Isaías 45:1 - Biblia Dc en Mixe de Quetzaltepec

¹ Ojts yë Wintsën tkënu'kxy yë Ciro ets yajkutukëty, kyë'ëkëjxy twijtsë'ky ets yajkutukëty ma ja naax kajpnën ets tpëjkëtya'ajëty ja yajkutujkpëtëjk mëti'ipë myëtsiptuuntëpën. Yë Wintsën ojts tyajkutuky ets tëjk'aaw y'ëwa'atsëty maajaty nyäxyën ma ja naax kajpnën ets ni pën kyamayëtëty tyaj'ëtukëty ja tëjk'aaw. Ets jëtu'un t'ënëmaay:

Biblia Mixe de Quetzaltepec

¹ Ojts yë Wintsën tkënu'kxy yë Ciro ets yajkutukëty, kyë'ëkëjxy twijtsë'ky ets yajkutukëty ma ja naax kajpnën ets tpëjkëtya'ajëty ja yajkutujkpëtëjk mëti'ipë myëtsiptuuntëpën. Yë Wintsën ojts tyajkutuky ets tëjk'aaw y'ëwa'atsëty maajaty nyäxyën ma ja naax kajpnën ets ni pën kyamayëtëty tyaj'ëtukëty ja tëjk'aaw. Ets jëtu'un t'ënëmaay:

Isaías 45:1 ပူးပေါင်းရင်းမြစ်များ

1 Reyes 19:15

Ënet ja Wintsën y'ënëmaayë: Nëjkx ets winpit jatëkok ma të minyën, jam të'ëts'itjotm ma txëëwatyën Damaskë. Nëjkx kënu'kx yë Hazael ets yë'ë jam y'ënä'ämëty Sirië,

Esdras 1:1

Ma ja Ciro mëtu'uk jëmëjt ëka'any y'ëne'emyën, jampë yajkutukyën Persië, jää ojts ja Wintsën ja y'aaw y'ayuk y'atëy; mëti'ipë ja Jeremías ojts tnikäjpxyën, Wintsën ojts kë'ëm t'ënëëmë yë Ciro ets tkajpxwa'kxëty ja aaw ayuk kajpn apëtsëmy, mëti'ipë ënaanpën:

Esdras 1:2

Jëtu'un ja Ciro y'ënä'äny mëti'ipë yajkutujkpën jam Persië: Yë Wintsën, mëti'ipë ijtpën tsajpjotm yë'ë ojts t'ëwa'atsy etsës ëjts njä'ä'atëty ja kutujktakn naaxwiinyëtë apëtsëmy e yë'ëtsës të xytyuk'ëne'emy etsës nkojëty tu'uk Tsyajptëjk jam Jerusalén, ma Judá y'itjotmën.

Job 12:21

Yë'ë yajkutujkpy ets wintsëntëjkëty ka'ap pën y'ëkwinkutsë'kënëtëty ets jëtu'unyë myoonkëtak tyujkëtaknëtëty mëti'ipë ënety amëk jotmëk näjya'awëtëpën.

Salmos 73:23

E ëjts ka'ap mijts të ntimy'ëxmatsy tu'ukyë, xëmë të nmëjwa'kpety. Ojtsës mijts xymyätsy mëët yë m'a'oykyë'ë,

Isaías 13:2

Tukyaax tukjokëtë ja tsip jam tunkëjxm kopkëjxm. Tuk'ëwaanëtë ja tsiptuunpëtëjk wä'än tnipëtë'ëktë ja myëtsip. Nasxajëtë ja mkë'ë wä'än nitëkëtë ja Wintsëntëjk.

Isaías 13:3

Tëës nmëkajpxmuky ja njotmëktëjkës, tëëjës ja ntsiptuunpëtëjk nmo'oy ja ënä'ämën, mëti'ipë tyukxoontaktëpën koos nmëtä'äky, ets tyajnaxtëty ja tëytyu'unën.

Isaías 41:13

Jä'ä ko yë mWintsën Dios, mkë'ëkëjxy mmajts'ityë; tëë n'ënëëmë ko këtii mtsë'ëkëty.

Isaías 41:2

Pën yajmiin tu'uk ja yajkutujkpë maatsow xëëw pyëtsimyën ets myëtäky? ¿Pën ojts ja naax kajpn myo'oyë ets tjä'ä'atëty, ets mëët ja tyiypyujxn tukpux tukka'atsëty ets aay pu'uxmën jyata'atëty kujy jëpipy?

Isaías 41:25

Ëjts ojts tu'uk ja'ay nyajminy jamtsow ma xëëw pyëtsimyën, xyëëw ojts ntukmëkäjpxyës ets ojts myiny jam anëkëjxmtsow, jëtu'un tä mo'ontsën të t'ateeny të tukteeny yë yajkutujkpëtëjk, jëtu'un tä yajtu'tskojpën tpiintä'äkyën yë mo'onts.

Isaías 42:6

Ëjts, mëti'ipës Wintsën'ajtpën, tëë nmëkäjpxy ets të nmatsy mkë'ëkëjxy, ets mijts mwa'anëty yaj'ëwaatsëpëtsëëmpë. Ëjts mijts të nyajkojy, yë'ë ntsojkpyës ets mijts m'ijxpäjtën'atëty maas mëët ja nnaax nkajpn ja käjpxytyu'unën të ntunyën ets mtë'kxëty mjajëty.

Isaías 44:28

Jëtu'unës n'ënëëmë yë Ciro: Tyampaat ka'ap ënety maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Isaías 45:5

Ëjts jëtu'un Wintsënajtp, kamaa wiinkpë jëtu'unpë tä ëjtsën, ka'ap ma wiinkpë Dios. Tëë nyaj'ijxpëky ets mtsiptunëty oyës të xykya'ixy'äty,

Isaías 48:15

Ëjts të n'ëna'any, ëjts të nmëkäjpxy, ëjts të nyajminy ets oy maa nyëjkxëty oy winë wyinpëtsëma'anxëty.

Jeremias 27:6

E yë ntuunpës Nabucodonosor, mëti'ipë jam Babilonyë ënä'ämpën, tëëjës ntukë'ëtëjkëtyä'äy tu'kë'ëyë naax kajpn ets aayjëyujk ujtsjëyujk ëwa'anëtypë.

Jeremias 43:10

ets xy'ënëëmëtëty: Yë Wintsën, mëti'ipë maaytyääyëtëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Yë'ëjës nyajminäämpy yë ntuunpës Babilonyë yajkutujkpën ets y'ënä'ämtakn npëjkta'akanës ma yaa tsaa nitajy y'ityën.

Jeremias 50:3

Jam anëkëjxmtsow tu'uk ja naax kajpn tsyoona'any mëti'ipë nëjkx tyaj'awinpityën ja kajpn aanë'ëk tëëtsë'ëk. Nitu'uk yë ja'ay nëjkx jam kya'ëktsënaaynyë, yë'ëpaat aayjëyujk ujtsjëyujk ka'ap nëjkx jam y'ëkyajpatnë, ni'ikyë ja ja'ay kyäkta'aja'antë.

Jeremias 50:35

Jëtu'un yë Wintsën y'ënä'äny: Wä'än t'ooktë yë Babilonyë ja'ayëty, yë kyopktëjkëty ets wyijyä'äytyëjkëty.

Jeremias 51:11

Yë Wintsën yajkutëkoyäämpy yë Babilonyë kajpn, tëë yë Media yajkutujkpë tukmëtoy ya'atë ëyo'on jotmay. Jëtu'un ja Wintsën tukumëtowa'any ja naax kajpn ja nyëë pyoky, mëët ko ëxëëk të y'ëtë'ëtstë ma tsyajptëjkën. Nipëjktaakëtë ja ti'pxn. Mëk majts'itë yë m'akëëytyuk.

Jeremias 51:30

Yë Babilonyë tsiptuunpëtëjk tëë t'ëxmatstë ja tsiptuunk, jämyë të wyë'ëmtë ma kajpnën mëti'ipë ta'tspëky yajpatpën; tëë myëjaawkukëxëtë, jëtu'un tä to'oxytyëjkën. Tëë myëtsip tuktëjkëtya'atë ja naax kajpn ets tëë yë jyëën tyëjk tyooytya'atë.

Jeremias 51:58

Ëjts Wintsën mëti'ipë maaytyääyëpën winë, ëjts ënaanp: Yë mëjwiinpë ja potsy mëti'ipë yë Babilonyë kajpn nyapots'ajtypyën, jijta'ajaanp yë'ë; ets tooytya'ajaanp mëjëtypë tyëjkëtyakn. Natëkë naax kajpn mëk të tyuntë, yë jyot myëjaawëty jëën nëjkx yajkëjxta'ayë.

Ezequiel 29:20

Ëjts nyajkutukäämpy ets Nabucodonosor tnitëkëty yë Egiptë kajpn ets yë'ë tmëju'uny'atëty ko jam yë Tirë mëët tsyiptuny, jä'ä ko ëjts të xymyëtuny. Ëjts Wintsën, ëjts ënaanp.

Daniel 5:6

ënät tsyuxkëtyääy ets ja tsë'ëkë tyuktëjkëyë ets tyëjkëy tsëyuupë tu'kkuuytyänë.

Daniel 7:5

Ja mëmäjtskpë jëtu'un yaj'ixy tä osën, tu'kpa'a këjxm yaj'ixy ja nyini'kx, yë'ë y'akap'ajtyp tëkëëk yë jëwiits pajk; ets të nmëtoyës yaj'ënëëmë: Nëjkx mtsu'utsy, tii mtimytsyu'utsäämpyën.

Daniel 8:3

Jëkämës n'ixy, tu'uk yë kupixyny ayääkë jam nëëpë'am. Mäjtsk yë wyaj tmëëtëty, ok ënety tu'uk të myuxy je'eyëp jaakyeny ets ja kon ja myëku'uk.

Daniel 8:4

Të n'ixyës ko ja kupixyny ayääkë jamtsow ja wyaj tnajtstijë maatsow yë xëëw pyëtsimyën, ënëkëjxytsyow ets ëpa'tkë'ëytsyow ets nitu'uk ja jëyujk kyawinkuwa'akëty ets nitu'uk kyanäy'a'ixëty mëët tsyiptunëty. Jëtu'un tä

Nahúm 2:6

Ënet y'ëwatsta'ay ja nëë apojtsë'ëkypë ets jëtu'unyë wyimpajë'ëty ja kutujkëntëjk.

Nahúm 3:13

Yë mtsiptuunpëtëjk jëtu'un yaj'ixy aak to'oxytyëjk yowë; ma kajpn yajnitëkën ëwa'ats yajpaaty oy yë mëtsip jap tyëkëjanëtëty; jä'ä ko yë nyi'akaj tëë nyëtooytyä'äy mëët yë jëën.