Isaías 49:19 - Biblia Dc en Mixe de Quetzaltepec

¹⁹ O'ktëy ja mnaax mkajpn të yajpaaty, tëë ja ja'ay ëxëëk y'ëti'itsy y'ënä'äny ma mijtsën; e tyam mayjyä'äy jam yajpaataanp ma mnaax mkajpnën, kamëta'akëp ënät ja m'it mnaaxwinyëtë mëët ja m'u'unk m'ëna'k. Mëti'ipë ëxëëk të mtunyën, jëkäm të nyëjkxta'atë.

Biblia Mixe de Quetzaltepec

¹⁹ O'ktëy ja mnaax mkajpn të yajpaaty, tëë ja ja'ay ëxëëk y'ëti'itsy y'ënä'äny ma mijtsën; e tyam mayjyä'äy jam yajpaataanp ma mnaax mkajpnën, kamëta'akëp ënät ja m'it mnaaxwinyëtë mëët ja m'u'unk m'ëna'k. Mëti'ipë ëxëëk të mtunyën, jëkäm të nyëjkxta'atë.

Isaías 49:19 ပူးပေါင်းရင်းမြစ်များ

Salmos 124:3

jëna'ajëp jeexyë jëtu'unyë ajuuky xjyjë'ënënë ko ojts xytyukjoot'anpëjkëmë.

Proverbios 1:12

Ajotkumonë nyaj'o'kmëty mëti'ipë oy juuky'ajtëpën, jëtu'un tä yë o'kën tëko'oyën janty ku'uxyë nyäjyawëtyën ko pën jap kyä'äy o'kpëjutjoty.

Isaías 1:7

Anë'ëk tëëtsë'ëk ja mnaax mkajpn të wyë'ëmnë, aak tooy aak jäämnëp je'eyë ja naax kajpn. Ma mjëën mtëjkëtyën ja mmëtsip jap winë jyë'kxtëp mëti'ipë miitsëty të xynyitunëtën.

Isaías 3:8

Mëtëy jëtu'un ko yë Jerusalén ja'ayëty o'ktëy tyam jyatë kyëpätë, ets Judá ja'ayëty taj xit yajpaatë mëëtkyëjxm ko të tmëtëkoytyë yë Dios ets ko të tyajjoot'anpëktë mëti'ipë ënä'ämp yajkutujkpën.

Isaías 49:17

Ja ja'ayëty mëti'ipë ja mnaax mkajpn kyoj'o'oyëtyëpën, yajxon pe'tym tyuunëtë këtiinëm jyëtu'unëty mëti'ipë jyijtëpën ja naax kajpn; tëë ja tsyo'ontaaynyëtë mëti'ipë të mja'ëxëëktuna'anëtën.

Isaías 49:8

Tëë tpaaty ja xëëw po'o maas nyaj'ixa'anyën ja n'oyajtënës, ets të n'ëtsoy; tëë tpaaty ja xëëw ma ja nitsokën y'itëtyën. Tëë nkuwa'any jä'ä ko yë'ëjës ënety mëët ja naax kajpn ja käjpxytyu'unën ntuna'any, ets tpëktëty ja it naaxwiinyëtë mëti'ipë ëxëëk të jyäty të kyëpetyën,

Isaías 5:6

jëtu'unyës ntimyjyä'äytyëkoyä'äny. Ni pën kyakuyu'ujëtëty ets ni pën kyawinpux kyawinpootëtëy, äämjyoty pejyjoty nëjkx wyi'imy. Ëjts kë'ëm njëpëkäämpy ja yoots nëma'a ets ka'ap y'ëktuunëty.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Isaías 54:3

jä'ä ko mijts anajny aka'any mkëjääjëja'any; yë m'u'unk m'ok nëjkxëp ja naax kajpn may tniwa'aktë ets nëjkxëp twintsëna'ayëtya'atë yë it naaxwiinyëtë mëti'ipë tyam aanë'ëk tëëtsë'ëk yajpatpën.

Jeremias 30:16

Je'eyëp tëy ko pën ëxaty mtunëtëty, ëxëëk jyata'any, tëkokyë yë mmëtsiptëjk nëjkxta'ajantëp tsumy matsy wiink naax wiink kajpn, yajpëjkëtya'ajantëp mëti'ipë të mpëjkëtyën ets yajmä'tsta'ajantë mëti'ipë të mmäätsëtën.

Jeremias 51:33

Jä'ä ko yë Wintsën mëti'ipë maaytyääyëpën winë, yë Israel yë Tyios, jëtu'un y'ënä'äny: Yë Babilonyë kajpn jëtu'un të yajwinteeny tä yë tsajpmokën ko tëë myëjay, tim wiinkoonp ja xëëw jëmëjt ma ja pëjktä'äky pyëtë'ëka'anyën.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Ezequiel 36:3

E oy ko jyëtu'unëty, mëmëtya'ak ëjts nxëëwkyëjxmës: Jëtu'un yë Wintsën y'ënä'äny: Xiitsow yaatsow myajnipëtë'ëktë ets m'ooktëty; tëkokyë yë naax kajpn wiinktsowpë tsyoontën tëë tniwa'kta'atë yë mnaax mkajpn ets je'eyë mnëxi'ik mtukxi'ikëtë ets ëxëëk mtunëtë.

Zacarías 10:10

Nëjkxëpës jap Egiptë, jam Asiria nyajtsoontë ets nëjkx jam Galaad ets Líbano nyajnëjkxtës; yajxon nëjkx nyimayëtë, ka'ap ja it naaxwiinyëtë nyipaatëja'any mëët yë'ëjëty.

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Zacarías 2:4

ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Zacarías 2:8

Yë Wintsën mëti'ipë maaytyääyëpën winë tëëjës yë aaw ayuk xytyukmëkäxë ma ja naax kajpnën mëti'ipë ojts määtsëtën: Pënës yë nkajpn ëxaty tyuunpy, ëjts yë nwintsaa yajtsëtyujtyp, paaty tääpë naax kajpn kë'ëmës mëët ntsiptuna'any etsës nyajkutëkoyä'äny, ëxëëk nëjkx tyunyë mëti'ipë ënety yaj'ëyoopy yajmëtuumpyën. Jëtu'un yë Wintsën yë myëj'ajt y'oyajtën tyajnikëxë'ëka'any ets xyjyä'äkyukëtëty ko yë'ëjës të xykyexy.