Isaías 45:22 - Biblia Dc en Mixe de Quetzaltepec

²² Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Biblia Mixe de Quetzaltepec

²² Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Isaías 45:22 ပူးပေါင်းရင်းမြစ်များ

2 Crónicas 20:12

Wintsën ma mijts myaj'ëwtatyën, ¿tii këtiijën xytyukkëpäta'any ko ëxëëk xytyuntësë? Ëëtsëty ka'apës näy'a'ixëtë mëët ntsiptuntëty jä'ä ko nimay yë'ëjëty. Ka'apës nijawëtë tiijës ntuntëp paaty mijts tu'ukyë myajtuk'ijxpety.

Salmos 22:17

Jyëkyäjpnëp nmëtsyowëtyës yë npajkës. Yë nmëtsipës ninu'unës xykya'ijxtëkoytyë.

Salmos 22:28

Jä'ä ko yë Wintsën, yë'ë tu'uk Yajkutujkpë, ets yë'ë y'ënä'ämtääpy tëkokyë yë naax kajpn.

Salmos 65:5

Dios, mëti'ipës xyajnitsoktëpën, ko m'ëtsoy jam xyajnikëxë'ëky ko tii mëtëy xynyipaye'ey, paaty nitëkokyë yë naaxwiinyëtë ja'ay mijts mtuk'ijxpetyë jampaat mejy awinaxy;

Salmos 65:6

mijts jëtu'un myaj'oy'ijtyp yë tun kopk mëët ja mjot mmëjaaw ets ja mmëkajtën.

Isaías 30:15

Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Isaías 41:22

Min nikajpxtë mëti'ipë miimp këtakpën ets mëti'ipë të tyuny të jyätyën ets yajja'akyukëty; nikajpxtë tii tunan jatanëpën ets wi'ix jyëjpkëxa'anyën.

Isaías 43:6

Etsës n'ënëëmëja'antë ja anëkëjxmtsowpë: Yajwinpitë jatëkok, ja ëpa'tkë'ëytsyowpë n'ënëëmëja'antës: Ka'ap miits xyjyä'ä'atë, ëxmatstë. Yajmintë ja nnëëxës ets ja nmaankës mëti'ipë jëkäm ijtëpën, mëti'ipë wiink naax wiink kajpn yajpatëpën,

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Isaías 45:5

Ëjts jëtu'un Wintsënajtp, kamaa wiinkpë jëtu'unpë tä ëjtsën, ka'ap ma wiinkpë Dios. Tëë nyaj'ijxpëky ets mtsiptunëty oyës të xykya'ixy'äty,

Isaías 49:12

Ëk'ixtë. Tää ja'ay myiintë mëti'ipë jëkäm tso'ontëpën: tam mëti'ipë tso'ontëpën anajnytsyow, a'oytsyow, xëëwpëtsëmy ets xëëwkëtä'äkytsyow.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 52:10

Tëë ja naax kajpn tnija'awëtya'atë wi'ix ja Wintsën ja myëj'ajtën të tyaj'ixyën. Jëkämpaat ets naaxwiinyëtë apëtsëmy yajnijawë ko ja Wintsën të xyajnitsokëmë.

Isaías 55:5

Nëjkxëp xyajminy wiinkëtypë naax kajpn mëti'ipë ënety ka'ap të xy'ixy'ätyën ets ja naax kajpn ka'apë m'ixy'ätyën, pëyi'ikyë nëjkx mniminyë, jä'ä ko mëti'ipë Wintsën'ajtpën, ja wa'ats Dios, mëti'ipë jam yajpatpën ma Israel kajpnën, tëë nyajmëjnaxy.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Isaías 60:3

Nëjkxëp ja wiinkëtypë ja naax kajpn tnimintë ja mtë'kxën mjajën, ja yajkutujkpëtëjk nyiminantëp ja mxëënyajtën.

Jeremias 33:16

Jä'ä xëëw ëwaatsëtuuy nëjkx Judá yajpaaty ets Jerusalén jotkujk nëjkx y'ity. Jëtu'un nëjkx tijtë: Yë Wintsën yë'ë xyajmëtakëm.

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Dios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Miqueas 5:4

Mëkta'akaanp jatëkok yë yajkutujkpë ets tu'uwinwowa'any yë nyaax kyajpn mëët yë mëk'ajtën ets myëj'ajtën yë Wintsën mëti'ipë Tyios'ajtypyën ets yë'ëjëty jotkujk jyuuky'atëty ka'ap tiitsip tpaatëty, jä'ä ko yë Wintsën mëj'äämpy ënety nyäxy oymyaanaax myaakajpnëty.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Juan 6:40

Ja nTeetyës tsyojkpy ets tpaatëty ja juukyajtën mëti'ipë ja Dios ja y'u'unk y'ijxtëpën ets myëpëjktëpën, jëtu'un tmëët'atëty ja juukyajtën xëmëkyëjxmëpë; ets oy ënety të y'ooktë nyajjuukpyëkëpës ma ënety xëëw jëmëjt kyixyën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.