Isaías 44:23 - Biblia Dc en Mixe de Quetzaltepec

²³ Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Biblia Mixe de Quetzaltepec

²³ Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 44:23 ပူးပေါင်းရင်းမြစ်များ

Salmos 69:34

Mëjjawë jaantyjawë yë Dios y'itëty jam tsajpjotm, naaxkëjxy ets nëëjoty, ets maajaty yajpaatyën yë juukyajtën.

Jeremias 51:48

Yë tsajp ets naaxwiinyëtë ets tëkokyë jënu'un winë yajpaatyën ma yë'ëjëtyën, nëjkxëp tukxoonta'aktë ko ënety ja Babilonyë kajpn të kyuka'anaxy, ko ënety myintë jam anëkëjxmtsow mëti'ipë yajkutëkoyanëpën. Ëjts Wintsën, ëjts ënaanp.

Isaías 49:3

Ets xy'ënëmaayës: Mijts Israel, mijts ntuunpë'ajtyp, mëët mijtskyëjxm, ja nmëj'ajt n'oyajtënës të nyajkëxë'ëkyës.

Isaías 49:13

Janty xoontaktëp, janty ëëw janty yaxtëp jam tsajpjotm, näjyëtu'un naaxwiiny naaxkëjxy, jää'ajtp ja akujkajtën jotkujk'ajtën. Jam tunkëjxm kopkkëjxm wä'än jam t'ëwtë tya'axtë, jä'ä ko tëë ja Wintsën ja nyaax kyajpn tyajtso'oky ets të tyajjotkujkë, tëë tuknipëjktaakë ko tpa'ëyowa'any ja ëyoopëja'ay.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Apocalipsis 12:12

Itë akujk jotkujk, miitsëty mëti'ipë ijtëpën tsajpjotm. Je'eyëp ko miitsëty ja'ayëty mëti'ipë tsënaaytyëpën mejypyë'aay, mon tuk myajpaatë, jä'ä ko tëë ja ku'oypyë mniminëtë a'äkë, ko të tnijawë ko wäänë ja tiempo tjaakmëët'aty.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

Efesios 3:21

Mëj'äämpy ja Dios nyäxy ma ja mëpëjkpëtëjkëtyën ets ma ja Kristë Jesusën, winë xëëw winë jëmëjt ets xëmëkyëjxm. Oy jyëtu'un'atëty.

Ezequiel 36:8

E miitsëty tun kopkëty, mëti'ipë yajpatëpën ma Israel ja'ayëtyën, ujts nëjkx myajpaatë mëët ja aay kepy mëjjëtypë mëti'ipë tëëmpäjtpën mëti'ipës yë nnaax nkajpn nëjkx tjë'kxtë, tëëpë timy pyäätyën wyimpitëty.

Ezequiel 36:1

E mijts ye'etyëjk, mëmëtya'ak yë tun kopk ëjts nxëëwkyëjxmës, mëti'ipë jam ma Israel ja'ayëtyën ets xy'ënëëmëty ko wä'än tmëtoow'itë yë n'aaw n'ayukës.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 26:15

Mijts Wintsën, mijts ja naax kajpn të xyajyeeky; tëë xyajmëjë ets yë'ë tyajnikëxë'ëkëty ja mmëj'ajt m'oyajtën, tëë xyajkëjääjëtyä'äy nitëkokyë ja naax kajpn ja nyaax tsyëpa'an.

Salmos 148:7

Mmëjpëjkta'aktë yë Wintsën yaa naaxwiiny, jëyujk mëjpë mëti'ipë mejyjoty yajpatëpën, jap këknëëjoty.

Ezequiel 39:13

Aakyë'ë ja'ay tyuunk'atantëp aak o'kpë yajnaaxtëkëjantëp ets oy nëjkx nyäyjyawëtë. Jä'ä xëëw ëjts nëjkx nmëjnaxy. Ëjts Wintsën, ëjts ënaanp.

Efesios 4:9

¿E wi'ix jëtu'un nyiwijy ko y'ënä'äny ko pya'tëjkëy tsajpjotm? Jä'ä jëtu'un yajwinjawë ko jëwyiin të kyëtä'äky naaxwiiny.

1 Crónicas 16:31

Wä'än ja tsajp ets ja naaxwiinyëtë txoonta'aktë. Wä'än ja aaw ayuk tyajmëtoy ma tëkokyë ja mëj naax mëj kajpnën: Yë Wintsën yë'ë ënä'ämp yajkutujkp.

Salmos 65:13

Ma yë joyjyotën tam jyätyë tsajppax ets kupixyny, tam näjyëtu'un tsajpmok kam, xoontakp yajjawë yë jot winma'any ko jam winë yajpaaty.

Salmos 148:9

Tun, kopk. Aay kepy, mëti'ipë tëëm'ajtpën ets mëti'ipë ka'apën.

Isaías 12:5

Win'ëwtë yë Wintsën, jä'ä ko tëë tuny tkäjpxy ja mëjwiinpë këjääpë mëti'ipë mëpaat yajnijawën ma tu'kë'ëyë it naaxwiinyëtën.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 43:7

tëkokyë mëti'ipës yë nxëëw nyija'awëtëpën, mëti'ipës të nkojy të nmä'kxyën, mëti'ipës të nyajkojy të mpëjktä'äkyën koos nmëët'aty ja mëj'ajt oyajtën.

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Isaías 52:9

Tukyaax tukjokëtë ko të mmëta'aktë, mijts Jerusalén kajpn ma axit ako'owë të myajpaatyën, jä'ä ko tëë yë Wintsën tpa'ëyoy yë nyaax kyajpn ets tëë tyaj'ëwaatsëpëtsëmy yë Jerusalén kajpn.

Jeremias 31:11

Yë Wintsën tëë tyajtso'oky yë Jacob yë nyaax kyajpn, tëë tyajpëtsëmy jam ma ja mëkpë ja naax kajpnën.

Ezequiel 35:14

Paatyës n'ëna'any, ëjts Wintsën: Tëkokyë naaxwiinyëtë xyoonta'aka'any ko mijts nyajkutëkoyëty.

Éxodo 18:9

Yë Jetró mëk tukxoontäky, wi'ix ënety ja Dios ja y'oyjyot y'oywyinma'any të tyajnikëxë'ëkyën ma ja Israel ja'ayëtyën, ko ënety jap të yajpëtsëmëtë ma ja Egiptë ja'ayëty të kyë'ë'ampëkëtën,

1 Crónicas 16:32

Wä'än ja juukymyejy t'ëëty tkomy ets tëkokyë mëti'ipë jap yajpatpën. Wä'än ja naax kam oy tkëxë'ëktë ets tëkokyë mëti'ipë jam yajpatëpën.

1 Crónicas 16:33

Wä'än ja mëto'owën ja oypyë xoontä'äkpyë tyajmëtoy ma ja yukjotmën Wintsën wyintuuy, mëti'ipë ënä'ämpën ets yajkutujkpën naaxwiiny.

Salmos 69:35

Dios yë'ë yajtso'okäämpy yë Sión kajpn ets tkoj'oyëja'any jatëkok yë nyaax kyajpn yë Judá. Yë y'u'unk y'ëna'k yë tyuunpëtëjk, yë'ë tyukumayäämpy yë naax kajpn; jam tsyëënëtëty jyuuky'atëty ets yë'ë jam winë jyä'ä'atëp; tëkokyë jënu'un tmëjjawëtën yë xyëëw, yë'ë nëjkx jam y'itë tsyëënëtë.

Salmos 89:13

Yë mmëkajtën maayëp winë, yë m'a'oykyë'ë mëk yë'ë ets mëtakp oymyaajëty.