Isaías 45:25 - Biblia Dc en Mixe de Quetzaltepec

²⁵ Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Biblia Mixe de Quetzaltepec

²⁵ Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënäty ëjts xytyukjotmëk'aty.

Isaías 45:25 ပူးပေါင်းရင်းမြစ်များ

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

1 Crónicas 16:13

Miitsëty, ja y'u'unk y'okëty ja tyuunpë Israel, miitsëty ja Jacob ja y'u'unk y'ok, mëti'ipë yë'ë wyin'ijxën.

Salmos 22:23

Mëjpëjkta'aktë yë Wintsën ninu'un yë xymyëët'atën, Kënu'kxyjyawëtë ninu'un yë Jacob xytyeety'at xy'ap'atën. Ëwtatë ninu'un m'Israel ja'ay'atën.

Salmos 64:10

Yë oyjyä'äy tyukxoonta'akäämpy yë Dios ets jam yë kuwa'anën t'ixta'aja'any ma yë'ëjën; tëkokyë ja'ayëty mëti'ipë oy tii tyuuntëpën jotkëtä'äky jyuuky'ata'antë.

Isaías 26:2

Yaj'ëwa'atstë ja tëjk'aaw, wä'än tnaxtë ja naax kajpn mëti'ipë mëtëy winë tyuuntëpën ets mëti'ipë ka'ap pën nyätyukwin'ëënëtën.

Isaías 28:5

Jä'ä xëëw ja Wintsën mëti'ipë maaytyääyëpën winë, nëjkx jëtu'un nyäxy tä tu'uk yë yajkutujkpë kyujupën janty oypyë, tä tu'uk kumä'tnën mëti'ipë to'oxytyëjk wyääy tyukmajts'ijtëp mëti'ipë nëjkx ja naax kajpn tukmëjnaxtën mëti'ipë ënety të jyaakwë'ëmtën,

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Isaías 45:19

Këtii ame'tsyë mkajpxëty muum akootstuuy naaxwiiny naaxkëjxy. Ëjts ka'apës n'ënëëmë yë Jacob y'u'unk y'ok: Jamës xy'ixta'ajëty ma ka'ap tiijën. Ëjts, mëti'ipë Wintsën'ajtpën, mëtëyës nkäjpxy ets aakjä'ä mëti'ipë mëpaat'ajtpën.

Isaías 45:24

ets y'ëna'ana'antë: Yi'iyë tu'uk yë Wintsën yajmëtakp, yë'ë nätyu'uk mëk'ajtën myëët'ajtyp. Tëkokyë nu'unës ënety xymyëtsip'atën, nëxi'iky tukxi'iky wyë'ëma'antë.

Isaías 50:8

Winkon yajpaaty mëti'ipës xyajtsokpën: ¿Pën jää pën mëti'ipës xy'ëxëëk'ijxpën? Tsojk nimäjtsk nja'amëmë ma ja kutujkënën. ¿Pën jää pën mëti'ipës xynyiwaanpätaanpën? Wä'än tminy ets wä'änës xytyukwinmëtoy.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 60:19

Mijts ka'ap nëjkx xyajmëyäty mxëëw ni'anëty, ëkë po'o koots mkutë'kxëtëty, jä'ä ko mijts kë'ëm ntimkyutë'kxäämp xëmë; ëjts mëti'ipës Tios'ajtpën, ëjts mijts nkutë'kxäämpy.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 61:9

Ja y'u'unk y'okëty akäjpxy nëjkx muum y'itë ma naax kajpnën; tëkokyë mëti'ipë y'ijxtëpën nyija'awëtëpën tääpë kajpn, nëjkxëp y'ëna'antë ko tääpë kajpn mëj këjää yë Wintsën të kyënu'kxyë.

Isaías 65:23

Ka'ap ja tuunk nyatëkë'atëty, ko ënety ja u'unk ëna'k myëxu'unk'atë, ka'ap nëjkx yajpoktë, kënu'kxy ja Wintsën yaj'ita'anëtë, kënu'kxy nëjkx y'itë y'u'unk y'ëna'këty.

Isaías 65:9

Ëjts ntuknipëjktaakëjäämpyës ets ja Jacob tmëët'atëty ja y'u'unk y'ok nimay, ets jyam'atëty ja ja'ay ma Judá jyä'äyën mëti'ipë tunjot kopkjot wyintsëënëtëpën. Mëti'ipës të nwin'ixyën yë'ë nëjkx naaxwiinyëtë tjä'ä'atë, mëti'ipës xymyëtuuntëpën yë'ë nëjkx jam tsyëënëtë.

Jeremias 33:16

Jä'ä xëëw ëwaatsëtuuy nëjkx Judá yajpaaty ets Jerusalén jotkujk nëjkx y'ity. Jëtu'un nëjkx tijtë: Yë Wintsën yë'ë xyajmëtakëm.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Hechos 13:39

Jëtu'un miitsëty mëku'uktëjkëty xynyijawëtëty ko ja pokymyä'kxën yë'ë mëët yajnimëtyä'äky ja Jesús. Pënjaty mëpëjktëpën mëët yë'ëkyëjxm yajpokymyä'kxtë, ets ni'ëmukë ja nimä'kxën tpaatëty mëti'ipë ojts ka'ap yajnimä'kxtën mëët ja Moisés ja kyutujkën.

Romanos 4:16

Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Romanos 8:1

Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

1 Corintios 1:31

Jëtu'un ijxtëm ja Dios ja y'aaw y'ayuk kyëxja'ayëtyën: Pën jää mëti'ipë nämyëja'awëyëpën, wä'än nämyëjawëty ko ja Wintsën të tmëpëky.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

2 Corintios 10:17

Pën jää pën nyämyëjpëjktä'äkyë, nikë oy ko ja Wintsën yë'ë tmëjpëjkta'akëty.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.