Isaías 5:18 - Biblia Dc en Mixe de Quetzaltepec

¹⁸ Janty mon janty tuk miitsëty myajpaatë, jä'ä ko mëët ja näywyin'ëënë mtuuntëkoytyë, jëtu'un ja nëë poky xypyajëtitë tä kepy wintëkäämpë yajpajëtutyën.

Biblia Mixe de Quetzaltepec

¹⁸ Janty mon janty tuk miitsëty myajpaatë, jä'ä ko mëët ja näywyin'ëënë mtuuntëkoytyë, jëtu'un ja nëë poky xypyajëtitë tä kepy wintëkäämpë yajpajëtutyën.

Isaías 5:18 ပူးပေါင်းရင်းမြစ်များ

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënety ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Jeremias 23:10

Ujts yë naax kajpn yajpaaty mëët yë ja'ay mëti'ipë ka'ap twintsë'ëkëtën yë pëjkën ukën, yi'iyë tyuuntëp kyajpxtëp yë ëxëëkpë, je'eyë tyäty ënä'äma'antë tyäty yajkutuka'antë ets tëkatsy winë tnipaye'eytyë. Paaty ojts yë Wintsën tpoky yë naaxwiinyëtë ets ja naaxwiinyëtë tyëëtsë'ky, ojts tyëtstëkoy ja aay ujts jampë të'ëts'itjotmën.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Salmos 36:2

Yë ëxëëk ja'ay jëtu'un nyäjyawëty oy yowë winë tuny ets aak y'oy'ixëp yowë ja'ay, ka'ap nimaa t'ixy mya'atëty ja y'ëxëëktu'un y'ëxëëk kajpxën.

Hechos 26:9

Ëjtspaat ijty jëtu'un nwinmay ets nyajkutëkoyä'änyës ja Jesús Nazaretëtë ja y'oyajtën.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Sofonías 1:12

Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Isaías 28:15

Ëëtsëty ka'apës yë o'kën tëko'oyën ntsë'ëkëtë jä'ä ko tëëjës yë käjpxytyu'unën mëët ntuntë, paaty tyam oy jënu'un jyaminëty yë ëyo'on jotmay, nitiijës xykyajata'antë; tëëjës nijawëtë ko n'antakmëty jotkujk jam n'ijtmëty, ets ko nwin'ë'ënmëty, npatmëp ja tsoktakn.

Salmos 14:1

Ja'ay mëti'ipë winma'anytyukën ënaanp ko ka'ap ma Dios, tëë wyinma'any tyëkooytya'atë, aakyë'ë të tuntë ëxëëkpë. Ka'ap ma pën mëti'ipë oypyë tyunëpën.

Salmos 10:11

Yë ëxëëk ja'ay jëtu'un myäy tyäjy ko Dios jyä'äytyëkoopy winë, ko je'eyë nyäwyinkumatsëty tääts ka'ap tii t'ixy.

Jueces 17:13

Tääts ja Micaías ojts myäy tyäjy ko ja jyëën tyëjk ets ja jyuukyajtën jëjp'ixy ënety tmëët'ajnë ja Dios ja kyënu'kxën, jä'ä ko yë'ë ënety jam teety'ajtp ma ja tyëjkën tu'uk yë Leví ja'ay.

Jueces 17:5

Micaías myëët'ajtyp ijty tu'uk tëjk ma Dios t'ëwtatyën. Ojts tu'uk yë wit t'oytyuny mëti'ipë ja teety pyëjktaktëpën, kanaakpëky yë tios tyajmëjnajxy, tu'uk ja myaank tuknipëjky ets tyeety'atëty.

Jeremias 36:23

Ko ja Jehudí tkajpxta'ay ja noky tëkëëk taxk waats, tääts ja yajkutujkpë tuktsukë ja noky ets tjëënkupëky. Aakjëtu'un tuuntaay koonëm tno'ktaay.

Proverbios 4:17

Yë'ë jya'awëtyëp ka'ayën ukënën yë tsiptu'unk ets ëxëëk jot ëxëëk winma'any.