Isaías 49:7 - Biblia Dc en Mixe de Quetzaltepec

⁷ Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Biblia Mixe de Quetzaltepec

⁷ Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënäty ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 49:7 ပူးပေါင်းရင်းမြစ်များ

Mateo 26:67

Ënet twintsujë'ktë ets twintäx tjëjptäxtë, twinpojts t'apojtstë,

1 Pedro 2:4

Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Dios wyin'ixyë ets ni'ik të tsyoowpaaty.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Isaías 48:17

Jëtu'un yë Wintsën y'ënä'äny, mëti'ipë myajpëtsëëmëpën ëyo'ontum, yë Dios wa'atspë jampë yajpaatyën ma Israel kajpnën: Ëjts jëtu'un Tios'ajtp mëti'ipë mWintsën'ajtypyën, yë'ë ntukni''ijxëp mëti'ipë mtuk'oy'atëpën, jam nwoownëjkxy ma ja tu'ujën mëti'ipë mëpaat xye'eyën.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Isaías 49:1

Mëtoow'ijtëkës yë n'aaw n'ayuk, miitsëty naaxëty kajpnëty ninu'un myajpaatën mejypyë'aay; mëtoow'itë yë n'aaw n'ayukës miitsëty naax kajpnëty jëkämpë yajpaatën: Ka'anëmës ënety nminyëm naaxwiiny koos yë Wintsën ojts xymyëkäjpxy; nxëëwës ojts xytyukmëkäjpxy ma ënety jap nyajpaatynyëmës ntaakës jyootjoty.

Zacarías 11:8

Tu'kpo'o je'eyë të nyäxy nitëkëëk jää të n'ëxwopyës yë kupixyny këwent'ajtpë mëti'ipë ënety yë nmä'kxtujkënës të tyajkëxyën ets mëti'ipë xy'ëxëëk'ijxpënës.

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënety ka'ap nijëna'a të tmëtowtën.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Juan 19:15

Ets mëk yujk'ënantë: Wä'än t'ooky. Wä'än t'ooky. Yajkruutspät. Ets ja Pilato yajtëëwëtë: ¿Mtsojktëp ets nyajkruuspätëtyës mëti'ipë mkutujkpë'ajtëpënë? Ets ja teety wintsëntëjk y'ëtsoowëtë: Ka'apës pën wiinkpë yajkutujkpë nmëët'atë, yi'iyë tu'uk ja yajkutujkpë kopk mëti'ipë Roma tso'onpën.

Lucas 23:35

Tam ja mayjyä'äy t'ixtë, kutuunkpaat ja Jesús nëxiktë tukxiktë ets y'ëna'antë: Tëë yë wiinkpë tyajtso'oky, wa'an ënät tyam kë'ëm näyajtso'okyë; pën yë'ë janty Kristë, mëti'ipë Dios të wyin'ixyën.

Lucas 23:23

Wäänëni'ik ja ja'ay yaax'ëtë'ëts jyojk'ëtë'ëtstë janty mëk ets nëëmëtë ja Pilato wä'än ja Jesús kyëruutspety. Ko ni'ik yaxnëtë jyojknëtë ja mayjyä'äy, tääts tpatë mëti'ipë tsyojktëpën.

Isaías 60:10

Wiink ja'ay nëjkx ja mkajpn nnapotstë, ets wiink yajkutujkpë nëjkx mmëtunyë; oy yë Wintsën të m'ëk tukjoot'anpëkyë, tyam mtsojkëp ets mpa'ëyoowëp jatëkok.

Isaías 60:3

Nëjkxëp ja wiinkëtypë ja naax kajpn tnimintë ja mtë'kxën mjajën, ja yajkutujkpëtëjk nyiminantëp ja mxëënyajtën.

Isaías 50:6

Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Isaías 48:7

mëti'ipë tyam naamkojpën, ka'ap yë'ëjëty tëëyëpë, mëti'ipë ënety ka'ap maa të xymyëtoyën yajnimëtyä'äky. Këtiipë m'ëna'anëty: Tyaapë nija'apës yë'ë.

Salmos 68:31

Jap Egiptë tsyoona'antë yë ja'ayëty mëti'ipë këjxmëty yë kuttujkën myëët'ajtëpën; yë Etiopíë ja'ayëty nëjkxëp t'ëwtatë yë Dios.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Juan 19:6

Ko t'ijxtë ja teety wintsëntëjk ets ja mëjtsajptëjk këwent'ajtpë ets yaxpë jojkpë tyëjkëtyë: Yajkruutspät. Yajkruutspät. Ets ja Pilato y'ënëmaayëtë: Mënëjkxtë ets miits xyajkruutspätëty, ëjts ka'apës tii pyoky të npatë.

Juan 18:40

Ets ni'ëmukë yujk'ënantë: Ka'ap. Yë'ë Barrabás ëxmats. Ja Barrabás mä'tsp ijty.

Lucas 23:18

Tääts ni'ëmukë ja ja'ay tyëjkëtyë yaxpë jojkpë: Yajjëwa'ak yë tääpë. Yaj'ëwa'atsëpëtsëm yë Barrabás.

Lucas 22:27

¿Yë'ë ko pën jëtää ni'ik mëj, mëti'ipë ënyääpyën ma ja kaaypyäjnën, ëkë mëti'ipë wiinkëëpy kujkëëpyënë? Yë'ë mëti'ipë kaaypyäjn wyin'u'unyääpyën, ¿këtiijë? E ëjts jëtu'unës yaa ma miitsëtyën ijxtëm ja ja'ayën mëti'ipë wiinkëëpy kujkëëpyën.

Isaías 60:16

Nëjkxëp ja naax kajpn myajkay myaj'uukyë, ets mtukniminanëp ja yajkutujkpëtëjk ja wit meeny; täänëm nëjkx xy'ijxpaaty ko ëjts Wintsënajtp, ets yajnitsokp, ëjts xymyääytyääpyës winë, mëti'ipë Jacob jyotmëk'ajtypyën, ets ko ëjts yaj'ëwaatsëpëtsëëmp.

Salmos 69:19

Mijts Wintsën wa'ats xynyijawë wi'ixës ëxëëk nyajtuny nyaj'ënëëmën, wi'ixës ja tsëtyu'un nmënaxy nyajnaxyën ets wi'ixës ka'ap pën xymyëj'ixyën; mnija'ap pënjatyës xymyëtsip'ajtëpën.

1 Corintios 1:9

Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Salmos 47:9

Tëkokyë yë ja'ayëty mëj'äämpyë y'itën ma naax kajpnën, tëë tyu'ukmujkta'atë ma Dios ja nyaax kyajpnën, mëti'ipë Abraham Tiosajtën,

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Isaías 19:23

Nëjkxëp jyää'ajnë najxtakn mëjwiin këjää ma Egiptë ja'ayëty ets Asiria ja'ayëty nyäpyaatëtën. Jyëkyejpy yë Egiptë ja'ayëty jya'tëty Asiria ets Asiria ja'ayëty jam Egiptë. Egiptë ja'ayëty Asiria ja'ayëty tu'ukyë nëjkx ja Wintsën t'ëwtajnëtë.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 66:23

Wimpo'o, winsëmaan, winpo'kxënxëëw, wintomingo, jëtu'un yaa ja'ay myina'antë ets min xywyinkoxtänëtës. Ëjts, mëti'ipë Wintsën'ajtpën, ëjts ënaanp.