Isaías 46:4 - Biblia Dc en Mixe de Quetzaltepec

⁴ ëjts je'eyëmës ënety n'ixëty ko miitsëty nëjkx mëjja'ayëtë, ko ënety miitsëty tëë mkupo'ojënëtë ëjts je'eyëm nëjkx miitsëty nmajts'itë. Ëjts miitsëty të nyajkojtë ets je'eyëm ntsäänä'an nkona'antë, ëjts miitsëty nmajts'itantëp ets nyajtso'okantëp.

Biblia Mixe de Quetzaltepec

⁴ ëjts je'eyëmës ënäty n'ixëty ko miitsëty nëjkx mëjja'ayëtë, ko ënäty miitsëty tëë mkupo'ojënëtë ëjts je'eyëm nëjkx miitsëty nmajts'itë. Ëjts miitsëty të nyajkojtë ets je'eyëm ntsäänä'an nkona'antë, ëjts miitsëty nmajts'itantëp ets nyajtso'okantëp.

Isaías 46:4 ပူးပေါင်းရင်းမြစ်များ

Salmos 71:18

Dios, mëti'ipës nTios'ajtypyën, këtiis xy'ëxmats xymyajtstu'utëty oyës ënety të nmëjja'ayënë etsës të nkupo'ojënyë, jä'ä ko ëjts njaaknimëtya'akäämpyës yë mmëjajtën ma ja'ayëtyën tyampë jyuuky'atën ets mëti'ipë juuky'atantëpnëm.

Salmos 48:14

Jä'ä ko ya'atë Dios, yë'ë xëmë nTios'ata'anëm oy tyimjëna'ajëty. Yë'ë xytyu'uwinwowa'anëm winë xëëw winë jëmëjt.

Hebreos 13:8

Jesukristë je'eyëm yajpaaty ijxtëm ëxë'ëyën, tyam ets xëmëkyëjxm.

Salmos 92:14

Oy ënety tëë jyamëjja'ayënëtë, yë'ëjëty je'eyëm tyëëmpäta'antë ets oy mëk xëmë yajpaata'antë.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Hebreos 1:12

ets xy'anä'äka'any ijxtëm tu'uk wit yaj'ane'ekyën, ets xyajtëkatsa'any ijxtëm pën nyäjyääntëkatsyën. E mijts, m'ijtp xëmë, nijëna'a ja mjuukyajtën kyakëxa'any.

Romanos 11:29

Ka'ap ja Dios wyinma'any tyëkatsy ko pën tii tmo'oy mëti'ipë të twin'ixyën.

Malaquías 3:6

Ëjts Wintsën, ka'apës nyajtëkatsy yë njot nwinma'any, paaty miitsëty Jacob yë y'u'unk y'ok ka'ap m'atëkoytyë.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Isaías 41:4

¿Pën ya'atë jëtu'unpë të tuny të tkäjpxy? ¿Pën të tyajkutuky ets winë tyunëtëty naaxwiiny naaxkëjxy, tyimtso'ontäky ets tyampaat? Ëjts, mëti'ipë Wintsën'ajtpën, tu'kpajkpë ja Dios, xëmëkyëjxmëpë y'ityën.

Isaías 43:13

Jëtu'un tyimminy tyimku'ty, ëjts jëtu'un Tios'ajtp ets ni pën kyamayëtëty tjëjpmëwa'akëty ja nmëk'ajtënës. Ni pën kyamayëtëty ets tyajma'atëty mëti'ipës tëë ntuknipëjktaakën.

Malaquías 2:16

Jëtu'un yë Wintsën, mëti'ipë maaytyääyëpën winë ets mëti'ipë yë Israel Tyios'ajtëpën, t'ënëmaay yë Israel ja'ayëty: Këwent'atë yë mjot mwinma'any ets këtii yë m'aaw m'ayuk xytyukxi'iktëty; jä'ä ko ëxëëkës n'ixy yë ja'ay mëti'ipë y'ëxmajtsypyën yë tyo'oxytyëjk ets nëë poky tuunë tkajpxnë.

Deuteronomio 1:31

Ets jam të'ëts'itjotm yë Wintsën mëti'ipë mTiosajtëpën jëtu'un të mtimjyawëtë, tä yë ja'ay yë y'u'unk muum tseeny kony tyajnëjkxyën ets jëtu'un yaa të myajja'tëtë.

Salmos 68:19

Mëjjaw kënu'kxyjyawë y'ity yë Wintsën, mëti'ipë nTios'ajtëmën, mëti'ipë xyajnitsokëmën, mëti'ipë winjëpom myënëjkxypyën yë ntsëmy'ajt nkë'ëy'ajtëmë.

Salmos 71:9

këtiis xy'ëxëëkjawëty koos ënety tëë nmëjja'ayënë; këtiis xy'ëxmats xymyajtstu'utëty koos ënety ka'ap yë jot mëjaaw n'ëkmëët'ajnë.

Isaías 48:12

Ëkmëtoowkës, mijts Israel, miitsëty Israel ja'ayëty mëti'ipë Jacob nyaax'ajtyp kyajpn'ajtypyën, mëti'ipës kë'ëm të nmëkäjpxyën: Ëjts jëtu'un tu'uk Tios'ajtp, ëjts jëtu'un jekyëp tso'ontakp ets tyampaat ëjtsyëm ijtp.