Isaías 45:5 - Biblia Dc en Mixe de Quetzaltepec

⁵ Ëjts jëtu'un Wintsënajtp, kamaa wiinkpë jëtu'unpë tä ëjtsën, ka'ap ma wiinkpë Dios. Tëë nyaj'ijxpëky ets mtsiptunëty oyës të xykya'ixy'äty,

Biblia Mixe de Quetzaltepec

⁵ Ëjts jëtu'un Wintsënajtp, kamaa wiinkpë jëtu'unpë tä ëjtsën, ka'ap ma wiinkpë Tios. Tëë nyaj'ijxpëky ets mtsiptunëty oyës të xykya'ixy'äty,

Isaías 45:5 ပူးပေါင်းရင်းမြစ်များ

1 Reyes 8:60

jëtu'un ja wiinkëtypë ja naax kajpn nijawëtëty ko yë'ë tu'ukyë Wintsënajtp ets ka'ap maa wiinkpë.

Esdras 1:2

Jëtu'un ja Ciro y'ënä'äny mëti'ipë yajkutujkpën jam Persië: Yë Wintsën, mëti'ipë ijtpën tsajpjotm yë'ë ojts t'ëwa'atsy etsës ëjts njä'ä'atëty ja kutujktakn naaxwiinyëtë apëtsëmy e yë'ëtsës të xytyuk'ëne'emy etsës nkojëty tu'uk Tsyajptëjk jam Jerusalén, ma Judá y'itjotmën.

Job 12:18

Yë yajkutujkpë pyëjkëp yë kyutujkën ets tsumy matsy yajmënëjkxtëty wiink naax wiink kajpn.

Job 12:21

Yë'ë yajkutujkpy ets wintsëntëjkëty ka'ap pën y'ëkwinkutsë'kënëtëty ets jëtu'unyë myoonkëtak tyujkëtaknëtëty mëti'ipë ënety amëk jotmëk näjya'awëtëpën.

Salmos 18:31

¿Jää jëtää wiinkpë Dios jëtu'unpë tä Wintsënënë? ¿Jää jëtää muum yë tios mëti'ipë mëpaat xykyuwa'anëmë?

Salmos 18:32

Yë Dios yë'ëjës xymyëjaawmoopy, ets yë'ëjës xypyutëjkëp ets oy nja'ay'atëtyës,

Salmos 18:33

mëti'ipës yë nkë'ë nteky yajyu'unkëpën ijxtëm yë jëtyu'u ets mëti'ipës kujk xyajtënääpyën oyës muum këjxm ntänë;

Salmos 18:39

Tëës mijts xymyo'oy yë mëk'ajtën jap tsipjoty; ets mijts të xy'a'ixë ets käjpxy kumëtoownajxpë xywyinkoxtänëtëtyës,

Salmos 86:10

Jä'ä ko tu'uk mijts mTiosëty, e mijts janty mëj ets mëj këjää yë mëj'ajtën xyaj'ixyë.

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Isaías 22:21

ets ntukxoxa'anyës yë mwit, yë'ë nmo'ojäämpyës ja mwëën ets nëjkx nmo'oyës ja mkutujkën. Jëtu'un nëjkx nyäxy tä tu'uk teetyën jam ma Jerusalén ja'ayëtyën ets ma Judá ja'ayëtyën.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

Isaías 43:10

Jëtu'un yë Wintsën y'ënä'äny: Miits nyajnajxtëp ijxpë nija'apë, miits të nwin'ixtë ets ntuunpë'atëty, ets xynyijawëtëty pën ëjts ets xymyëpëktëtyës ets xyjyä'äkyukëtëty ko ëjts jëtu'un. Ka'ap maa jëtu'unpë tios tä ëjtsën ets ka'ap nijëna'a jëtu'unpë y'ita'any.

Isaías 44:6

Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Isaías 44:8

Miitsëty jotkujk itë këtii nëkoo mtsë'ëkëtë mjawëtë. Ëjts jëtu'unës ojts n'ëna'any ets jëtu'unës ojts nikäjpxy tëëyëp, miitsëty ojts xy'ixtë xynyijawëtë. ¿Ëkë wä'än jää wiinkpë Dios jëtu'unpë tä ëjtsënë? Ka'ap yowë jää ma wiinkpë tsoktakn, ka'apës ma wiinkpë n'ëknija'awënë.

Isaías 45:1

Ojts yë Wintsën tkënu'kxy yë Ciro ets yajkutukëty, kyë'ëkëjxy twijtsë'ky ets yajkutukëty ma ja naax kajpnën ets tpëjkëtya'ajëty ja yajkutujkpëtëjk mëti'ipë myëtsiptuuntëpën. Yë Wintsën ojts tyajkutuky ets tëjk'aaw y'ëwa'atsëty maajaty nyäxyën ma ja naax kajpnën ets ni pën kyamayëtëty tyaj'ëtukëty ja tëjk'aaw. Ets jëtu'un t'ënëmaay:

Isaías 45:6

ets yajnijawëty naaxwiinyëtë apëtsëmy ko ka'ap maa wiinkpë jëtu'unpë tä ëjtsën, Ëjts jëtu'un tu'ukyë Wintsënajtp.

Isaías 46:9

Ja'amyätstë wi'ix tëëyëp jyäjty kyëpejtyën. Ëjts jëtu'un Tios'ajtp ets ka'ap ma wiinkpë. Ëjts jëtu'un Tios'ajtp ets ka'ap maa wiinkpë jëtu'unpë tä ëjtsën.

Isaías 47:8

Paaty tyam n'ënëëmë ets xymyëtoow'itëty yajxon mëti'ipë yam ntuk'ënëëmëjäämpyën, mijts to'oxytyëjk mëti'ipë wit meeny y'atsojkpyën ets ka'ap nijënu'un mkumay mkutajë jam ma mkutujktaknën, ets mnämyä'äy mnätyajxëty: Ëjts, ëjts nätyu'uk; ka'apës nijëna'a nku'ookëtëty ets ka'apës nijëna'a u'unktuk nwë'ëmëty.

Ezequiel 30:24

Etsës yë Babilonyë yajkutujkpë ni'ikyë njotmëkmo'oja'any, etsës yë'ë ntukë'ëtëkëja'any yë ntëypyujxnës. Ntëjjänëpës yë faraón yë kyë'ë mäjtskëty ets ko ënety ja myëtsip të yajtsëtyutyë ëxëëk tjawëja'any ja tsyëtyut.

Joel 2:27

miitsëty Israel ja'ayëty, kopkpëky ko nëjkx xy'ijxpaatës ko ëjts Tios'ajtp ets ka'ap maa wiinkpë. Nijëna'a yë naax nkajpnës nëjkx kya'ëktsëtyuun kya'ëkjaaypyäjnë.

Juan 1:1

Ko winë tsyo'onë'ky tsyo'ontäky yë Aaw Ayuk tääyëm yë'ë; tääpë Aaw Ayuk tämyëm mëët yë Dios ets yë'ë ënety Tios'ajtp.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Deuteronomio 4:35

Tëkokyë ya'atë, paaty kyëjxm të myajtuk'ixtë ets xynyijawëtëty, ko yë Wintsën yë'ë tu'uk Dios mëtëypyë ets jëtu'un tä yë'ëjën ka'ap maa wiinkpë.

Deuteronomio 4:39

Paaty n'ënëëmëtë ko yajxon xyajkëpajkpätëty, ko yë Wintsën yë'ë Tios'ajtp oy jyamëty tsajpjotm ets yaa naaxwiiny ets jëtu'un tä yë'ëjën ka'ap maa wiinkpë.