Isaías 45:14 - Biblia Dc en Mixe de Quetzaltepec

¹⁴ Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Biblia Mixe de Quetzaltepec

¹⁴ Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Isaías 45:14 ပူးပေါင်းရင်းမြစ်များ

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

2 Samuel 21:20

Jam Gad, jam wiinkpë tsip y'ijty; jam ijty tu'uk yë filistejë ja'ay, ëxëëk këjxm tyänë, jä'ä yë kyë'ëwa'axy ets tyeky wa'axy wyinë'aty i'px majktaxk: Tëtujkjaty ja kyë'ëwa'axy ma tu'ukpë ja kyë'ëjën ets näjyëtu'un ja tyekywyä'äxy,

Ester 8:17

Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Job 1:15

ko ajotkumonë të xytyukja'tës yë sabejë ja'ayëty ets të tmä'tsta'atë ja tsajpkaa ets tëë tyaj'ooktë ja tuunpëtëjk. Ëjtsyë të njake'eky etsës nikajpxa'any ma mijtsën mëti'ipë të tyuny të jyätyën.

Job 11:19

Nitii nëjkx mka'ëtsë'ëkëty, jotkujk nëjkx mpo'kxy mpëky. May nëjkx ja'ay mniminyë ets m'amëtowëtëty yë näypyutëkë.

Salmos 149:6

Mmëjpëjkta'aktë yë Dios mëët ja aaw ayuk, kajpë'ëktë yë mtëypyujxnëty mëti'ipë jëjpën mäjtskpa'a

Salmos 149:8

ets xykyë'ëtsum xytyekytsyumtëty ja yajkutujkpëtëjk ets ja ja'ayëty mëj'äämpyë y'itën mëët ja pujxntä'äky je'emtyëtypë

Éxodo 11:8

E ya'atë wintsëntëjkëty nëjkxëp jää xynyimintës ets koxtänë nëjkx kya'atë ets xy'ënëëmëtëtyës: Tun yë mëyajtën, nëjkxtë ets woownëjkxta'atë tëkokyë yë mja'ay. E ëjts ka'apës jää ntsojktsoona'any pën ka'ap ënety jëtu'un tyunyë jyätyë. Yë Moisés yajxon ënety të jyoot'anpëky, ko ojts jap tsyo'onë ma ja mëj'ënä'ämpën.

Isaías 10:33

Ixtë ja Wintsën mëti'ipë maaytyääyëpën winë, ixtë wi'ix tyajkëtayën mëjëtypë kepy; awäx tukwäxë yë kepy jyajta'ay ets jëtu'un nyaaxkëtakta'ay.

Isaías 18:1

Janty mon janty tuk yajpaaty ja naax kajpn ma yajmëtoyën y'amu'uy ja uux, ma ja kajpnën jampë yajpaatyën Etiopíë nëë awinaxy,

Isaías 18:7

Jä'ä xëëw nëjkx ja ja'ayëty tuknimintë ja wintsë'kën ja Wintsën mëti'ipë maaytyääyëpën winë, ja ja'ayëty mëti'ipë yenyëtyën ets mëti'ipë wyääy kyopk të'kxtëpën jajtëpën, mëti'ipë kutsë'ëkëtyën oymyaajëty, ja jotmëk kajpn ets mëjpë, mëti'ipë nëë'itkujky yajpatpën. Nëjkxëp yajwoowmintë jam Sión. Ma yaj'ëwtatyën ja Wintsën mëti'ipë maaytyääyëpën winë.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Isaías 19:22

Oy nëjkx ja Wintsën t'ëkyajtsëtyuty ja Egiptë kajpn, nyijootwinpitäämpy jatëkok, pya'ëyoowäämpy ets yajtso'okäämpy.

Isaías 23:18

E ja wit meeny mëti'ipë ënety të tpaaty të t'ixyën, jä'ä nëjkx ja Wintsën yajtukmëyoxy, ka'ap nëjkx yajpëjkë'ëk; yë'ë yajmo'ojantëp ja ja'ayëty mëti'ipë myëtuuntëpën ja Wintsën ets tukjuytyëty yë kyääky y'uukyëty ets wyit tyujkxyëty.

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Isaías 44:8

Miitsëty jotkujk itë këtii nëkoo mtsë'ëkëtë mjawëtë. Ëjts jëtu'unës ojts n'ëna'any ets jëtu'unës ojts nikäjpxy tëëyëp, miitsëty ojts xy'ixtë xynyijawëtë. ¿Ëkë wä'än jää wiinkpë Dios jëtu'unpë tä ëjtsënë? Ka'ap yowë jää ma wiinkpë tsoktakn, ka'apës ma wiinkpë n'ëknija'awënë.

Isaías 45:24

ets y'ëna'ana'antë: Yi'iyë tu'uk yë Wintsën yajmëtakp, yë'ë nätyu'uk mëk'ajtën myëët'ajtyp. Tëkokyë nu'unës ënety xymyëtsip'atën, nëxi'iky tukxi'iky wyë'ëma'antë.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Isaías 54:3

jä'ä ko mijts anajny aka'any mkëjääjëja'any; yë m'u'unk m'ok nëjkxëp ja naax kajpn may tniwa'aktë ets nëjkxëp twintsëna'ayëtya'atë yë it naaxwiinyëtë mëti'ipë tyam aanë'ëk tëëtsë'ëk yajpatpën.

Isaías 55:5

Nëjkxëp xyajminy wiinkëtypë naax kajpn mëti'ipë ënety ka'ap të xy'ixy'ätyën ets ja naax kajpn ka'apë m'ixy'ätyën, pëyi'ikyë nëjkx mniminyë, jä'ä ko mëti'ipë Wintsën'ajtpën, ja wa'ats Dios, mëti'ipë jam yajpatpën ma Israel kajpnën, tëë nyajmëjnaxy.

Isaías 60:3

Nëjkxëp ja wiinkëtypë ja naax kajpn tnimintë ja mtë'kxën mjajën, ja yajkutujkpëtëjk nyiminantëp ja mxëënyajtën.

Isaías 61:9

Ja y'u'unk y'okëty akäjpxy nëjkx muum y'itë ma naax kajpnën; tëkokyë mëti'ipë y'ijxtëpën nyija'awëtëpën tääpë kajpn, nëjkxëp y'ëna'antë ko tääpë kajpn mëj këjää yë Wintsën të kyënu'kxyë.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Ezequiel 23:42

Jëtu'un yajmëtoownë tä ja'ay xyëëwtunyën ko ya'axtë jyoktë; jä'ä xiktëp ëwë'ktëp ja ja'ayëty mëti'ipë ënety jam të tsyoontën të'ëts'itjotm, mëti'ipë ja to'oxytyëjk y'oytyuuntëpën ko tpëjktakëtë ja oyëtypë ja kyë'ëjän ets ja kyujän.

Ezequiel 31:3

Jëtu'un tä yë ciprés kepyën ëkë ajë kepyën mëti'ipë jam Líbano, janty'oy xye'enty kyëxë'ëky, mëj nyinikë jam yukjotm, këjxm, jampaat jyëjp jyä'ty ma yootsën.

Joel 3:8

Ntookäämpyës yam yë m'u'unk m'ëna'këty ma jutië ja'ayëtyën ets yë'ë to'knaxtëty ma sabejë ja'ayëtyën, mëti'ipë wiink naaxwiinyëtë juuky'ajtëpën. Ëjts Wintsën, ëjts ënaanp.

1 Corintios 14:25

Jëtu'unts nëjkx yajnijawë mëti'ipë ënety jyotmay'äjtypyën jyootjoty wyinma'anyjoty ets ja Dios nëjkx twinkoxtänë ets tmëjjaw tjaantyjawëty ets nijawëty ko ja Dios yajpaaty ma miitsëtyën.

1 Tesalonicenses 1:9

Yë'ë kë'ëm nyimëtyaktëp wi'ixës ojts miits jotkujk xykyupëktën ets wi'ix të xy'ëxmatstën ja wiink tios ets xymyëpëjktë ja Dios juukpyë mëtëypyë

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.