Isaías 49:13 - Biblia Dc en Mixe de Quetzaltepec

¹³ Janty xoontaktëp, janty ëëw janty yaxtëp jam tsajpjotm, näjyëtu'un naaxwiiny naaxkëjxy, jää'ajtp ja akujkajtën jotkujk'ajtën. Jam tunkëjxm kopkkëjxm wä'än jam t'ëwtë tya'axtë, jä'ä ko tëë ja Wintsën ja nyaax kyajpn tyajtso'oky ets të tyajjotkujkë, tëë tuknipëjktaakë ko tpa'ëyowa'any ja ëyoopëja'ay.

Biblia Mixe de Quetzaltepec

¹³ Janty xoontaktëp, janty ëëw janty yaxtëp jam tsajpjotm, näjyëtu'un naaxwiiny naaxkëjxy, jää'ajtp ja akujkajtën jotkujk'ajtën. Jam tunkëjxm kopkkëjxm wä'än jam t'ëwtë tya'axtë, jä'ä ko tëë ja Wintsën ja nyaax kyajpn tyajtso'oky ets të tyajjotkujkë, tëë tuknipëjktaakë ko tpa'ëyowa'any ja ëyoopëja'ay.

Isaías 49:13 ပူးပေါင်းရင်းမြစ်များ

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Isaías 52:9

Tukyaax tukjokëtë ko të mmëta'aktë, mijts Jerusalén kajpn ma axit ako'owë të myajpaatyën, jä'ä ko tëë yë Wintsën tpa'ëyoy yë nyaax kyajpn ets tëë tyaj'ëwaatsëpëtsëmy yë Jerusalén kajpn.

Isaías 55:12

Xoontä'äky jam nëjkx mtsoontë, jotkujk nëjkx mja'të ma mnaax mkajpnëtyën. Ko ënety xynyinaxtë ja tun kopk may nëjkx ja'ay mjëjpaatë'ëkëtë ets nëjkx myajwin'ëw myajwinya'axtë mëët ja jotkujk'ajtën ets tu'kë'ëyë aay kepy nëjkx kyë'ë t'apo'kxmuktë.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

2 Corintios 7:6

E ja Dios mëti'ipë yajjotkujk'ajtypyën ja mon tukpë yajpaatyën, tëëjës xyajjotkujkta'aktë ko të jyä'ty ja Tito.

Lucas 15:10

Jëtu'un miits nëëmëtë ko näjyëtu'un ja Dios ja y'anklës xyoonta'aktë ko tu'uk ja pokyjyä'äy jyootwimpity.

Jeremias 31:13

Akujk jotkujk nëjkx ja to'oxy'ëna'k y'ätstë, näjyëtu'un ja yä'äy'ëna'këty ets ja mëjja'aytyëjkëty. Ëjts nyajjotkujkëjantëp: xikën ëwë'kën nyaj'awinpita'anyës yë jyi'iyënëty yaxënëty, mëj këjää nëjkx nyajjotkujkta'aktës, këtiinëm ko të y'ëyowtë.

1 Crónicas 16:31

Wä'än ja tsajp ets ja naaxwiinyëtë txoonta'aktë. Wä'än ja aaw ayuk tyajmëtoy ma tëkokyë ja mëj naax mëj kajpnën: Yë Wintsën yë'ë ënä'ämp yajkutujkp.

Salmos 69:34

Mëjjawë jaantyjawë yë Dios y'itëty jam tsajpjotm, naaxkëjxy ets nëëjoty, ets maajaty yajpaatyën yë juukyajtën.

Salmos 71:21

Mijts myajmëjëjäämpy yë njotkujk'ajtënës etsës jatëkok akujk jotkujk nyajpaatëty.

Salmos 148:9

Tun, kopk. Aay kepy, mëti'ipë tëëm'ajtpën ets mëti'ipë ka'apën.

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Isaías 48:20

Käkpëtsëmtë jam Babilonyë, kukä'äktë yë Babilonyë ja'ayëty. Mëk tukyaax tukjokëtë mëët ja jotkujk'ajtën, tuk'ëwaanëtë wä'än timpyënëty naaxwiinyëtë apëtsëmy: Ënëëmëtë ko ja Wintsën tëë tyaj'ëwaatsëpëtsëmy ja Jacob mëti'ipë tyuunpë'ajtypyën.

Isaías 49:14

Jëtu'un ënety ja Sión y'ënä'äny: Tëës yë Wintsën xymyajtstutnë ets tëëjës xyjyä'äytyëkooynyë.

Isaías 51:12

Ëjts yam mijts kë'ëm njotmëkmoopy. ¿Pën mtsë'këp? ¿Naaxwiinyëtë ja'ayë? ¿Naaxwiinyëtë ja'ay mëti'ipë o'kpën, mëti'ipë jëtu'un kukëjxëpën tä aay ujtsënë?

Isaías 54:7

Wäänë nätyu'uk n'ëxmajtskojy, nwowäämpy jatëkok mëët tu'uk ja oy jot oy winma'any ets tu'ukyë n'ijtmëty.

Isaías 54:8

Koos yë joot'an xytyuktëjkëy poj'am, ojts nkuke'eky ets nwinwa'ktuty, e mëët ja tsojkën ja'awën xëmëkyëjxmëpë ojts jatëkok npa'ëyoy. Jëtu'un ja Wintsën y'ënä'äny, mëti'ipë yaj'ëwaatsëpëtsëëmpën.

Jeremias 51:48

Yë tsajp ets naaxwiinyëtë ets tëkokyë jënu'un winë yajpaatyën ma yë'ëjëtyën, nëjkxëp tukxoonta'aktë ko ënety ja Babilonyë kajpn të kyuka'anaxy, ko ënety myintë jam anëkëjxmtsow mëti'ipë yajkutëkoyanëpën. Ëjts Wintsën, ëjts ënaanp.

Ezequiel 35:14

Paatyës n'ëna'any, ëjts Wintsën: Tëkokyë naaxwiinyëtë xyoonta'aka'any ko mijts nyajkutëkoyëty.

Salmos 65:13

Ma yë joyjyotën tam jyätyë tsajppax ets kupixyny, tam näjyëtu'un tsajpmok kam, xoontakp yajjawë yë jot winma'any ko jam winë yajpaaty.

Salmos 89:13

Yë mmëkajtën maayëp winë, yë m'a'oykyë'ë mëk yë'ë ets mëtakp oymyaajëty.