Isaías 48:20 - Biblia Dc en Mixe de Quetzaltepec

²⁰ Käkpëtsëmtë jam Babilonyë, kukä'äktë yë Babilonyë ja'ayëty. Mëk tukyaax tukjokëtë mëët ja jotkujk'ajtën, tuk'ëwaanëtë wä'än timpyënëty naaxwiinyëtë apëtsëmy: Ënëëmëtë ko ja Wintsën tëë tyaj'ëwaatsëpëtsëmy ja Jacob mëti'ipë tyuunpë'ajtypyën.

Biblia Mixe de Quetzaltepec

²⁰ Käkpëtsëmtë jam Babilonyë, kukä'äktë yë Babilonyë ja'ayëty. Mëk tukyaax tukjokëtë mëët ja jotkujk'ajtën, tuk'ëwaanëtë wä'än timpyënëty naaxwiinyëtë apëtsëmy: Ënëëmëtë ko ja Wintsën tëë tyaj'ëwaatsëpëtsëmy ja Jacob mëti'ipë tyuunpë'ajtypyën.

Isaías 48:20 ပူးပေါင်းရင်းမြစ်များ

Jeremias 51:45

Nnaax nkajpnës, pëtsëm jam, wä'än këëkjä'ä ja'ay jyuukyajtën tyajtso'oky maas të ntukjoot'anpëktën.

Isaías 52:9

Tukyaax tukjokëtë ko të mmëta'aktë, mijts Jerusalén kajpn ma axit ako'owë të myajpaatyën, jä'ä ko tëë yë Wintsën tpa'ëyoy yë nyaax kyajpn ets tëë tyaj'ëwaatsëpëtsëmy yë Jerusalén kajpn.

Jeremias 51:6

Käkpëtsëmtë jam Babilonyë. Näyyajtso'okëtë pënjaty jyëkyäjptëpën nyäyajtso'okëtëty. Këtii nëkoo xykyu'ookëtëty yë nyëë pyoky. Tëë tpaaty maas ntukumëtowa'antën ja nyëë pyokyëty etsës ntukukëpäta'antë tä pyaat'atëtën.

Jeremias 50:8

Kä'äktë, tsoontë jam Babilonyë ma caldeo ja'ay kyajpnëtyën; tsoontë jam, jëtu'un tä tu'uk ja'ay maykyupixyny twojptsoonyën.

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Isaías 49:13

Janty xoontaktëp, janty ëëw janty yaxtëp jam tsajpjotm, näjyëtu'un naaxwiiny naaxkëjxy, jää'ajtp ja akujkajtën jotkujk'ajtën. Jam tunkëjxm kopkkëjxm wä'än jam t'ëwtë tya'axtë, jä'ä ko tëë ja Wintsën ja nyaax kyajpn tyajtso'oky ets të tyajjotkujkë, tëë tuknipëjktaakë ko tpa'ëyowa'any ja ëyoopëja'ay.

Isaías 26:1

Jä'ä xëëw nëjkxëp yaj'ëy yajyä'äxy ya'atë ëy jam Judá: Ëëtsajtëmë ta'tspëky yë nnaax'ajt nkajpn'ajtëmë, tëë yë Wintsën tkojy mëj yë potsy ets tëë ja naax kajpn tyaj'oyë mëti'ipë ta'tspëkyën.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Jeremias 51:48

Yë tsajp ets naaxwiinyëtë ets tëkokyë jënu'un winë yajpaatyën ma yë'ëjëtyën, nëjkxëp tukxoonta'aktë ko ënety ja Babilonyë kajpn të kyuka'anaxy, ko ënety myintë jam anëkëjxmtsow mëti'ipë yajkutëkoyanëpën. Ëjts Wintsën, ëjts ënaanp.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Jeremias 31:10

Naax kajpnëty, mëtoow'itë yë Wintsën yë y'aaw y'ayuk ets näjyëtu'un xynyikajpx xynyimëtya'aktëty ma wiinkëtypë kajpnën mëti'ipë jëkäm yajpatëpën: Yë Wintsën yë'ë ojts t'awojpwä'kxy yë Israel kajpn, je'eyëp ko nän yë'ë jatëkok yajtu'ukmukäämpy ets tkëwent'ata'any jëtu'un tä tu'uk yë kupixyny këwent'ajtpë tkëwent'atyën yë jyëyujk.

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Isaías 48:6

Mijts tëë wa'ats xynyijawë mëti'ipë tyam yaj'ijxp yajtuunpën, ets kopkpëky ko xykyupëky ko mëtëy. E tyam yë'ë ntuk'ëwaanëjäämpy jempyë, yu'utsypë ka'apë xynyijawën,

Salmos 126:1

Ko ojts ja Dios tyajjotkujkë ja Sión, jëtu'un ojts nnäjya'awëmë wiinkuma'ajëm yowë.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

2 Samuel 7:23

E yë'ë ënät ja Israel kajpn, mëti'ipë mijts mkajpn'ajtypyën, ni pën kyamëpaatëtëty tä yë'ëjën. Tä yë'ëjën, tu'ukyë jëtu'unpë yajpaaty yaa naaxwiiny naaxkëjxy. Mijts Wintsën, mijts ojts xyaj'ëwaatsëpëtsëmy ets mijts xyjyä'ä'atëty; tëë mëj'äämpy xyajnaxy mëët ko winë të xytyuny ma yë'ëjën mëjwiin këjää, jä'ä ko mijts ojts xyajkutëkooytyä'äy ja naax kajpn mëti'ipë ënety atsijpëpën ko tsyo'ony jap Egiptë mëët tukë'ëyë ja tiosëty mëti'ipë y'ëwtajtëpën,

Deuteronomio 30:4

ja mmëku'uktëjkëty mëti'ipë ënety muum jëkäm yajpatëpën wiink'it wiink naaxwiinyëtë, yë Wintsën nëjkxëp jam yajtsoonëtë ets wyoowmukëtë.

Isaías 12:4

nëjkxëp m'ëna'antë: Kukajpxëtë ja'awëkyëta'aktë yë Wintsën ets mëkajpxtë, nikajpx nimëtya'aktë ma ja naax kajpnën mëti'ipë yë'ë të tuny të tkäjpxyën, tuk'ëwaanëtë ko yë'ë maaytyääyëp winë ets ko ni pën kyajëtu'unëty tä yë'ëjën.

Isaías 24:14

Mëti'ipë ënety juuky të jyaakwë'ëmtën, akujk jotkujk nëjkx wyë'ëmtë. Jam ma xëëw kyëtä'äkyën, nëjkxëp y'ëwtë ya'axtë ko ënety t'ixtë ja Wintsën ja myëj'ajtën y'oyajtën mëjwiinpë këjääpë.

Isaías 42:10

Tukwin'ëwtë ja Wintsën jemyjyätyëtypë ëy; jampaat muum jëkäm wiink it wiink naaxwiinyëtë; oy yë'ëjëty mëti'ipë yajpatëpën nëëwiinkëjxy mëjpëjkta'aktë yë Wintsën, ets oy yë'ëjëty aayjëyujk ujtsjëyujk, tëkokyë ja'ay mëti'ipë yajpatëpën ma ja naax kajpn mejy ëkë'ëypyë.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 51:14

Mëti'ipë o'ktëy të yajtunyën pyätyp ja xëëw ma y'ëwaatsëpëtsëma'anyën; ka'ap jap pujxn tëkoty y'ooka'any ets ka'ap ja kyä'äyën y'ukën tyaj'ëmaaytya'aka'any.

Isaías 52:10

Tëë ja naax kajpn tnija'awëtya'atë wi'ix ja Wintsën ja myëj'ajtën të tyaj'ixyën. Jëkämpaat ets naaxwiinyëtë apëtsëmy yajnijawë ko ja Wintsën të xyajnitsokëmë.

Isaías 62:11

Tëë ja Wintsën tuk'ëwa'anëtyä'äy ja naax kajpn naaxwiinyëtë apëtsëmy: jëtu'un të t'ënëëmë Ënëëmëtë yë Sión kajpn ko tëë jyä'ty ja Yaj'ëwaatsëpëtsëëmpë. Yë Wintsën tëë ja nyaax kyajpn tyaj'ëwaatsëpëtsëmy, yë'ë yajmiimpy.

Jeremias 31:11

Yë Wintsën tëë tyajtso'oky yë Jacob yë nyaax kyajpn, tëë tyajpëtsëmy jam ma ja mëkpë ja naax kajpnën.

Jeremias 31:21

Mijts Israel, akääts yë në'ë tu'u mëët yë jaam mëti'ipë yajtuk'ixëpën, ënätyë xypyaatëty ko ënety jää jatëkok mnaxa'any; m'ijxwë'ëmëp ma mnaxyën. Wimpit jatëkok mijts Israel kajpn, niwinpit yë mjëën mtëjk.

Jeremias 50:28

Ja'ay mëti'ipë jam Babilonyë të kyä'äktën tëë yaa myintë Sión ets të tnimëtya'aktë wi'ix yë Wintsën Tëyajtën ëxëëk të tunyën yë Babilonyë kajpn, mëët ko ëxëëk tuuny yë tsajptëjk yaapë yajpaatyën.

Esdras 2:1

Ya'atë Judá ja'ayëty yë'ë ojts wyimpitë jatëkok, jam tsyo'ontë Babilonyë, ma ënety ja yajkutujkpë Nabucodonosor të myëët'atëtën tsumy matsy. Ko ojts tpatnë jajëmëjt tääts ojts jatëkok wyimpijnëtë jam Jerusalén ets jam Judá; nitu'ukjaty ojts tpata'atë ja nyaax kyajpnëty.

Zacarías 2:10

Jëtu'un yë Wintsën y'ënä'äny: Ëwtë ya'axtë akujk jotkujk, miitsëty Jerusalén ja'ayëty, jä'ä ko tëëjës nminy ets ntsëënëja'anyës ma miitsëtyën.

Zacarías 10:8

Nëjkxëpës nyaxtsowtë ets nyajtu'ukmuka'antës, jä'ä ko ëjtsës të nyajtso'oktë. Nimay nëjkx y'itë tä ijty tëëyëpën.