Isaías 49:23 - Biblia Dc en Mixe de Quetzaltepec

²³ Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Biblia Mixe de Quetzaltepec

²³ Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Isaías 49:23 ပူးပေါင်းရင်းမြစ်များ

Isaías 60:16

Nëjkxëp ja naax kajpn myajkay myaj'uukyë, ets mtukniminanëp ja yajkutujkpëtëjk ja wit meeny; täänëm nëjkx xy'ijxpaaty ko ëjts Wintsënajtp, ets yajnitsokp, ëjts xymyääytyääpyës winë, mëti'ipë Jacob jyotmëk'ajtypyën, ets ko ëjts yaj'ëwaatsëpëtsëëmp.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Isaías 60:3

Nëjkxëp ja wiinkëtypë ja naax kajpn tnimintë ja mtë'kxën mjajën, ja yajkutujkpëtëjk nyiminantëp ja mxëënyajtën.

Miqueas 7:17

Wä'än naaxmaj tkääptë tsa'anyën ets jëtu'un tä wiinkëtypë jëyujkën. Wä'än jap tpëtsëmtë ma pyä'änëtyën mëët ja tsëtyuyë ets tsë'ëkë tsë'ëkë mwinkuwa'akëty Wintsën, mëti'ipës nTios'ajtëpën.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Romanos 10:11

Jëtu'un këxja'ay myiny: Pën yë'ë tyuk'ijxpejtyp, ka'ap tsyëtyu'unpaata'any.

Salmos 25:3

Ka'ap mëpaat nijëna'a tsëtyu'unmëët wyë'ëmtë mëti'ipë mtuk'ijxpäjtëtëpën. Yë'ë tsëtyu'unmëët wë'ëmtëp, mëti'ipë mkäjpxykyumëtoownajxëtëpën.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

Isaías 64:4

Ni ma kyayajmëtoy'äty wiinkpë Dios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 25:9

Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Salmos 34:22

Yë Wintsën yajtsokpy yë jyuukyajtën yë ja'ay mëti'ipë mëtuunëpën; ka'ap nëjkx yajtëytyuntë mëti'ipë tuk'ijxpäjtëpën.

1 Pedro 2:6

Paaty näjyëtu'un y'ënä'äny ja Dios ja y'aaw y'ayuk kuja'aypyë myinyën: Mpëjktäkpyës jam Jerusalén tu'uk ja tsaakopk, win'ixypyë ets tsowpë; mëti'ipë yë'ë tyuk'ijxpejtypyën ka'ap tsyëtyu'unpaata'any.

Romanos 9:33

Jëtu'un ijxtëm ja Dios ja y'aaw y'ayuk kyëxja'ayëtyën: Ja'aykyukëtë, npëjktäkpypës jam Jerusalén tu'uk ja tsaa, tu'uk ja tsaa mëti'ipë ja'ay yajkëtawëpën ko jam kyunäpëty. Pën yë'ë tyuk'ijxpejtyp, ka'ap tsyëtyu'unpaata'any.

Isaías 62:2

Nëjkxëp ja naax kajpn t'ixtë ko ënety të mnitso'oky, nitëkokyë yë yajkutujkpëtëjk y'ixantëp yë mmëj'ajt m'oyajtën. Ënet nëjkx jempyë mxëëw xypyiky mëti'ipë Wintsën kë'ëm mmo'ojanëpën.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënety ka'ap nijëna'a të tmëtowtën.

Salmos 138:4

Tëkokyë ënä'ämpëtëjkëty jënu'un naaxwiiny yajpaatën nëjkxëp mtukxoontä'äkyë ko nijawëtëty mëti'ipë të xywyaantä'äkyën.

Salmos 68:31

Jap Egiptë tsyoona'antë yë ja'ayëty mëti'ipë këjxmëty yë kuttujkën myëët'ajtëpën; yë Etiopíë ja'ayëty nëjkxëp t'ëwtatë yë Dios.

Joel 2:27

miitsëty Israel ja'ayëty, kopkpëky ko nëjkx xy'ijxpaatës ko ëjts Tios'ajtp ets ka'ap maa wiinkpë. Nijëna'a yë naax nkajpnës nëjkx kya'ëktsëtyuun kya'ëkjaaypyäjnë.

Salmos 69:6

Wintsën, mëti'ipë maaytyääyëpën winë, Ka'ap mëpaat tsyëyu'unpaatë yë ja'ayëty mëti'ipë mijts mtuk'ijxpäjtëpën, mëët ëjtskyëjxm yë npoky. Dios, mëti'ipë yë Israel ja'ay Tyios'ajtypyën, tëkokyë mëti'ipë m'ixtaayëpën ets myajmëyajtëpën jëtu'un tä yë ja'ay nyëëtëëtsën, ka'ap mëpaat jëtu'unyë kyumon kyutukëtë mëët ëjts kyëjxm yë npoky.

Génesis 43:26

Ko ojts ja José jyä'ty ma ja tyëjkën, tä ojts tmo'otë ja näynyamo'ojë, mëti'ipë ënety të tyajmintën ets nyaaxkoowtë, tä jëtu'un ja José yajwintsë'ëkë.

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënety miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Isaías 14:2

May nëjkx ja ja'ay tpatsoontë ja Israel ja'ayëty ets nëjkx najtswowëtë ma nyaax kyajpnëtyën; ja Israel ja'ayëty wyoownëjkxantëp ja ja'ay mëti'ipë mëtuunëtëpën jam ma ja Wintsën ja it nyaaxwiinyëtë të myo'ojëtën. Ja Israel ja'ayëty tsumy matsy nëjkx tyajnëjkxtë ja ja'ay mëti'ipë ënety të tsyum të myatsëtën, nëjkxëp ëxëëk tuntë mëti'ipë ënety ëxëëk të tyunëtën.

Isaías 26:8

Ëëtsëty akujk jotkujkës näjyawëtë koos yë'ë npanëjkxtë ja në'ë tu'u mëti'ipë ja ënä'ämën tëyajtën nyi'ënä'ämëpën. Yë njot nwinma'anyëtyës jam xëmë myäy tyäjy ma mijtsën.

Isaías 29:22

Paatykyëjxm ja Wintsën, mëti'ipë yë Israel ja'ay Tyios'ajtëpën, mëti'ipë yajtsokën ja Abraham, jëtu'un y'ënä'äny: Tyam ets jëtu'un tyu'uye'eyëty yë Jacob ka'ap y'ëktsëtyunanë ets ka'ap tsapts yë wyiin jyëjp y'ëkjajnëty.

Isaías 41:20

ets tëkokyë yë ja'ay nijawëtëty, tmëmay tmëtajtëty ets tja'akyukëtëty, ko Dios winë të tyajkojy, mëti'ipë jam yajpatpën ma Israel ja'ayëtyën ets yë'ë winë të tpëjktä'äky.

Isaías 43:10

Jëtu'un yë Wintsën y'ënä'äny: Miits nyajnajxtëp ijxpë nija'apë, miits të nwin'ixtë ets ntuunpë'atëty, ets xynyijawëtëty pën ëjts ets xymyëpëktëtyës ets xyjyä'äkyukëtëty ko ëjts jëtu'un. Ka'ap maa jëtu'unpë tios tä ëjtsën ets ka'ap nijëna'a jëtu'unpë y'ita'any.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Isaías 52:6

E pyatäämpy ja xëëw jëmëjt ma ja nnaax nkajpnës nijawëtëty ets tja'akyukëtëty ko maas nWintsën'atyën xëmës të njanikäjpxy.

Ezequiel 37:6

Mpëjkta'akäämpyës yë eemy ma mpajkëtyën, yë xixy ets ni'ak, nmo'ojantëp näjyëtu'un ja mxejyëty mëti'ipë yajjuuky'ajtpën ets jatëkok mjuuky'atëty. Jëtu'un xynyijawëtëty ko ëjts Wintsën.

Isaías 50:7

Jä'ä ko nija'apës ko ja Wintsën, yë'ëjës xypyutëjkëp, paatykyëjxm ka'ap nyajpokyës oy pën xyjya'ojy xyjyayä'äxyës; paatykyëjxm mëk nyajpaatyës tsaajën, jä'ä ko wa'atsës nijawë ko ka'ap tjëkyepy pën xytyukxi'ikëtyës.

Mateo 25:16

Ja tuunpë mëti'ipë ja meeny y'ëxajëyën mëkoxk mil, jä'ä ojts tyaj'u'unk'aty nän ja mëkoxk mil.