblia Dc en Mixe de Quetzaltepec

³⁰ Tääpë kajpn, ko ënety xëëw jëmëjt tpaaty, jëtu'un nëjkx yajmëtoy tä mëjmejyën ko ënety tukja'ty yë Israel kajpn; kootsëm nëjkx yë naaxwiinyëtë jyäty ets wa'ats nëjkx pyi'tsta'ay yë të'kxpë jajpë.

Biblia Mixe de Quetzaltepec

³⁰ Tääpë kajpn, ko ënäty xëëw jëmëjt tpaaty, jëtu'un nëjkx yajmëtoy tä mëjmejyën ko ënäty tukja'ty yë Israel kajpn; kootsëm nëjkx yë naaxwiinyëtë jyäty ets wa'ats nëjkx pyi'tsta'ay yë të'kxpë jajpë.

Isaías 5:30 ပူးပေါင်းရင်းမြစ်များ

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Joel 2:10

Yu'kxp yë naaxwiinyëtë ko myintë, moonkëtakp tujkëtakp yë tsajp, ka'ap yë xëëw po'o y'ëktë'kxnë ets mëtsa'a jëtu'unyë pyi'tskëtaknëtë.

Apocalipsis 6:12

Ko ja Kupixyny U'unk tyaj'ëwatsy ja mëtëtujkpë ja tsa'ayën, ënätës n'ijxy ko mëk ja ujx nyäjxy. Ojts ja xëëw yëk jyajta'ay, ijxtëm yëk witën mëti'ipë ja'ay pyëjktaktëpën ko pën y'ooky; ja po'o tsapts y'awinpijty ijxtëm ja ne'pynyën,

Mateo 24:29

Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Jeremias 6:23

Yë'ëjëty tam oyëtypë pujxn tmëët'atë mëti'ipë myëtsiptuuntëpën; tääpë ja'ayëty ëxëëk ja'ay yë'ëjëty ets ni pën tkapa'ëyowtë. Ko y'aya'axtë, jëtu'un yajmëtoy tä mëjmejy y'iitsy kyomyën, kwaaykyijxy muum nyëjkxtë. Jëjp'ixy jam y'ijnëtë ets tnitëkëja'antë ja Sión kajpn.

Isaías 13:10

Ja matsa'a ka'ap y'ëktë'kxanëtë; ja xëëw nëjkxëp pyi'itsy, ja po'o ka'ap y'ëkyaj'ixanë.

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënety yajxon xëëw të jyajtä'äky koos nyaj'awinpita'any yë naaxwiinyëtë koots.

Lamentaciones 3:2

Jamës të xyajnëjkxy ma y'api'its y'akootsëtyën, jamës të xyajye'ey ma ka'ap tyi'kxy jyäjyën;

Jeremias 50:42

Tëë tpëjktakta'atë yë tyi'pxnëty ets kyu'umënëty; ëxëëk jyä'äy'atë, ka'ap nitii tpa'ëyowtë, jëtu'un yajmëtoy tä nëë y'iitsy kyomyën ko tyëkëtë yaxpë jojkpë, kwaaykyijxy myintë. Tëë tuknipëjktaakëtë ko yë Babilonyë kajpn tnitëkëja'antë.

Eclesiastés 12:2

Tyam jëtu'un mëpaat xyjyä'äymyetsy mëti'ipë winë të tyajkojy të tpëjktä'äkyën ma tyi'kxy jyäjyën ja xëëw po'o ets ja mëtsa'a ets jyää'atyën ja yoots nëma'a ko tyuuta'ay.

Isaías 13:4

May ja ja'ay jam kopkëjxm yajmëtoy ya'axtë jyoktë. Jëtu'un yajmëtoownë naax kajpn myuunë mëti'ipë jam të tyu'ukmuktën. Yë Wintsën mëti'ipë maaytyääyëpën winë tëë t'ixjmujkta'ay ja tsyiptuunpëtëjk mëti'ipë jëjp'ixy ijtëpën ets tsyiptuna'antë.

Isaías 17:12

Mëtoow'itë wi'ix ya'axtën jyoktën yë mayjyä'äy, jëtu'un tä y'iitsy kyomyën yë mëjmejy. Jëtu'un ja naax kajpn myu'utë nyiitstë tä mëj komnëë y'amu'uyën.

Isaías 30:6

Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.

Isaías 59:9

Paatykyëjxm ja nitsokën të jyëwa'knë ma ëëtsajtëmën ets tsip nmëwinko'onmëty ja ëwaatsëpëtsë'ëmën; ja të'kxën jajën jä'ä ntsaty'ëwxijtëm e ëëtsajtëm akootstuuy ni'ikyë nnajtswa'këm; ja xëënyajtën jä'ä tyäty yajtsojkp, e ëëts'ajtëmë ni'ikyë të nkukootsëmë.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Jeremias 30:5

Jëtu'un yë Wintsën y'ënä'äny: Tsë'ëkë jawë ja'ay yajmëtoy yä'äxy jyoky, tsë'ëkë je'eyë jää'ajtp ets ni pën kyajjotkujk'aty.

Ezequiel 26:3

Paaty ëjts maas nWintsën'atyën, jëtu'unës yam n'ëna'any: Tirë, ëjts jëtu'unës yam näpyëjktä'äkyë ma mijtsën tä tu'uk mmëtsipën. Ëjts ntuknipëjktaakëjäämpy ets may yë naax kajpn mnipëtë'ëkëtëty jëtu'un tä nëë o'pykyën mejyjoty,

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënety yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.