Isaías 47:6 - Biblia Dc en Mixe de Quetzaltepec

⁶ Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Biblia Mixe de Quetzaltepec

⁶ Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Isaías 47:6 ပူးပေါင်းရင်းမြစ်များ

Zacarías 1:15

Paatyës të ntukjoot'anpëky tääpë naax kajpn mëti'ipë ka'ap tii tmaytyën tajtën, mëti'ipë ojts ni'ikyë ja jotmay t'ixkukëtën maas ënety ëjts të njoot'anpëkyën.

2 Crónicas 28:9

E jamts ijty tu'uk ja Wintsën ja tyuunpë yajpaaty jä'ä xyëëwajtyp Obed, ojts jam tjëjpye'eytsyoy ja tsiptuunpë ja'ayëty mëti'ipë jam Samaria ënety jajtëpën ets t'ënëmaay: Ja Wintsën, ja m'aptëjk ja Wyintsënëty, yë'ë të tukjoot'anpëky ja Judá, paaty miitsëty të myajtukë'ëtëkëtë. Je'eyëp ko miitsëty nëkooyë näjyëtu'un ja mëku'ukëty të xytyimniwa'kënëtë.

Deuteronomio 28:50

tääpë ja'ayëty ëwa'anëty nëjkx xy'ixy ets janty ëxëëkëty, ni pën nëjkx tkawinkutsë'ëkëtë ni yë'ë yë mëjja'aytyëjk ets ni pi'k'ëna'k; ka'ap yë pa'ëyo'ow najts'ëyo'owën tmëët'ata'antë.

Abdías 1:10

Wintsëtyu'un jëjptsëtyu'un nëjkx mwë'ëmy ets xëmëkyëjxm nëjkx mkutëkoy ko ëxëëk të xytyuny ets të xyaj'ooky ja mëkä'äx Jacob.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

Salmos 69:26

Jä'ä ko yë'ëjëty je'eyë t'ixjëtit tpajëtitë mëti'ipë mijts mon tuk të xypyëjktä'äkyën, ets të tnëxi'ik të tukxi'iktë ja pyëjkën y'ato'onënëty mëti'ipë të xyajtsëtyuty të xyajwintëkoyën.

Abdías 1:16

Nëkooyë tya'am'ajnë ja uuky mëti'ipë japën a'ukënjoty, mëti'ipë m'uktën maas ja nkënu'kxykyopkën, jëtu'un tya'am'ata'any ja uuky mëti'ipë y'uukantëpën mëto'kx mëto'kxnë ja naax kajpn ets kyutëkooytya'aja'antë.

Isaías 14:17

mëti'ipë ja naax kajpn ijty tyuktsëëmtutypyën, mëti'ipë ja naax kajpn ijty yajkutëkoopyën, ets mëti'ipë ijty ka'ap nitu'uk ja'ay juuky y'ëxmajtsypyën.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Mateo 7:2

Jä'ä ko yë Dios näjyëtu'un yë mpoky mtukwinmëtowa'anëtë tä ja mmëku'uk ënety ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

Ezequiel 28:16

Ënet yë nëë poky ojts mpaatyë ko ojts mkumeenytyä'äky ets may ja juy tooky xymyëët'ajnë. Ënet ojts n'ixkexy ets mjëwa'akëty nwintuuyës; ojts jam njëkexy ma ja Dios ja kyopkën, ja tsajpjotmëtë kukäjpxy mëti'ipë ënety mkëwent'ajtëpën yë'ë ojts myajpëtsëëmënë mëtsa'a itkujky.

Ezequiel 24:21

Ënëëmë yë Israel kajpn: Jëtu'un yë Wintsën y'ënä'äny: Nyaj'ëxëëkëjäämpyës yam yë ntsajptëjkës, mëti'ipë m'oy'ijxtëpën, mtsojktëpën ets mëj'äämpy mnäyjyawëtë ko jyääjëty ets yë'ë mtukjotmëk'ajtëp; yë m'u'unk m'ëna'këty ye'etyëjk to'oxytyëjk mëti'ipë jam Jerusalén të xyajwë'ëmtën ja'ay nëjkx yaj'o'kta'ajëtë.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënety ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Isaías 43:28

ja mwintsëntëjk ëxëëk ojts jap y'ëtë'ëtstë maas yë ntsajptëjkën; paatyës ojts ntimmyajtstu'uty yë Israel kajpn, mëti'ipë yë Jacob kyajpn'ajtypyën ets myëtsip yajkutëkoyëtëty.

Isaías 13:16

Nëjkxëp t'ixtë ko ënety y'u'unk y'ëna'k y'ooktë; yë jyëën tyëjkëty nëjkxëp yajtuktsëëmtuta'atë, ets ja tyo'oxytyëjkëty nëjkxëp yajwits yajjëtutë.

2 Samuel 24:14

Ets ja David t'ëtsooy ja Gad: Ëjts Jotmayjyotyës tyam nyajpaaty, ni'ik oy ko yë Wintsën yë'ë xytyiytyu'unëtyës ets këtiinëm ko yë'ë nmëtsipës.

Isaías 14:6

mëti'ipë ënety tyiytyuunpyën ja naax kajpn mëët ja tsip äkë ets twopy tka'atsy ja ja'ay; mëti'ipë ja naax kajpn y'ate'empy tyukte'empyën mëët ja joot'an ets t'ixjëtity tpajëtity ja myëku'uk oy maa timpyaja'ty, ka'ap tmëët'aty ja pa'ëyo'owën najts'ëyo'owën.

Jeremias 50:42

Tëë tpëjktakta'atë yë tyi'pxnëty ets kyu'umënëty; ëxëëk jyä'äy'atë, ka'ap nitii tpa'ëyowtë, jëtu'un yajmëtoy tä nëë y'iitsy kyomyën ko tyëkëtë yaxpë jojkpë, kwaaykyijxy myintë. Tëë tuknipëjktaakëtë ko yë Babilonyë kajpn tnitëkëja'antë.

Lamentaciones 1:14

Tëës yë Wintsën yë nnëë mpoky xy'ijxë; yë'ëjës të xytyukjëëtsëmë'ëky, tä yë tsajpkaa yajtukutsumyën yë kyepy; ënu'kxëpës. Tëës Wintsën xykyë'ëyäky ma ja'ayën mëti'ipës ka'ap nmëmëta'aka'anyën.

Lamentaciones 1:21

Njamëtoowtëp yë ja'ayës koos n'ëjy ntu'uky, je'eyëp ko ni pënës xykyaniminy mëti'ipës xyajjotkujkta'akëpën. Nyija'awëtyääytyëp yë nmëtsipës koos o'ktëy njaty nkëpety ets nmëtsipës je'eyë xyoontä'äky ko tnijawë'aty mijtsës xytyuunp. Yajmin ja xëëw po'o mëti'ipë të xynyikäjpxyën ets wä'än näjyëtu'un tjatë tkëpätë tä njaty nkëpetyën.

Lamentaciones 5:12

Ja nkopktëjkëtyës kyë'ëkëjxy të yajtëëyë'ëktë, ja mëjja'aytyëjk ka'ap pën të y'ëkwinkutsë'kënë.

2 Crónicas 10:11

pën je'emty ojts winë mtuknitsëmëtë, ëjts wäänë je'emtyës yam miits ja tsëmy nmo'oja'antë; pën ojts mtukwopëtë yë tejpxy, ëjts yë'ëjës yam miitsëty ntukwoptëp yë po'otejpxy mëti'ipë jam jëjp'am pujxn myëët'ajtypyën.

2 Crónicas 36:17

Ënet ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

2 Crónicas 36:20

Ja ja'ay mëti'ipë ojts jyaak tsookwë'ëmtën, y'ijxwojptaay jam kyajpnjotm ets tyaj'awinpijty mëtuunpë kupëjkpë mëët ja y'u'unk tyo'oxytyëjkëty; koonëm ojts ja Persa ja'ayëty yajxon tsyënaaytyaknpëktë,

Esdras 5:12

Näyjyëtu'un të nikajpxtë ko ojts ja y'ap y'okëty ja Tyios tyajjoot'anpëktë mëjwiin këjää, paaty ojts kyë'ëyakëtë ma ja yajkutujkpën Nabucodonosor jampë Babilonyë yajkutukyën, ma Caldeo ja'ayëtyën; e yë'ëts ojts tjijtë'ëky ya'atë tsajptëjk ets ja mayjyä'äy yaj'ëxwojptaay.

Lamentaciones 4:16

Tëë yë Wintsën y'ëxmatsëtë, paaty jëtu'unyë të y'aye'eyëtya'atë ets ka'ap të y'ëkni''ijxwinpijtënëtë. Ko ka'ap pën ja teetytyëjkëty të t'ëkwintsë'kënëtë ets ko ka'ap pën ja mëjja'aytyëjkëty të t'ëkja'amyäjtsënëtë.

Zacarías 1:12

Ënet ja Wintsën ja tyäjpjotmëtë kukäjpxy y'ënäny: Wintsën mëti'ipë maaytyääyëpën winë, tëkë'px majk jëmëjt tyam nyëjkxnë ma mijts xymyëtsipë'atyën yë Jerusalén kajpn ets tëkokyë yë Judá kajpn. ¿Jënaak jëmëjt jyaak naxa'any etsës xymyëët'atëty ja pa'ëyo'ow mnajts'ëyo'owën?