Isaías 49:18 - Biblia Dc en Mixe de Quetzaltepec

¹⁸ Ijxë'ëk ets xy'ixëty wi'ix ja ja'ay ye'eymyuktën ets mniminyën. Ëjts Wintsën, njuukyajtënës ntukajpxpejtyp, ko tu'kë'ëyë yë'ëjëty jëtu'un tä kë'ëjiitsën, nantsëmën ets kujänën mëti'ipë yë to'oxytyëjk nätyuk'oytyuunëpën ko pyëka'any.

Biblia Mixe de Quetzaltepec

¹⁸ Ijxë'ëk ets xy'ixëty wi'ix ja ja'ay ye'eymyuktën ets mniminyën. Ëjts Wintsën, njuukyajtënës ntukajpxpejtyp, ko tu'kë'ëyë yë'ëjëty jëtu'un tä kë'ëjiitsën, nantsëmën ets kujänën mëti'ipë yë to'oxytyëjk nätyuk'oytyuunëpën ko pyëka'any.

Isaías 49:18 ပူးပေါင်းရင်းမြစ်များ

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 54:9

Jëtu'un tääjës n'ënëmaayën ja Noé, ko ja mëk komtuu nyäjxy, ko ka'apës nijëna'a n'ëkyajtu'ujanë naaxwiiny naaxkëjxy. Jëtu'un tyam nikäjpxyës ko ka'ap nijëna'a mijts n'ëktukjoot'anpëkanë ets ka'ap n'ëkëtsu'ux ya'axanë.

Jeremias 2:32

¿Wä'än jëtää tu'uk to'oxytyëjk tja'atyëkoyëty yë nyantsëm, tyatsktëyë ets kyë'ëjiits mëti'ipë të tmëpëkyënë? Ka'ap yowë. Näyjyëtu'un jeexyë yë nnaax nkajpnës nän ka'apës jeexyë xyjyä'äytyëkoy, e yë'ë tëëyëpës xyjyä'äytyëkooynyë.

Isaías 66:20

Nëjkxëp tyajmiinta'atë nitëkokyë yë mjëëky mmëku'ukëty mëti'ipë ënety wiink naax wiink kajpn yajpatëpën. Tam mëti'ipë nëjkx myinyën kwaaykyijxy, kepy wyintëkäämpëkëjxy, kepykyijxy, mulëkëjxy ets jëyujk jëku'uxkëjxy. Jëtu'un nëjkx n'ixyës tä jeexyë pën tii xytyukwintsë'ëkënës jam Jerusalén, tä yë Israel ja'ayëty tmëmintën yë wintsë'kën a'ukënjoty mëti'ipë wa'atsën, mëti'ipë jam yajktëpën maas yë ntsajptëjkën ets maas ja nkopkën wa'atspë. Ëjts, Wintsën, ëjts ënaanp.

Isaías 54:7

Wäänë nätyu'uk n'ëxmajtskojy, nwowäämpy jatëkok mëët tu'uk ja oy jot oy winma'any ets tu'ukyë n'ijtmëty.

Isaías 49:12

Ëk'ixtë. Tää ja'ay myiintë mëti'ipë jëkäm tso'ontëpën: tam mëti'ipë tso'ontëpën anajnytsyow, a'oytsyow, xëëwpëtsëmy ets xëëwkëtä'äkytsyow.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Jeremias 31:8

Nyajwinpitäämpyës jatëkok, ma yajpaatën tsumy matsy jam kajpntum anëkëjxmtsow, nyajtu'ukmujkta'ajäämpyës oy ënety jam muum jëkäm yajpaatë ma naaxwiinyëtë jyëjpkëxyën. Ko ënety wyimpitë, nëjkxëp pyaminëtë ja'ay mëti'ipë wiintsën, tekymya'atën, näjyëtu'un to'oxytyëjkëty mëti'ipë ënety u'unkpaataanpën, mëti'ipë tëë y'u'unkpaatën; yajxon yë ja'ay nëjkx nimay myintë.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Isaías 49:22

Tääts ja Wintsën y'ënä'äny: Ëjts tyamës yë naax kajpn n'ënëëmëja'any ets tu'uk yë ijxpäjtën nmo'oja'anyës ets tyajmintëty ja m'u'unk m'ëna'k ye'etyëjkpë to'oxytyëjkpë, jëtu'un tä ja'ay tpatseenyën yë y'u'unk ëkë tä kejkyijxy tmëye'eyën.

Isaías 45:23

Ëjts ojts kë'ëm nyänyikäjpxyë, tëëjës nikäjpxy koos nmëta'aka'any, ets jëtu'un jyänty tyuna'any jyänty jyata'anyë: nëjkxëp ni'ëmukë ja'ay xywyinkoxtänëtës ets nikajpxtë yë nxëëwës,

Proverbios 17:6

Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Génesis 13:14

Ma ënety ja Lot të nyäjyëkäjpxyën mëët ja jyämy Abram, ënät ja Abram ojts ja Dios myëkäjpxyë ets y'ënëmaayë: Ma jam mtänën ëk'ix ëktun mwiintuuytsyow ets mjëxkë'ptsow, anajnytsyow ets a'oytsyow.

Juan 4:35

Miitsëty jëtu'un m'ëna'antë: Taxk po'o tyëkoy'ätynyëm ets ja pëjktä'äky pyëtë'ëkëty; e ëjts jëtu'un miits nëëmëtë ets xy'ixtëty ja kam, ko tëë ja pëjktä'äky myëjaawnë.

Jeremias 43:12

Nëjkxëp tnino'kta'ay ja tsajptëjk Egiptë kajpnjotypë yajpaatyën mëët ja nyi'awinax ets ja nyisantë, nëjkxëp näjyëtu'un tnino'kta'ay yë tyiosëty ets jëtu'un nëjkx wiink naax wiink kajpn yajmënëjkxnë tsumy matsy tä ja'ayën. Pätë'ëky ja'axë'ëkpyë nëjkx ja Egiptë kajpn tyajwë'ëmy jëtu'un tä tu'uk yë kupixyny këwent'ajtpë tyajwa'atsyën yë wyit ko ooty tyukpetyë. Tä wyimpitankojnëty ets ka'ap pën myäyëtëty y'ëtukëtëty.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?