Isaías 45:21 - Biblia Dc en Mixe de Quetzaltepec

²¹ Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Biblia Mixe de Quetzaltepec

²¹ Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Tios jëtu'unpë tä ëjtsën. Ka'ap maa wiinkpë Tios mëti'ipë mëtakpën tsipjoty ets mëti'ipë yajnitsokpën.

Isaías 45:21 ပူးပေါင်းရင်းမြစ်များ

Isaías 45:5

Ëjts jëtu'un Wintsënajtp, kamaa wiinkpë jëtu'unpë tä ëjtsën, ka'ap ma wiinkpë Dios. Tëë nyaj'ijxpëky ets mtsiptunëty oyës të xykya'ixy'äty,

Isaías 43:11

Ëjts xëmë Wintsënajtp; ka'ap maa wiinkpë mëti'ipë yajnitsokpën.

Isaías 43:9

Tu'ukmujkta'atë naax kajpnëty, tu'ukmujkta'atë mëj it mëj naaxwiinyëtë. ¿Pën ja jëtu'unpë të t'akäjpxy, ëkë pën ojts nikäjpxy tii tëëyëp tuunëp jajtëp? Wä'än tyajmintë ja jyä'äy pën të t'ixyën ets nikajpxëty wä'än tyajmëtoy ja tëyajtën.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënety jotkujk yajpaaty

Isaías 48:14

Tu'ukmujkta'atë ets xymyëtoow'itëty mëti'ipës yam nikajpxäämpyën: ¿pën ma miitsëtyën të tnikäjpxy, mëti'ipë tunan jatanëpën: ko ja ja'ay mëti'ipës të nwin'ixyën yë'ë jëtu'un tyunäämpy ja Babilonyë kajpn ets ja caldeo ja'ayëty tääjës të nmay të ntajyën?

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Isaías 45:18

Mëti'ipë ja tsajp yajkojën, mëti'ipë Tios'ajtpën ets Wintsën'atpën, mëti'ipë yajkojën yë naaxwiinyëtë ets yajxon tyaj'o'oyëtyääy ets tyajta'tspëjktaay, ojts tuknipëjktaakë këtiipë winwa'ats y'itëty, yë'ëkyëjxm të tyajkojy ets twin'it twintsëënëtëty mëti'ipë juuky'ajtëpën, tääts të y'ënä'äny: Ëjts jëtu'un nätyu'uk Wintsënajtp ets ka'ap maa wiinkpë.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Isaías 63:1

¿Pën ja'ay yë'ë, tampë myinyën Posrá, mëti'ipë Edom myëjkajpn'ajtypyën, tsapts yë wyit, jëtu'un yaj'ixy ne'pnymyëëtën yowë? ¿Pën yë tääpë oypyë të nyäxyoxyën ets amëjaaw myiny?

Isaías 48:3

Ojts tëëyëp ntuk'ëwaanë wi'ix tii tsyo'onë'ky tsyo'ontäkyën; ëjts ojts kë'ëm nnikäjpxy. Ajotkumonës ojts winë ntuny ets tyuunë jyajtë.

Isaías 41:26

¿Pën ojts tëëyëp tnikäjpxy, ma winë tsyo'ontäkyën ets yajnijawëty? ¿Pën ojts tëëyëp t'akäjpxy ets yajwinjawëty ko mëtëy ojts jya'ëna'any? Nitu'uk miitsëty ojts wi'ix mka'ëna'antë, nitii ayuk ojts pën tkamëtoy mëti'ipë mkajpxtën.

Salmos 96:10

Ënëëmëtë yë naax kajpn: Yë Wintsën, yë'ë tyam mëj ënä'ämpë'ajtp. Yë'ë ojts ta'tspëky tpëjktä'äky yë naaxwiinyëtë këtiipë yu'kxëty, yë'ë y'ënä'ämtääpy tëkokyë yë naax kajpn tu'knax.

Salmos 26:7

ets nimëtya'aka'anyës yë mëj'ajtën, etsës ntukxoonta'aka'any mëti'ipë të xytyunyën.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Sofonías 3:5

E ja Wintsën tamts ja yajpaaty kajpntum, ja oypyë jam tyuunpy ka'ap y'ëxëëkpëty. Jopy jopy tpaye'eykyojy ja mëtëypyë. Ja'ay mëti'ipë ëxëëk ja'ay'ajtpën ka'ap tmëmay tmëtajy yë tsëtyu'un.

Hechos 15:18

Ja Wintsën, mëti'ipë winë të tyaj'ixyën tëëyëp, yë'ë të y'ënä'äny.

Salmos 83:18

Jëtu'un nijawëtëty ko mijts tu'ukyë mWintsën'ajtp, ko mijts tu'ukyë Ni'ik Këjxmëpë ma tëkokyë yë naaxwiinyëtë y'ëwtityën.

Isaías 19:20

Yë'ë nëjkx yajtuk'ixy ets ja Wintsën mëti'ipë maaytyääyëpën winë yaja'amyätsëty jap ma Egiptë kajpnën. Ko tmëkajpxtëty ja Wintsën ma t'amëtowtën ja näypyutëkë ko ënety ëxëëk yajtun yaj'ënëëmëtë, yë'ë nëjkx tyuknikäxëtë tu'uk ja yajnitsokpë mëti'ipë nëjkx kyuwa'anëtë ets yajtso'okëtën.

Isaías 60:16

Nëjkxëp ja naax kajpn myajkay myaj'uukyë, ets mtukniminanëp ja yajkutujkpëtëjk ja wit meeny; täänëm nëjkx xy'ijxpaaty ko ëjts Wintsënajtp, ets yajnitsokp, ëjts xymyääytyääpyës winë, mëti'ipë Jacob jyotmëk'ajtypyën, ets ko ëjts yaj'ëwaatsëpëtsëëmp.

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Dios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Zacarías 14:7

Tu'kxëëw je'eyë y'ita'any, yi'iyë nëjkx yë Dios tnijawë. Ka'ap yaj'ixa'any jëna'a ënety kyoots'aty jä'ä ko tu'ukyë nëjkx ja xëëw nyäxy ma ënety të tjapaatyën jeexyë kyootsë.

Zacarías 14:9

Jä'ä xëëw nëjkx yë Wintsën yë'ë yajkutuky, naaxwiinyëtë apëtsëmy. Tu'kpajk nëjkx yë'ë y'ëne'emy ets tu'kpajk yë xyëëw nëjkx mëj'äämpy nyäxy.