Isaías 45:16 - Biblia Dc en Mixe de Quetzaltepec

¹⁶ Tëkokyë ja'ayëty mëti'ipë yajkojtëpën awinax, tsëtyu'unmëët nëjkx wyë'ëmtë, tukxi'iky ets o'ktëy nëjkx jyatë.

Biblia Mixe de Quetzaltepec

¹⁶ Tëkokyë ja'ayëty mëti'ipë yajkojtëpën awinax, tsëtyu'unmëët nëjkx wyë'ëmtë, tukxi'iky ets o'ktëy nëjkx jyatë.

Isaías 45:16 ပူးပေါင်းရင်းမြစ်များ

Salmos 97:7

Naxkutij naxkumatsë wyë'ëmta'atë yë ja'ayëty mëti'ipë y'ëwtajtëpën wiink tios, mëti'ipë mëj këjxm näjya'awëtëpën ko wiink tios t'ëwtatë, tëkokyë mëti'ipë yajtijtëpën wiink tios kwanë ko näjyëtu'un twinkoxtänëtëty yë Tiosën.

Isaías 41:19

Jam ma ka'ap tii y'ity wyintëyën, jamës nyajyona'any, acacië kepy, arrayanes kepy ets olivë kepy; jam ma tëë naaxwiinyëtë tyëëtsë'ktaaynyën jamës nyajyona'any tsiin kepy, mëët yë ajë kepy ets wiinkëtypë kepy,

Isaías 42:17

Mëti'ipë ja'ay awinax tyuk'ijxpäjtëpën ets mëti'ipë myëkajpxtëpën yë tsaatsetsy, kepy tsyetsy ets t'ënëëmëtë: Miits myaj'ëwtajtp, nitsëtyu'un kutsëtyu'un nëjkx kyäkta'atë.

Isaías 44:11

Tëkokyë ja'ayëty mëti'ipë y'ëwtajtëpën yë awinax nëxi'ik tukxi'iky wyë'ëma'antë. Mëti'ipë ja'ay yajkojtëpën awinax naaxwiinyëtë ja'ay yë'ëjëty. Ko jeexyë y'ëkyajpaye'ey yë pyokyëty, pokymyëët jeexyë wyë'ëmtë ets o'ktëy jeexyë jyatë.

Isaías 44:9

Ja'ay mëti'ipë yajkojpyën yë awinax ka'ap nijënu'un tsyowpaaty ets ja awinax mëti'ipë yajkojtëpën nijënu'un mëj'ajtën tkamëët'aty. Mëti'ipë ja'ay awinax y'ëwtajtëpën tsuu ets winma'anytyuk jëtu'unëty, nëxi'iky tukxi'iky wyë'ëma'antë.

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Jeremias 48:13

Jää nëjkx ja Moab nyäjya'awëpyäätyë ko kajtëm ja wyintsën Quemós të pyutëkëty ijxtëm jyapaatë'atyën, jëtu'un ijxtëm yë Israel ja'ayëty ojts nyäjyawëtën ko ja tios Betel ka'ap pyutëjkëyëtë, mëti'ipë ënety xëmë të tuk'ijxpätën.