Isaías 44:3 - Biblia Dc en Mixe de Quetzaltepec

³ Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Biblia Mixe de Quetzaltepec

³ Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Isaías 44:3 ပူးပေါင်းရင်းမြစ်များ

Joel 2:28

Ko ënety jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Hechos 2:17

Ko ënety ja naaxwiinyëtë kyëxanë, jääjës ja ja'ay ni'ëmukë nmo'oja'any ja njot nja'awën. Miits ja mnëëxëty, mmaankëty kyajpxtëp myëtya'aktëp ja n'aaw n'ayukës. Ja myä'äy'ëna'këty y'ixtëp ja mëti'ipës ënety ntuk'ixantëpën, ets ja mëjja'aytyëjkëty nëjkxëp mya'atë pyo'ktë oy tsuj.

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Proverbios 1:23

Ja'aykyukëtë yajxon mëti'ipës yam nkajpxtëtäkpyën ets nmo'otëty ja nmëk'ajtën n'oyajtënës, e jëtu'unts yajxon xywyinjawëtëty mëti'ipës nwinma'any'äjtypyën.

Apocalipsis 21:6

Ënet xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

Hechos 2:39

Miits yë Dios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Ezequiel 39:29

Ka'apës nëjkx njëxk n'ëkja'atyëkooyëtë, jä'ä ko tëëjës yë nmëjajtën nyajnaaxkëtä'äky ma Israel kajpnën. Ëjts Wintsën, ëjts ënaanp.

Isaías 32:15

E ja Wintsën ja myëk'ajtën, mëti'ipë winë yajkojpyën minaanp jatëkok ma ëëtsajtëmën ets nëjkx ja itjot aanë'ëk tëëtsë'ëkpë y'awinpity jë'kxy naaxjot ets nëjkxëp jam winë y'ity wyintëy.

Hechos 10:45

Ja mëpëjkpëtëjkëty mëti'ipë ja Judá ijxpëjkën mëpëjkën tyuk'ijtëtyëpën, mëti'ipë ënety ja Pedro mëët të jya'tën, jä'ä ojts mëj'ixy t'ixtë ko ja'ayëty yajmo'otë ja Kënu'kxymyëkajtën mëti'ipë ka'ap jyutiis'atën,

Salmos 107:35

yaj'awinpijtyp yë të'ëts'itjot, nëëmejy; ets të'ëtsnaax, nëëjot;

Isaías 41:17

Yë ëyoopëja'aytyëjk nëkooyë nëë t'ijxtaaynyëtë ets ka'ap maa tpaatë. Tëë ja yyä'än tyëtstaaynyëtë mëët ja tëëtsë; ëjts maas nWintsën'atyën npa'ëyowantëpës yam; ëjts, mëti'ipë yë Israel ja'ay y'ëwtajtëpën, ka'apës n'ëxmatsa'antë.

Joel 3:18

Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Ezequiel 34:26

Jamës yë nkupixyny nyajtänëja'any maas yë nkopkën wa'atspë etsës nkënu'kxa'antë; yë'ëjës ntuknikäxantëp ja nëë tuu mëti'ipë kënu'kxën yajkëtäkpyën ma ënety mëtëy myëyätyën.

Isaías 61:9

Ja y'u'unk y'okëty akäjpxy nëjkx muum y'itë ma naax kajpnën; tëkokyë mëti'ipë y'ijxtëpën nyija'awëtëpën tääpë kajpn, nëjkxëp y'ëna'antë ko tääpë kajpn mëj këjää yë Wintsën të kyënu'kxyë.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Isaías 48:21

Oy ojts jyanaxtë jam të'ëts'itjotm, ka'ap nëëtëëtsë tmëët'ajtë; jä'ä ko Dios ojts yë nëë tyajpëtsëmy tsaajoty, je'eyë ja tsaa tjëkëëy ets jap ja nëë tyajpëtsëëmy.

Isaías 65:23

Ka'ap ja tuunk nyatëkë'atëty, ko ënety ja u'unk ëna'k myëxu'unk'atë, ka'ap nëjkx yajpoktë, kënu'kxy ja Wintsën yaj'ita'anëtë, kënu'kxy nëjkx y'itë y'u'unk y'ëna'këty.

Salmos 63:1

Dios mëti'ipës nTios'ajtypyën, mijts nTiosniwäämpy, jëtu'un nyajmëyäty tä yë ja'ay nyëtëëtsën; tëkokyë yë njot nini'kxës mijts myajmëyajtëp, jëtu'un tä yë të'ëtsnaax nëë tyajmëyätyën.

Isaías 49:10

Ka'ap nëjkx yuu nëëtëtsë xymyëët'atë, oy mëk y'anëty, miitsëty ka'ap mni'ana'antë, jä'ä ko ntsojktëp nja'awëtyëp ets nwoownëjkxantëp ma ja nëë myuutyën.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Mateo 12:43

Ko tu'uk ja ku'oypyë t'ëxmatsy ja ja'ay ets nëjkx jyëtity të'ëts'itjotm, t'ixta'ay ja po'kxtakn, ets ko tkapaaty tä myäy tyäjy:

Job 5:25

May nëjkx xymyëët'aty yë m'u'unk m'ok, jëtu'un yaj'ixëty aay ujtsën kamjotypë yajpaatën.

Isaías 48:19

nimay jeexyë ja m'u'unk m'oknë, tä nëë ajinën, ka'apë tjëkyepyën nmëtyo'owmëty, ka'ap jeexyë të nyajkutëkoytyë, ni'ikyë jeexyë të ni''ijxkëta'aktë.

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Ezequiel 36:27

Mpëjkta'akäämpyës jap ma miitsëtyën ëjts yë njot nwinma'any ets xypyatuntëty ja n'ënä'ämënës ntëyajtënës ets ja mëti'ipës të nkäjpxyën;

Ezequiel 47:8

Ënätës xy'ënëmaay: Ya'atë nëë jamtsow nyijkxy xëëwpëtsëmtsyow ets jam nyäxy ma Jordán mëjnëëjën, tyimja'ty jam ja Ookpyë Mejyën. Ko jam jya'tëty pa'ak yë mejy y'awinpita'any.

Oseas 10:12

Tëë n'ënëëmëtës: Yë'ë oypyë nipaye'eyën ni'iptë ets xyajmuktëty yë nätsyok näjyawë. Nipëjktaakëtë yë naax ets xynyi'iptëty jemypyë tëëmt, jä'ä ko yë'ë nyixëëw'ajtyp ets Wintsën yaj'ijxta'ajëty, koonëm tyajminëty ja nitsokën ma miitsëtyën tä nëë tuujën.

Miqueas 5:7

Ja kajpn ja itkujkpyë, ja Jacob ja y'u'unk y'ok mëti'ipë ënety të jyaakwë'ëmtën, jëtu'un nëjkx nyaxtë tä maanikën mëti'ipë kyejxypyën yë Dios, tä tuupojën mëti'ipë ujtskëjxy ka'apën, mëti'ipë ka'ap yë'ëjëty ja'ay tuknipëjktaakën.

Isaías 27:3

Ëjts Wintsën, ëjts nkëwent'ajtyp ets ëjts xëmë nyajxo'kpy. Xëëny kootsës nkëwent'aty këtiipë tsyë'ëtsëty wyintëkoyëty.

Joel 2:27

miitsëty Israel ja'ayëty, kopkpëky ko nëjkx xy'ijxpaatës ko ëjts Tios'ajtp ets ka'ap maa wiinkpë. Nijëna'a yë naax nkajpnës nëjkx kya'ëktsëtyuun kya'ëkjaaypyäjnë.

Joel 3:1

Ko ënety tpaaty tääpë xëëw jëmëjt, jëtu'un yë Wintsën y'ënä'äny: nyajtëkatsäämpyës yë Judá ja'ayëty ets Jerusalén ja'ay jyuuky'ajtënëty.