Isaías 49:15 - Biblia Dc en Mixe de Quetzaltepec

¹⁵ ¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

Biblia Mixe de Quetzaltepec

¹⁵ ¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

Isaías 49:15 ပူးပေါင်းရင်းမြစ်များ

Isaías 44:21

Israel kajpn, mëti'ipë Jacob kyajpn'ajtypyën, ja'amyäts ko mijts nkajpn'ajtyp; mijts ntuunpë'ajtyp, ëjts mijts të nyajkojy. Israel kajpn, këtiis xyjyä'äytyëkoy.

Salmos 103:13

Yë Wintsën jëtu'un Tyios'aty tä tu'uk u'unkteetyën ma ja'ayëtyën mëti'ipë mëjpëjktakëpën,

Mateo 7:11

Oy miits m'ëxëëk ja'ay'atë, mjajtëp ja m'u'unk xymyo'otëty mëti'ipë oyën, ¿ets wi'ixts ja mTeety tsajpjotmëpë tkamo'ojëtëty ja oypyë mëti'ipë m'amëtoowtëpën?

Oseas 11:1

Ko yë Israel kajpn ënety pyi'k'atynyëm, ntsojkpy nja'apës ijty; yë'ëkyëjxm ko ënety n'u'unk'atyës, ojtsës nyaxtsoy ets tsyoonëty jap Egiptë.

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Malaquías 3:17

Yë Wintsën mëti'ipë maaytyääyëpën winë, jëtu'un y'ënä'äny: Yë'ëjës yam ntuknipëjktakëp yë xëëw jëmëjt jëna'a yë'ëjëty jatëkok y'awinpitëty nnaax nkajpnës. Jëtu'un tä tu'uk yë u'unkteety u'unktaak tpa'ëyoyën yë y'u'unk myääy mëti'ipë mëmëtoowëpën, jëtu'unës mpa'ëyowa'antë yë'ëjëty.

Lamentaciones 4:10

Oy ënety ja to'oxytyëjkëty oy ja jyot wyinma'any tjamëët'atë, ojts ja y'u'unk tyajkëëwnëtë; ojts ja y'u'unk tsu'tsnëtë ko kyutëkooy ja naax kajpn.

Lamentaciones 4:3

Yë wax jyaak yajtsi'tstëp yë y'u'unk ets tyajjotkujk'atë, e yë nkajpnës ni'ikyë tyëkooynyë jëtu'un nyäpyëjktakënë tä pawojnyën mëti'ipë tsënääpyën jam të'ëts'itjotm.

Romanos 1:31

ka'ap jyä'äkyukëja'antë, ka'ap ja y'ayuk tpatuntë, ka'ap pën t'oyjyawëtë, ka'ap nyimyä'kxtë, ka'ap ja pa'ëyo'owën tmëët'atë.

Job 24:20

Yë'ëpaat yë tyaak jyä'äytyëkooyënë; yë tënë'k tsu'tstaayëp ets ka'ap pën y'ëkja'amyäjtsënë. Yë ëxëëk ja'ay jëtu'un jyata'any tä yë kepy kyëtäyën ko yajpujxë'ëky.

Salmos 27:10

Oyës yë ntaak nteety xy'ëxmatstëty, mijtsës xykyëwent'ataanp.

Salmos 77:9

¿Tii tëë jëtää Dios tja'atyëkooynyë yë y'oyjyot y'oywyinma'anyë? ¿Tëë jëtää yajxon tu'ukyë tyimjoot'anpëkyë ets ënät ka'ap ja pa'ëyo'owën t'ëkmëët'ajnë?

Proverbios 31:2

U'unk maay, mëti'ipës të nyajminy të nyajja'tyën naaxwiinyëtë, mëët koos ja Dios ojts ja njëëytyak nnu'kxtakën t'ëtsoowinpity, ¿wi'ix yam mijts n'ëkjaak'ënëëmëty?

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Isaías 49:14

Jëtu'un ënety ja Sión y'ënä'äny: Tëës yë Wintsën xymyajtstutnë ets tëëjës xyjyä'äytyëkooynyë.

1 Samuel 12:22

Jä'ä ko yë Wintsën mëti'ipë ënety m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.

Isaías 54:10

Oy ja tun kopk wya'ktëkatsëty, ets jyitëty, yë ntsojkënës nja'awënës ka'ap tyëkatsa'any ets nkäjpxytyu'unënës ka'ap kyëxa'any nyaxa'any. Yë'ë jëtu'un Wintsën ënaanp mëti'ipë mpa'ëyoowëpën.

Jeremias 51:5

Jä'ä ko yë Israel ja'ayëty ets Judá ja'ayëty, tëë pyokytyuntë mëjwiin këjää ma naax kajpnën, ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtypyën, ka'apës tu'ukyë yë Israel ja'ay nja'atyëkoytyë.