Isaías 49:22 - Biblia Dc en Mixe de Quetzaltepec

²² Tääts ja Wintsën y'ënä'äny: Ëjts tyamës yë naax kajpn n'ënëëmëja'any ets tu'uk yë ijxpäjtën nmo'oja'anyës ets tyajmintëty ja m'u'unk m'ëna'k ye'etyëjkpë to'oxytyëjkpë, jëtu'un tä ja'ay tpatseenyën yë y'u'unk ëkë tä kejkyijxy tmëye'eyën.

Biblia Mixe de Quetzaltepec

²² Tääts ja Wintsën y'ënä'äny: Ëjts tyamës yë naax kajpn n'ënëëmëja'any ets tu'uk yë ijxpäjtën nmo'oja'anyës ets tyajmintëty ja m'u'unk m'ëna'k ye'etyëjkpë to'oxytyëjkpë, jëtu'un tä ja'ay tpatseenyën yë y'u'unk ëkë tä kejkyijxy tmëye'eyën.

Isaías 49:22 ပူးပေါင်းရင်းမြစ်များ

Lucas 13:29

Jä'ä ko ye'eymukantëp ja naaxwiinyëtë ja'ay xiitsow yaatsow, anajny aka'any ets kyäya'antë jam ma ja Dios ja kyutujktaknën.

Salmos 86:9

Mijts Wintsën, mijts të xyajkojy tëkokyë yë naax kajpn, yë'ë mniminanëtëp ets m'ëwtata'anëtë ets tukxoonta'aka'antë yë mxëëw.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Isaías 66:20

Nëjkxëp tyajmiinta'atë nitëkokyë yë mjëëky mmëku'ukëty mëti'ipë ënety wiink naax wiink kajpn yajpatëpën. Tam mëti'ipë nëjkx myinyën kwaaykyijxy, kepy wyintëkäämpëkëjxy, kepykyijxy, mulëkëjxy ets jëyujk jëku'uxkëjxy. Jëtu'un nëjkx n'ixyës tä jeexyë pën tii xytyukwintsë'ëkënës jam Jerusalén, tä yë Israel ja'ayëty tmëmintën yë wintsë'kën a'ukënjoty mëti'ipë wa'atsën, mëti'ipë jam yajktëpën maas yë ntsajptëjkën ets maas ja nkopkën wa'atspë. Ëjts, Wintsën, ëjts ënaanp.

Isaías 49:12

Ëk'ixtë. Tää ja'ay myiintë mëti'ipë jëkäm tso'ontëpën: tam mëti'ipë tso'ontëpën anajnytsyow, a'oytsyow, xëëwpëtsëmy ets xëëwkëtä'äkytsyow.

Isaías 14:2

May nëjkx ja ja'ay tpatsoontë ja Israel ja'ayëty ets nëjkx najtswowëtë ma nyaax kyajpnëtyën; ja Israel ja'ayëty wyoownëjkxantëp ja ja'ay mëti'ipë mëtuunëtëpën jam ma ja Wintsën ja it nyaaxwiinyëtë të myo'ojëtën. Ja Israel ja'ayëty tsumy matsy nëjkx tyajnëjkxtë ja ja'ay mëti'ipë ënety të tsyum të myatsëtën, nëjkxëp ëxëëk tuntë mëti'ipë ënety ëxëëk të tyunëtën.

Salmos 72:17

Wä'än yë yajkutujkpë yë xyëëw xëmëkyëjxm t'ity; wä'än jëtu'un tjeky yë myëj'ajtën ets xyoontakën tä xëëwën. Wä'än kanaak yë naax kajpn t'itë kënu'kxy mëët yë'ëkyëjxm. Wä'än tëkokyë yë naax kajpn yajnimëtya'aktë akujk jotkujk.

Salmos 72:8

Wä'än yë'ë t'ënä'ämta'ay yë naaxwiinyëtë ja'ay mapaat yë mëjnëëmejy nyäxyën ets mapaat jyä'tyën, tsyo'onta'akëty jam ma Éufrates mëjnëëjën ets jampaat ma naaxwiinyëtë jyëjpkëxyën.

Salmos 22:27

Tu'kë'ëyë ja'ay ets ja naax kajpn, ja'ay wiinktsowpë tsyoontën, naaxwiinyëtë apëtsëmy: ja'amyätstë Wintsën ets nnimintë. Yë'ë wiinkoxtänëtë.

Salmos 102:22

ko ënety tëkokyë ja ja'ayëty naaxwiinyëtë apëtsëmy nyämyujkta'ajëtë ets t'ëwtata'antë yë Dios.

Isaías 18:3

Tëkokyë miitsëty naax kajpnëty nëjkxëp xy'ixtë xymyëtowtë ja xuxn ets ja ijxpäjtën ko ja tsip ënety tyuna'anyë.

Isaías 43:6

Etsës n'ënëëmëja'antë ja anëkëjxmtsowpë: Yajwinpitë jatëkok, ja ëpa'tkë'ëytsyowpë n'ënëëmëja'antës: Ka'ap miits xyjyä'ä'atë, ëxmatstë. Yajmintë ja nnëëxës ets ja nmaankës mëti'ipë jëkäm ijtëpën, mëti'ipë wiink naax wiink kajpn yajpatëpën,

Isaías 62:10

Pëtsëmtë, pëtsëmtë tëjk ëkë'ëy, nipëjktaakëtë ja nyë'ë tyu'u ja nnaax nkajpnës. Oytyuntë yajxon ja në'ë aaw tu'u aaw ets xyjyëkoonta'atëty yë tsaa; Pëjkta'aktë tu'uk ijxpäjtën ets naax kajpn t'ixtëty.

Isaías 66:19

Ëjts nëjkx ntuknijawëtë: Ets nitu'uk nimäjtsk kyä'äktëty, tam mëti'ipë nëjkxaanpën Tarsis, Libië, Lidia, Grecië, Tubal ets jampaat ma ja naax kajpnën mejypyë'aaypyë; ma ka'ap pën tmëtoynyëmën ëjts yë nxëëw ets ka'ap pën t'ixynyënëm yë nmëj'ajt n'oyajtënës; yë'ë nëjkx tnikajpx tnimëtya'aktë ja nmëj'ajt n'oyajtënës. Jam Lidia aak tyukjajtyp ijty yë ja'ay tyajtunëty yë ti'pxn.

Zacarías 8:22

E nëjkxëp ja ja'ay may myintë ma Jerusalén kajpnën, yë'ë y'amëtowantëp yë Wintsën mëti'ipë maaytyääyëpën winë ets kyënu'kxëtëty.