Isaías 5:2 - Biblia Dc en Mixe de Quetzaltepec

² Yajxon ojts naax tajyuky, wa'ats tpiiwpëtsëëmtaay ja tsaa ets ojts nakemy. Jam kam'itkujky ojts tu'uk ja tëjk tkojy, ets tnipëjktakëy ma ja tsatym yajwinma'atsëtyën. Ja nmëku'ukës jëtu'un tjëjp'ixy pa'ak yowë ja tsatym pyëtsëmëty, e ko ja tsatym ojts tyëëm'aty, aak xunëty ojts pyëtsimy.

Biblia Mixe de Quetzaltepec

² Yajxon ojts naax tajyuky, wa'ats tpiiwpëtsëëmtaay ja tsaa ets ojts nakemy. Jam kam'itkujky ojts tu'uk ja tëjk tkojy, ets tnipëjktakëy ma ja tsatym yajwinma'atsëtyën. Ja nmëku'ukës jëtu'un tjëjp'ixy pa'ak yowë ja tsatym pyëtsëmëty, e ko ja tsatym ojts tyëëm'aty, aak xunëty ojts pyëtsimy.

Isaías 5:2 ပူးပေါင်းရင်းမြစ်များ

2 Samuel 7:10

Tëë näjyëtu'un tu'uk yë it naaxwiinyëtë nipëjktaakës maas yë naax nkajpn tsyëënëtëty jyuuky'atëty; mëti'ipë yë'ë kë'ëm tyimjä'ä'atëpën, ma ka'ap pën y'ëtsipëtëtyën ets ma ka'ap yë ëxëëkja'aytyëjk yajjtokëxëtyën jëtu'un tä të pya'tkë'p'atyën.

Nehemías 13:15

Jä'ä xëëw näjyëtu'un n'ijxyës ko jam ma Judá kajpnën tam ijty ja'ay mëti'ipë po'kxënxëëwëtë nëjkx y'uvë winteenyën mëti'ipë tsatsym nyëë yajpëtsëëmpyën, tam mëti'ipë nëjkxpën muum kamjotm tsajpmoktsëëmpë, tam mëti'ipë jyëyujk yajnëjkxypyën tsatsym tsyëëmpë, higo tsëëmpë ets tiijaty jam tyukpatsëëmtëp ets nän po'kxënxëëwëtë jam winë tsëëmnëjkxnëtë Jerusalén. Ënet ntuk'ënëmaaytyës ets ojts ntuk'ojtës wi'ix jä'ä po'kxën xëëw tyo'ktëpë yajktëpë.

Salmos 80:8

Jëtu'un ojts jap Egiptë xyajtsoontës tä tu'uk yë tsatym kyepyën, ets ojts xykyojtës ma ja kajpnën ma xy'ixkäjxtaayën ja ja'ayëty mëti'ipë ka'ap ja Dios t'ëwtatën.

Salmos 80:9

Ojts yajxon xyajni'ëwaatsë ma xypyäna'anyën, ets ja tsatym yoonë'ky ets tyiktskeky, jëtu'un tyajwintujky ja naax kajpn.

Éxodo 33:16

Jä'ä ko pën mijts ka'ap mnëjkxy mëët ëëtsëty ¿wi'ix jëtu'un yë käjpxy y'ëna'anëty, ko ya'atë kajpn yë'ë mëët myëtyä'äky yë mputëjk mpupäjtën? Jä'ä ko ya'atë kajpn paaty jëtu'un tëkatsy yajtijtë ma wiinkëtypë kajpnën, jä'ä ko mijts myajTios'aty.

Isaías 1:8

Yi'iyë yë Sión të jyaak wë'ëmy jëtu'un tä tu'uk kamtëjkën, nätyu'uk jyaak yajpaaty ma tsatym kyamën. Tä tu'uk këtseytyëjkën ma melón kamën, Tä tu'uk kajpnën tëëpë myëtsip yajnatukyën.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Jeremias 11:17

Ja Wintsën mëti'ipë maaytyääyëpën winë, mëti'ipë ojts mkojyën jëtu'un tä ja'ay aay kepy tkojy tmä'kxyën, tëë tuknipëjktaakë ko ja ëyo'on jotmay mtuknikäxa'anyë, jä'ä ko yë Israel ja'ayëty ets Judá ja'ayëty të pyokytyuntë ets të xyajjoot'anpëktës ko yë'ë ja Baal të tukwino'ok të tukwinxamtë ja poom jok.

Jeremias 2:21

Jëtu'un ojts mijts njakojy njamä'kxy tä tu'uk yë tsatym aatsën oypyë juunpë mëti'ipë pyajk oy të pyëtsimyën. E mijts ëxëëk të mnätyunyë, ka'ap të n'ëk'ijxkajpnë.

Oseas 10:1

Jëtu'un yë Israel kajpn nyäxy tä tu'uk yë tsatym kyepyën; ko may ja tyëëm tpëjktä'äky, may näjyëtu'un t'oytyuny ja wyintsë'këntyakn; ko ja nyaax kyajpn ijty y'oyë, nän oy ja y'awinax t'oytyuny mëti'ipë kënu'kxy yajnajxypyën.

Miqueas 4:8

E mijts Jerusalén, mëjpotsy ets mëti'ipë ta'tspëky yajpatpën jam Sión, mijts nëjkx jatëkok m'awinpity kajpn kopk ma ja kuttujkën y'ityën, jëtu'un tä tu'uk yë taakën nëjkx jatëkok m'ity tä ijty tëëyëpën.

Mateo 21:19

Ënet ojts t'ijxpaaty tu'uk ja higo kepy jam tu'upë'am ets tmëwinkoony. Nitu'uk ja tyëëm kyaka'ty, ujts aay je'eyë jam. Ënet t'ënëmaay ja higo kepy: Nijëna'a mkanäkytyëëm'atëty. E ja higo kepy ënätyë ja tyitsy.

Mateo 21:33

Mëtoow'itë ya'atë wiinkpë ijxpäjtën: Tu'uk ja ja'ay ojts tpëjktä'äky ja tsyätym kam ets tnakeemy tnapëjky, ënät t'oytyuuny tu'uk ja tsyätym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk yajtukë'ëtëjkëtyë ënu'kxy ja kam ets ojts nyijkxy ëpëky it ja wintsën.

Mateo 21:34

Ko tpaty ja nyixëëw nyipo'o ma ja tsatym yajtukyën, ënät ja tyuunpë ojts jënaakën tkexy ma ja naax kamën ets t'amëtowa'antë ja tsatym mëti'ipë ja kukam paat'ajtëpën.

Marcos 11:13

Tä tu'uk t'ijxpaty ja higo kepy jam jëkäm, tam ja y'ääy yaj'ixy. Tääts ojts tninëjkxy ets t'ixa'any pën jam ja tyëëm. Ko t'ijxy nitu'uk kyatëëm je'eyë ja y'ääy, jä'ä ko ka'ap ënety nixëëwëty.

Marcos 12:1

Ënet ja Jesús yaj'ijxpëjktso'ony mëët ja ijxpäjtën ets y'ënäny: Tu'uk ja ye'etyëjk ojts tpëjktä'äky ja tsatsymkyam ets tnakeemy tnapëjky, ojts t'oytyuny tu'uk ja tsatym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk ojts tuknipëky ja kam ets ojts tsyoony nyijkxy jëkäm.

Marcos 12:2

Ko tpaty ja tsatym tujk, ënät ja kukam tkejxy tu'uk ja tyuunpë ets tuk'amëtowa'any ja tsatym mëti'ipë ja kukam patëpën.

Romanos 9:4

Yë'ë u'unk'ajt ok'ajtëtëp ja Israel, ets ja Dios të kyupëkëtë tä y'u'unkën. Yë Dios ojts yajpaaty ma yë'ëjëtyën mëët ja myëj'ajt y'oyajtën, ets myooyëtë ja ënä'ämën ets ja waantakën, näjyëtu'un wi'ix twinjawëtëty twintsë'ëkëtëty ja Dios.

1 Corintios 9:7

¿Wä'än jëtää ja tsiptuunpë kë'ëm nyämyëjuyë? ¿Wä'än jëtää ja tsatym nyiyu'ujëpë ka'ap tjë'kxy ja tsatym kyo tyëëm'atyë? ¿Ëkë jää jëtää ja kupixyny këwent'ajtpë ka'apë t'uukyën ja lechë mëti'ipë yajma'tspën ma ja kupixyny taakënë?

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

Jueces 16:4

Ënet ojts yë Sansón tu'uk t'oy'ixy yë to'oxytyëjk, jä'ä xyëëwajtyp Dalila ets mëk tsojkëny'äjty. Yë Dalila jam ënety kyukajpnëty Sorec.