Isaías 46:13 - Biblia Dc en Mixe de Quetzaltepec

¹³ Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Biblia Mixe de Quetzaltepec

¹³ Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Isaías 46:13 ပူးပေါင်းရင်းမြစ်များ

Isaías 62:11

Tëë ja Wintsën tuk'ëwa'anëtyä'äy ja naax kajpn naaxwiinyëtë apëtsëmy: jëtu'un të t'ënëëmë Ënëëmëtë yë Sión kajpn ko tëë jyä'ty ja Yaj'ëwaatsëpëtsëëmpë. Yë Wintsën tëë ja nyaax kyajpn tyaj'ëwaatsëpëtsëmy, yë'ë yajmiimpy.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Isaías 51:5

Tim tëë jëtu'un maas nmëta'aka'anyën, miimp këtakp ja xëëw jëmëjt maas ja ëwaatsëtuuy'ajtën nyajnaaxkëta'aka'anyën; Mëëtës ja nkutujkën n'ënä'äma'any ja naax kajpn. Ja naax kajpn mëti'ipë yajpatëpën mejypyë'aay ëjts xy'ëwxitantëp ets yë'ë tyukjotkujk'atantëp ja nmëk'ajtënës.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 43:7

tëkokyë mëti'ipës yë nxëëw nyija'awëtëpën, mëti'ipës të nkojy të nmä'kxyën, mëti'ipës të nyajkojy të mpëjktä'äkyën koos nmëët'aty ja mëj'ajt oyajtën.

1 Pedro 2:6

Paaty näjyëtu'un y'ënä'äny ja Dios ja y'aaw y'ayuk kuja'aypyë myinyën: Mpëjktäkpyës jam Jerusalén tu'uk ja tsaakopk, win'ixypyë ets tsowpë; mëti'ipë yë'ë tyuk'ijxpejtypyën ka'ap tsyëtyu'unpaata'any.

2 Tesalonicenses 1:10

Jëtu'un jyata'any jä'ä xëëw ko ënety ja Wintsën myiny, ko jyä'äy myëjjaw jyääntyjawëtëty ets tyukxoonta'akëtëty ni'ëmukë. Jam miits näjyëtu'un myajpaatëty, jä'ä ko tëë xymyëpëktë mëti'ipës të nkäjpxy të nmëtya'aktën.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Hebreos 10:37

Jëtu'un ja Dios ja y'aaw y'ayuk y'ënä'äny: Mëti'ipë minaanpën, tsojk jä'ä myina'any, ka'ap pyo'oxa'any.

2 Tesalonicenses 1:12

Jëtu'un'äämpy ja nWintsën'ajtëm Jesús yajmëjjaw yajjaantyjyawëty mëët miitskyëjxmëty, ets ja Dios mëët ja Wintsën Jesukristë myajmëjnaxa'anëtë ko tmëët'aty ja y'oyjyot y'oywyinma'any.

Efesios 1:6

Paaty xëmë ja Dios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

Romanos 1:17

Ya'atë aaw ayuk oypyë yë'ë xytyukni''ijxëmë wi'ix ja Dios ja npoky'ajtëm xytyukniwatsmëtyën: mëët ja mëpëjkën tsyo'ontä'äky ets jëtu'un jyëjpkëxy. Jëtu'un ijxtëm ja Dios ja y'aaw y'ayuk këxja'ay myinyën: Ja wa'ats ja'ay mëpëjkën mëët jyuuky'ata'any.

Juan 17:10

Tu'kë'ëyë mëti'ipës njä'ä'ajtypyën aakmijts yë'ë mjä'ä; ets mëti'ipë mijts mjä'ä'ajtypyën ëjts yë njä'a; ets ja nmëj'ajt n'oyajtënës nikëxë'kp jam ma yë'ëjëtyën.

Hageo 1:8

Nëjkx jam tunkëjxm kopkkëjxm yajtsoontë yë kepy etsës yë njëën ntëjk xykyojtëty. Ënätës jotkujk näjyawëtëty etsës yë nmëj'ajt n'oyajtën nyaj'ixëtëty.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënety tyukjotkujk'ajtypyën, nëjkxëp jam tpaaty ja po'kxtakn.

Salmos 46:5

Dios yë'ë jam itkujky ijtp ets yë'ë kyuwäämpy; Dios yë'ë putëkëjanëp ko xëëw po'o tsyo'onta'akëty.

Salmos 46:1

Dios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Salmos 14:7

Jääpëk jeexyë Israel ja'ay nitsokën tpaatë mëti'ipë jam tso'onpën ma Sión kopkën. Ko ja Wintsën tyaj'oyëty ja nyaax kyajpn ja jyuukyajtën, ënät xyoonta'aka'antë ja Jacob ja y'u'unk y'ok, ets tëkokyë yë Israel kajpn.

Salmos 85:9

Janty tëyajtën jëtu'un, ko yë Dios winkon yajpaaty, ets tyajnitso'oka'any mëti'ipë mëjpëjktakëpën, ets myëj'ajt y'oyajtën yaa yajpaata'any ma naax'ajt nkajpn'ajtëmën.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Isaías 56:1

Jëtu'un ja Wintsën y'ënä'äny: Tuntë ja mëtëypyë ja nipaye'eyën, ja mëti'ipë tëy jaantyën, jä'ä ko tsojkës nyaj'ëwaatsëpëtsëma'any ja naaxwiinyëtë ja'ay; yë'ëjës nyaj'ixanëp koos xymyääpyës wi'ixës ja'ay nyaj'ëwaatsëpëtsëmëtyën.

Isaías 62:1

Mëët ko ntsoky njawë mijts Jerusalén kajpn, ka'ap tjëkyepy amonyë n'itëtyës; mëët ko ntsoky njawë mijts Jerusalén kajpn, ëjts ka'apës npo'kxa'any koonëm n'ixëtyës ko ënety jëtu'un tyi'kxy jyäjy tä xyiintyä'äky jyajtä'äkyën, mëët ko ënety të mmëtä'äky, ets koonëmës n'ixëty jëtu'un tyi'kxy jyäjy ja nitsokën tä jëënyä'änkën.

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Miqueas 7:9

Tëë yë Wintsën nmëtëkoyës, paaty nkupëka'anyës yë tsyip y'äkë; yë'ë pyaye'eyäämpy yë n'amay njotmayës ets yajxon ja paye'eyën tuna'any. Yë Wintsën xyajnëjkxaanpës jam ma jajën të'kxën ets xytyuk'ixa'anyës ko ënety myëtä'äky.

Salmos 85:10

Yë tsojkën ja'awën ets tëyajtën tu'knax y'ita'antë, itaanp näjyëtu'un ja jotkujk'ajtën ets ja mëtëypyë,

Isaías 45:8

Ëjts nkäxäämpyës yam këjxm yë nmëk'ajtënës ets nmëta'aka'anyës ma tsip y'ityën, jëtu'un tä myaanikyën ets tä tyuuyimyën ets jëtu'un nyaaxkëta'aka'any, jëtu'un ja nitsokën y'ita'any ets jyää'ata'any ja tëypyë nipaye'eyën.

Isaías 60:9

May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.