Isaías 46:1 - Biblia Dc en Mixe de Quetzaltepec

¹ Wintakp naaxkoop yë Bel, yë Nebo ka'ap nitii t'ëktuunë; Jëyujk këjxy yajmënëjkxtë yë y'awinaxëty, je'emty yë jëyujk tjawëtë mëti'ipë të y'ënu'kxëtën.

Biblia Mixe de Quetzaltepec

¹ Wintakp naaxkoop yë Bel, yë Nebo ka'ap nitii t'ëktuunë; Jëyujk këjxy yajmënëjkxtë yë y'awinaxëty, je'emty yë jëyujk tjawëtë mëti'ipë të y'ënu'kxëtën.

Isaías 46:1 ပူးပေါင်းရင်းမြစ်များ

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Isaías 21:9

Koos të n'ijxpaaty tu'uk kepy wintëkäämpë të myiny mëti'ipë nimäjtsk kwaay pajëtujtëpën, ja mëti'ipë jam kyëwaaykyijxy ënyääytyëpën tu'uk të kyäjpxy ets të y'ënä'äny: Tëë ja yajnitëkë, tëë ja yajnitëkë ja Babilonyë kajpn, ka'ap të myëtä'äky. Tëë tyukpu'ujëtyä'äy mëti'ipë ijty y'ëwtajtëpën.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Jeremias 51:52

E yë Wintsën jëtu'un y'ënä'äny: Miimp ja xëëw jëmëjt maas ntëytyuna'anyën ja Babilonyë ja'ay y'awinaxëty, maajaty yë y'it nyaaxwiinyëtë tmëët'atën, jam'ataanp ja ëjën tu'kën ko ënety të tsyëtyut të wyintëkoytyë.

Jeremias 51:47

E jëtu'un y'ixëty, minaanp ja xëëw jëmëjt maas ja Babilonyë ja'ay nyajkutëkoya'antën ja y'awinaxëty. Ëxëëk nëjkx ja naax kajpn jyäty kyëpety ets nëjkxëp yë o'kpë jam may yajpaaty.

Jeremias 10:5

Yë y'awinaxëty jëtu'un yaj'ixy tä kamwintëyën ma melón ja'ay tyaj'ityën; ka'ap kyäjpxy ets ka'ap ye'ey, kë'ëm muum ja'ay tmënëjkxy.

Isaías 2:20

Ko ënety ja xëëw jëmëjt tpaaty, nëjkxëp ja ja'ay ja y'awinax t'ixjëpijpta'atë ma ja teptsy yunën ets ma ja tëëxy pyä'änën, mëti'ipë ënety të t'oytyuntën mëët ja pu'ts pujxn ets poop pujxn.

1 Samuel 5:3

E komjëpom ko myiintë yë ja'ayëty mëti'ipë kukajpn'ajtëpën jam Asdod, ënät tuk'ijxpäjjë ko ja Dagón naaxkëjxy jyëpijpnë, winkon ma ja Wintsën ja kyaaxën. Ënet tyajpëtë'ktë ets jatëkok tpëjktaktë jam ma ënety të yajpaatyën.

Éxodo 12:12

Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.

Mateo 23:4

Je'emtyëty tpëjkta'aktë ja tsëmy kë'ëy, ijxtëm ja ja'ay ka'ap myäyëtëty tpatsëmtëty; ets atsip ja ja'ay tukpatsëmtë winë. E yë'ëjëty nitu'knu'unën ja kyë'ë kyejky mëpaat tkatukpaatë ja tsëmy kë'ëy.

Isaías 2:18

ets nëjkx tyajkutëkooytyä'äy ja awinax.

Isaías 30:6

Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Isaías 46:7

Tmëjëtitë ënät kyejkyijxy ets tmënëjkxtë muum; ma tmëja'tën, kepykyijxy tkëxkë'ëtë ets jam tyajwë'ëmtë; jam y'ity, ka'ap maa nyijkxy. Oy jënu'un tmëya'ax tmëjoktëty t'amëtowtëty yë näypyutëkë ka'ap y'ëtsowa'anëtë ets ka'ap yajtso'okëtëty ëyo'ontum.

Jeremias 50:38

Wä'än tsipaatë ja nyëëjotëty, wä'än tëtsta'ay yë myëj nëëjëty. Jä'ä ko yë Babilonyë yi'iyë y'ëwtatyp yë awinax ëxëëkpë, paaty të tyajtëkoy yë jyot wyinma'any.

Daniel 3:14

ënät ja yajkutujkpë yajtëëwëtë: ¿Janty tëy yë'ëjë ko miitsëty ka'ap xy'ëwtatë ëëts yë ntiosëty ets nän ka'ap xywyinkoxtänëtë ja awinax mëti'ipë të ni'ënä'ämën kyojëty?

Daniel 11:8

Ets nëjkx tmënëjkxta'ay jap Egiptë ja tyiosëty, ja y'awinaxëty mëti'ipë oytyunyëtyën mëët yë pujxn win'ëëtypë ets tëkokyë ja mëët ja pu'ts pujxnëty, poop pujxnëty. Nëjkxëp jëtu'un jekytyëkë y'ity ka'ap maa tsip käjpxy.

Nahúm 1:14

Jëtu'un yë Wintsën yë ënä'ämën të tyajwë'ëmy ma mijtsën Nínive yajkutujkpë: Ka'ap xymyëët'ata'any yë u'unk ok mëti'ipë nëjkx tmëwë'ëmyën yë kuttujkën ets mxëëw; nyajkutëkoyäämpyës yë awinax jap ma mtsajptëjkën ets jap nëjkx nnaaxnitajy jä'ä ko mijts jëpyëkëm mkëxë'knë.

Job 39:11

¿Mtuk'ijxpätäämpyën ko myëkëty ets m'ënaanpën mmëtunëtëty oyë?