Isaías 49:2 - Biblia Dc en Mixe de Quetzaltepec

² Ets tyaj'awinpijty yë nyä'änës tä tëypyujxnën jëjpëpë, ojts xyu'utyës jap kyë'ëjootjoty, ojts xyaj'awinpityës tä ti'pxnën ets jap xyëkät pa'tkë'p xypyëjktäkyës.

Biblia Mixe de Quetzaltepec

² Ets tyaj'awinpijty yë nyä'änës tä tëypyujxnën jëjpëpë, ojts xyu'utyës jap kyë'ëjootjoty, ojts xyaj'awinpityës tä ti'pxnën ets jap xyëkät pa'tkë'p xypyëjktäkyës.

Isaías 49:2 ပူးပေါင်းရင်းမြစ်များ

Salmos 91:1

Pën juukyajtpën ma Dios ja kyë'ëpa'tkën, ma nyikë'ëy nyixajyën ja Ni'ik Këjxmëpë ets mëti'ipë maaytyääyëpën winë,

Éxodo 33:22

E koos ënety ëjts ja nmëj'ajt n'oyajtën nyäxy, jap poj'am nyajtëkëja'any tsaajutjoty ets mëët yë nkë'ëjës n'ëtuka'any, koonëmës ënety të nnaxy.

Isaías 11:4

Nyipaye'eyäämpy ja ja'ay mëti'ipë yajpatëpën ëmaay paki'ix ets kyuwa'anäämpy ja ëyoopëja'ay ets ja mëti'ipë patëtëpën.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Isaías 50:10

Miitsëty ninaak xymyëjjaw xykyënu'kxyjyawëtë ja Wintsën, ninaak xymyëtoow'itën mëti'ipë ja tyuunpë kyäjpxyp myëtyäkpyën, oy muum mku''ux mkukootsëtë, oy muum mkupi'itsëtë, jam ja mjot mwinma'any pëjkta'aktë ma Wintsënën, yi'iyë Dios tukjotkujk'atë.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Isaías 51:16

ëjts ojts nwijtstëy yë tsajp ets ojts nyajta'tspëkyës yë naaxwiinyëtë. Ëjts mijts n'ayukmooy, ëjts mijts të nkuwa'any mëëtës yë nkë'ë. Täätsës të n'ënëëmë yë Sión kajpn: Mijts nkajpn'ajtyp.

Jeremias 1:18

Mijts, jëtu'un tyam npëjktä'äky tä tu'uk kajpnën mëti'ipë ta'tspëkyën ets këwent'atypë y'ityën, tä yë tëjk xenyën mëti'ipë juunpujxnën, tä yë kajpn yë nyapotsën mëti'ipë aak tsuxkpujxn nyapots'ajtypyën ets jyëkyäpëp xywyinkuwa'akëty tëkokyë yë Judá nyaax kyajpn: yë yajkutujkpëtëjk, kopktëjkëty, teetytyëjkëty ets nitëkokyë yë naax kajpn.

Oseas 6:5

Piw nuukën të ntuunta'atë ko të ntuknikäxtë yë käjpxynyajxpëtëjkëty; yë mëtoow'ijtkës n'ayukës mëët të ntuknijawëtë ko m'oka'antë. Yë tëypyë jaantypë nipaye'eyënës jëtu'un jyäjy tä jëën tyi'kxyën.

Habacuc 3:11

Yë xëëw ets po'o ka'ap jap pyëtsëmtë ma yu'utsy y'itën ko t'ixtë ja mëkpë ja mtë'kxën mjajën mëti'ipë ja mti'pxn myëët'ajtypyën ets ko t'ixtë ja mku'umën y'atë'kxy y'ajajy.

Lucas 23:46

Tääts ja Jesús mëk yujk'ënany: Dios Teety, mijts ntukë'ëtëjkëp yë njot nja'awënës. Ko jëtu'un y'ënaantaay, tääts y'o'ky.

Efesios 6:17

Jëtu'un miits mëët'atë ja nitsokën ijxtëm ja tsiptuunpë tmëëtëtyën ja pyujxnkujup; ets ja Dios ja y'aaw y'ayuk ijxtëm ja tsiptuunpë tyajtunyën ja tyiypyujxn, mëti'ipë ja Kënu'kxymyëkajtën mmooyëtëpën.

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.

Apocalipsis 1:16

Wëxtujk ja matsa'a tmajts'ity ma y'a'oykyë'ëjën. Y'aawjoty jap yaj'ixy pyëtsimy ijxtëm tu'uk ja tëypyujxnën mëti'ipë mäjtsk atu'um mye'eyëtyën ets ja wyiin jyëjp jëtu'un yaj'ixy ijxtëm ja xëëw mëk y'änyën.

Apocalipsis 19:15

Y'aawjoty jëtu'un jap pyëtsimy të tu'uk ja tëypyujxn mëti'ipë jëjpën, ets yë'ë mëët tyajtsëtyuta'any ja naaxwiinyëtë ja'ay. Ënet ja Dios jää y'ënä'äma'any mëët ja kuttujkën. Ets yë'ë kë'ëm wyintäänäämpy ja tsatsymtsya'am ets tsatym nyëë tyajpëtsëma'any ma ja Dios mëti'ipë maaytyääyëpën winë ja tsyip y'äkë.

Apocalipsis 2:12

Nnijayë ja tsajpjotmëtë kukäjpxy jampë yajpaatyën Pérgamo: Jëtu'un y'ënä'äny mëti'ipë myëët'ajtypyën ja jëjpxu'unypë tëypyujxn mäjtsk atu'umpë mye'eyëtyën:

Apocalipsis 2:16

Paatyës n'ëna'any ets mjootwinpitëty. Pën ka'ap mjootwinpity, tsojkës nnëjkxëty ets ntuktsiptunëtyës ja ntëypyujxn mëti'ipës n'aawjoty pëtsëëmpën.