Isaías 44:7 - Biblia Dc en Mixe de Quetzaltepec

⁷ ¿Pënës xy'ëkmëpaatëp? Wä'än tkäjpxy ets wä'än xytyukmëmëtyä'äkyës. ¿Pën ëka'any të tnikäjpxy mëti'ipë tunan jatanëpën, mëti'ipë miimp këtakpën?

Biblia Mixe de Quetzaltepec

⁷ ¿Pënës xy'ëkmëpaatëp? Wä'än tkäjpxy ets wä'än xytyukmëmëtyä'äkyës. ¿Pën ëka'any të tnikäjpxy mëti'ipë tunan jatanëpën, mëti'ipë miimp këtakpën?

Isaías 44:7 ပူးပေါင်းရင်းမြစ်များ

Isaías 41:26

¿Pën ojts tëëyëp tnikäjpxy, ma winë tsyo'ontäkyën ets yajnijawëty? ¿Pën ojts tëëyëp t'akäjpxy ets yajwinjawëty ko mëtëy ojts jya'ëna'any? Nitu'uk miitsëty ojts wi'ix mka'ëna'antë, nitii ayuk ojts pën tkamëtoy mëti'ipë mkajpxtën.

Isaías 41:22

Min nikajpxtë mëti'ipë miimp këtakpën ets mëti'ipë të tyuny të jyätyën ets yajja'akyukëty; nikajpxtë tii tunan jatanëpën ets wi'ix jyëjpkëxa'anyën.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Hechos 17:26

Dios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Isaías 43:12

Jëtu'un ja Wintsën y'ënä'äny: Tëës nikäjpxy ets tëëjës ntukyaax ntukjokë, ëjts të nyajnitso'oktë; ka'ap wyiink tiosëty, tam ja ja'ay nmëëtëtyës mëti'ipë të t'ixtën.

Isaías 43:9

Tu'ukmujkta'atë naax kajpnëty, tu'ukmujkta'atë mëj it mëj naaxwiinyëtë. ¿Pën ja jëtu'unpë të t'akäjpxy, ëkë pën ojts nikäjpxy tii tëëyëp tuunëp jajtëp? Wä'än tyajmintë ja jyä'äy pën të t'ixyën ets nikajpxëty wä'än tyajmëtoy ja tëyajtën.

Isaías 41:4

¿Pën ya'atë jëtu'unpë të tuny të tkäjpxy? ¿Pën të tyajkutuky ets winë tyunëtëty naaxwiiny naaxkëjxy, tyimtso'ontäky ets tyampaat? Ëjts, mëti'ipë Wintsën'ajtpën, tu'kpajkpë ja Dios, xëmëkyëjxmëpë y'ityën.

Deuteronomio 32:8

Tëëyëp, yë Dios Ni'ik Këjxmëpë, ojts tyajwä'kxy yë naaxwiinyëtë, ets näjyëtu'un yë naax kajpn, ko ojts tyajnämyä'kxyë, ënät ojts tpëjktä'äky ja nyitsëpa'an. E ja Israel ja'ayëty ka'ap ojts tja'atyëkoy, ni'ikyë tsojky tja'awëy.

Isaías 41:23

Tuk'ëwa'anëtyëk ëëtsëty tii nëjkx ok tyunyë jyätyën, ëkyajnikëxë'ëk ko miitsëty mjanty tios'atë. Ëktuntë tii winë, wä'än t'ixy pën oy ëkë pën ëxëëk pyëtsimy, yë'ë mëti'ipë mëpaat yajtsë'ëkën.

Isaías 19:12

¿Ma ënät ja m'ijxpëky ja'ayëty, mijts faraón ets myaj'ijxpëkëtëty ets mtuk'ëwaanëtëty mëti'ipë yë Wintsën të tuknipëjktaakën ma mijtsën Egiptë?