Isaías 49:17 - Biblia Dc en Mixe de Quetzaltepec

¹⁷ Ja ja'ayëty mëti'ipë ja mnaax mkajpn kyoj'o'oyëtyëpën, yajxon pe'tym tyuunëtë këtiinëm jyëtu'unëty mëti'ipë jyijtëpën ja naax kajpn; tëë ja tsyo'ontaaynyëtë mëti'ipë të mja'ëxëëktuna'anëtën.

Biblia Mixe de Quetzaltepec

¹⁷ Ja ja'ayëty mëti'ipë ja mnaax mkajpn kyoj'o'oyëtyëpën, yajxon pe'tym tyuunëtë këtiinëm jyëtu'unëty mëti'ipë jyijtëpën ja naax kajpn; tëë ja tsyo'ontaaynyëtë mëti'ipë të mja'ëxëëktuna'anëtën.

Isaías 49:17 ပူးပေါင်းရင်းမြစ်များ

Isaías 62:5

Jëtu'un tä tu'uk yë yä'äy ëna'k pyikyën mëët ja kiixy, jëtu'un ja Dios mpëka'anyë, nëjkxëp myaj'oyëty ets jotkujk nyäjyawëja'anyë mëët mijts tä tu'uk ye'etyëjk nyäjyawëtyën ko pyiky mëët ja tyo'oxytyëjk.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Ezequiel 28:24

Yë Israel kajpn ka'ap nëjkx y'ëkyaj'ëyoowënë wiinkëtypë naax kajpn na'ëwtitypë yajpaatën ma yë'ëjën. Ënet nëjkx yajnijawë ko ëjts Wintsën.

Isaías 49:19

O'ktëy ja mnaax mkajpn të yajpaaty, tëë ja ja'ay ëxëëk y'ëti'itsy y'ënä'äny ma mijtsën; e tyam mayjyä'äy jam yajpaataanp ma mnaax mkajpnën, kamëta'akëp ënät ja m'it mnaaxwinyëtë mëët ja m'u'unk m'ëna'k. Mëti'ipë ëxëëk të mtunyën, jëkäm të nyëjkxta'atë.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Nehemías 2:17

Tääjës n'ënëmaaytyë: Miitsëty wa'ats xynyijawëtë ko ëëts'ajtëm tsip oy ja njuukyajtën'ajtëm yajpaaty, ixtë ja naax kajpn Jerusalén kajpn të nyajijtutaaynyë ets ja nyijëën'aaw nyitëjk'aaw tëë nyaaxmëto'oyëtyääynyë. Mintë ni'ëmukë ma ëjtsën, puwa'këtyëkës ets tsojk nkoj'o'oyëmë ja mëjpotsy mëti'ipë ja naax kajpn nyapots'ajtypyën këtiipë ëtsajtëm nëxi'iky tukxi'iky ntimwyë'ëmëty.

Esdras 1:5

Ja kopktëjkëty, Judá ja'ayëty ets Benjamín ja'ayëty, ja teetytyëjkëty ets ja Leví ja'ayëty, mëti'ipë ja Wintsën të myëkajpxëtën, jotkujk ojts nyäyjyawëtë, ënät tuknipëjktakëtyë nyëjkxa'antë jam Jerusalén, ja Tsajptëjk kyoj'oyëjantëp, mëti'ipë ja Wintsën tyëjk'ajtypyën.

Salmos 137:3

Jam ijty ja ja'ayëty nwin'ë'ëwëmë mëti'ipë të xymyëmëtakëmën, ja nmëtsip'ajtëmë jä'ä ijty tsoktë ets jotkujk nyajpatmëty, ets y'ëna'antë: Tukwin'ëëwtëkës tu'uk yë ëy ma xykyuuy'ëwtën yë Sión.

Isaías 37:18

Wintsën, mëtëy yë'ë ko Asiria ja'ayëty tëë ja naax kajpn tyaj'akëkooytya'atë tëkokyë mëët y'itjot nyaaxjot,

Ezequiel 36:10

Nyajnimayëjäämpyës yë Israel kajpn mëti'ipë jam yajpatpën. Yë naax kajpn nëjkxëp tyuktujkta'ay mëët yë ja'ay ets nëjkxëp yajkoj'o'oyëtyä'äy mëti'ipë xit ko'ow të jyatën.

Isaías 60:4

Ijxë'ëk koowë'ëk ets ijx'ëwtit mwintuuy mpë'aay: Aak tu'ukmujktaaynyëtëp yë ja'ayëty ets mnimiinëtëp. Jëkämpaat muum ja m'u'unk ëna'k tsyo'onëtë; ets ja mnëëxëty jëtu'un myintë tä jeexyë yajtsään yajkontën.