Isaías 44:6 - Biblia Dc en Mixe de Quetzaltepec

⁶ Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Biblia Mixe de Quetzaltepec

⁶ Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Isaías 44:6 ပူးပေါင်းရင်းမြစ်များ

Isaías 41:4

¿Pën ya'atë jëtu'unpë të tuny të tkäjpxy? ¿Pën të tyajkutuky ets winë tyunëtëty naaxwiiny naaxkëjxy, tyimtso'ontäky ets tyampaat? Ëjts, mëti'ipë Wintsën'ajtpën, tu'kpajkpë ja Dios, xëmëkyëjxmëpë y'ityën.

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Apocalipsis 22:13

Ëjts tso'ontakp, ets ëjts jëjpkëjxp.

Isaías 44:8

Miitsëty jotkujk itë këtii nëkoo mtsë'ëkëtë mjawëtë. Ëjts jëtu'unës ojts n'ëna'any ets jëtu'unës ojts nikäjpxy tëëyëp, miitsëty ojts xy'ixtë xynyijawëtë. ¿Ëkë wä'än jää wiinkpë Dios jëtu'unpë tä ëjtsënë? Ka'ap yowë jää ma wiinkpë tsoktakn, ka'apës ma wiinkpë n'ëknija'awënë.

Isaías 48:17

Jëtu'un yë Wintsën y'ënä'äny, mëti'ipë myajpëtsëëmëpën ëyo'ontum, yë Dios wa'atspë jampë yajpaatyën ma Israel kajpnën: Ëjts jëtu'un Tios'ajtp mëti'ipë mWintsën'ajtypyën, yë'ë ntukni''ijxëp mëti'ipë mtuk'oy'atëpën, jam nwoownëjkxy ma ja tu'ujën mëti'ipë mëpaat xye'eyën.

Isaías 48:12

Ëkmëtoowkës, mijts Israel, miitsëty Israel ja'ayëty mëti'ipë Jacob nyaax'ajtyp kyajpn'ajtypyën, mëti'ipës kë'ëm të nmëkäjpxyën: Ëjts jëtu'un tu'uk Tios'ajtp, ëjts jëtu'un jekyëp tso'ontakp ets tyampaat ëjtsyëm ijtp.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.

Isaías 44:24

Jëtu'un yë Wintsën y'ënä'äny mëti'ipë të myajtso'okyën ets të myajkojyën ma ënety ka'anëm mminyën naaxwiiny: Ëjts mijts xyWyintsën'ajtp, mëti'ipë winë të tyajkojyën, ëjts nwijtstëëw yë tsajp ets ëjts ojts nyajkojy yë naaxwiinyëtë, ni pënës ojts xykyaputëkë.

Deuteronomio 6:4

Mëtoow'it, ënät tyam mijts Israel ja'ayëty: Yë nWintsën'ajtëm Dios tu'ukyë je'eyë Wyintsën'aty.

Deuteronomio 4:39

Paaty n'ënëëmëtë ko yajxon xyajkëpajkpätëty, ko yë Wintsën yë'ë Tios'ajtp oy jyamëty tsajpjotm ets yaa naaxwiiny ets jëtu'un tä yë'ëjën ka'ap maa wiinkpë.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 37:16

Wintsën, mëti'ipë maaytyääyëpën winë, ja Israel ja'ayëty ja Tyiosëty mëti'ipë jam ja y'ënyääytyakn myëët'ajtypyën itkujky ma ja Dios kukexyëtyën, mijts tu'ukyë mTios'ajtp ma nitëkokyë yajkutujkpën naaxwiiny naaxkëjxy. Mijts të xyajkojy yë tsajp ets naaxwiinyëtë.

Deuteronomio 4:35

Tëkokyë ya'atë, paaty kyëjxm të myajtuk'ixtë ets xynyijawëtëty, ko yë Wintsën yë'ë tu'uk Dios mëtëypyë ets jëtu'un tä yë'ëjën ka'ap maa wiinkpë.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Apocalipsis 2:8

Yë'ë yajnija'ayëp yë tsajpjotmëtë kukäjpxy jampë yajpaatyën Esmirna: Jëtu'un y'ënä'äny mëti'ipë tso'ontakpën ets mëti'ipë tyukjëjpkëjxypyën, mëti'ipë o'kën ets mëti'ipë të jyuukpyikyën jatëkok.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Dios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Malaquías 1:14

Poky yë ja'ay wyi'imy, mëti'ipë ënaanpën ko oypyë jëyujk xytyukwintsë'ëkëja'anyës ets jä'ä xytyukwintsë'këpës mëti'ipë ka'ap y'oyëtyën myëkëtyën. Ëjts yajkutujkpë'ajtp ets aak xytsyë'këpës yë naax kajpn. Jëtu'un y'ënä'äny yë Wintsën mëti'ipë maaytyääyëpën winë.

Jeremias 50:34

E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.

Isaías 59:20

Jëtu'un myina'any tä tu'uk yajnitsokpën, jam ma Sión kajpnën ets ma Jacob y'u'unk y'okën ets ma nitëkokyë ja'ayëty mëti'ipë jootwinpijtëpën.

Mateo 27:37

Jam kyëpajkëjxm ojts tkëxja'atë tu'uk ja ayuk mëti'ipë yaj'ënantëpën: Ya'atë jëtu'un Jesús, mëti'ipë jutiiyës ja'ay yajkutujkpë'ajtëpën.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

Isaías 41:21

Yë Wintsën, mëti'ipë Jacob kyutujkpë'ajtypyën, jëtu'un y'ënä'äny: Mintë miitsëty awinaxëty, ets mnanyikajpxtu'utëtëty, min nikajpxtë wi'ix mëpaat ka'ap ëxëëk mjatë mkëpätën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

Salmos 86:10

Jä'ä ko tu'uk mijts mTiosëty, e mijts janty mëj ets mëj këjää yë mëj'ajtën xyaj'ixyë.

Isaías 63:16

Mijts ëëts nTeety'ajtëp. Oy yë Abraham xykya'ixkaptës, ets oy yë Israel ja'ay xykyaja'amyätstës, mijts Wintsën, mijts ëëts nTeety'ajtëp; mijts ëëts xëmë të xyaj'ëwaatsëpëtsëmtë.

Isaías 40:18

¿Tii mëët xy'ëk'ijxkijpxtëty yë Dios? ¿Wi'ix ja y'awinax xy'ëkyajkojëtëty?

Isaías 43:9

Tu'ukmujkta'atë naax kajpnëty, tu'ukmujkta'atë mëj it mëj naaxwiinyëtë. ¿Pën ja jëtu'unpë të t'akäjpxy, ëkë pën ojts nikäjpxy tii tëëyëp tuunëp jajtëp? Wä'än tyajmintë ja jyä'äy pën të t'ixyën ets nikajpxëty wä'än tyajmëtoy ja tëyajtën.

Jeremias 10:1

Mijts Israel kajpn, mëtoow'it ya'atë aaw ayuk, mëti'ipë yë Wintsën mtukmëtowanëpën.