Isaías 45:9 - Biblia Dc en Mixe de Quetzaltepec

⁹ Tu'uk naaxtu'ts ets oymyëti'ipë tu'tsëty, ka'ap mëët nyäy'ojyë mëti'ipë yajkojëpën. Yë naax mo'onts ka'ap t'ënëëmë mëti'ipë pojtsëpën: ¿Tii mtuumpy?, ets ka'ap tjëkyepy t'ënëëmëty mëti'ipë të yajkojyën: Mijts ka'ap xyjäty mtunëty.

Biblia Mixe de Quetzaltepec

⁹ Tu'uk naaxtu'ts ets oymyëti'ipë tu'tsëty, ka'ap mëët nyäy'ojyë mëti'ipë yajkojëpën. Yë naax mo'onts ka'ap t'ënëëmë mëti'ipë pojtsëpën: ¿Tii mtuumpy?, ets ka'ap tjëkyepy t'ënëëmëty mëti'ipë të yajkojyën: Mijts ka'ap xyjäty mtunëty.

Isaías 45:9 ပူးပေါင်းရင်းမြစ်များ

Job 10:9

Ja'amyäts ko naax mwinpëjkmujk etsës ojts xyajkojy, ¿e tyam näy naaxës jatëkok xyaj'awinpita'anyë?

Job 33:13

¿Wi'ix ko xytyukwinmëtoy ko yë'ë ka'ap yë m'aaw m'ayuk nitu'uk t'ëtsoowinpity?

Job 9:12

Ko tii tjä'äniwa'anëty, ¿pën tuk'ojëtëp? ¿Pën ëkyajtëwëtëp tiijaty tyuunpy?

Job 9:4

Yë Dios mëj këjää tmëët'aty yë mëk'ajtën kuttujkën ets wijyajtën, ¿pën nëkoo ëkmëmayëtëp ets ka'ap yajmëta'akëtëty?

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Eclesiastés 6:10

Mëti'ipë tyam jää yajpatpën, tëëyëp yë yajxëëwmo'oy, je'eyëp ko tyam yajnijawë tii txëëwatyën. Ka'ap tjëkyepy tsyiptunëty pën mëët mëti'ipë ni'ik mëjën.

Isaías 10:15

¿E yaats ënät nnäyajtë'ëwëmëty: Wä'än jëtää kë'ëm yë jatyë kyepypyuxëtyë ets ka'ap tyajmëyatëty mëti'ipë yajyu'kxëtëpën, ëkë ja jë'tn mëj'äämpy nyäyajnaxëtëty oy kyajam'atëty ja mëti'ipë yajtuunëpën? Ijxtëm tu'uk yë tajkën, kepy yë je'eyë, pën ka'ap pën yajtunyë wi'ixën txëëwatëty tajk.

Isaías 29:16

Wiinkjaty ja'ay winë tmëmay tmëtajtë. Jëtu'un tä jeexyë tyu'knaxëtyën yë naax mëët yë pojtspë. Tu'uk yë kepy ëkë tsaa ka'ap tjëkyepy y'ëna'anëty: mijts ka'apës oy të xyajkojy, ëkë tu'uk yë tu'ts ka'ap tjëkyepy y'ëna'anëty: mijts ka'apës oy të xypyotsy.

Isaías 45:10

Ka'ap tjëkyepy tu'uk u'unk ëna'k t'ënëëmëty yë tyeety tyaak: ¿Miitsëty tiijës ko ojts xy'ëkyajmiintëpë naaxwiiny naaxkëjxy?

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.

Jeremias 18:6

¿E ëjts këtiis jëtää jëtu'un xymyäyëty ntuntëty miitsëty ijxtëm tääpë tu'ts pojtstpënë? Miitsëty jëtu'un nmëët'atë tä tu'uk yë tu'ts pojtspë myo'onts tkë'ëpëk'atyën. Ëjts Wintsën, ëjts ënaanp.

Jeremias 36:29

Ets xy'ënëëmëty: Jëtu'un yë Wintsën y'ënä'äny: Mijts ojts xynyino'oky ja noky axaatsy ets ojts yë Jeremías xytyuk'ojy ko tjaay mëti'ipë ja Babilonyë yajkutujkpë tyunäämpyën, ko myina'any ma ja naax kajpnën ets tyajkutëkoyä'äny ets nitu'uk ja ja'ay juuky tkayajwë'ëma'any ets jëyujkpaat tyajkëjxtaja'any.

Jeremias 50:24

Mijts Babilonyë, kë'ëm të xynyipëjktaakë yë m'o'ktakn yu'utsypë, ka'ap të xyjyawë ko jam o'këntum të mka'ay. Jam wë'ëm, jam ku'ëtuky yajpaat mëët ko të xykyamëtoowkukë yë Wintsën.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

1 Corintios 10:22

Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?