Isaías 44:2 - Biblia Dc en Mixe de Quetzaltepec

² Ëjts jëtu'un Wintsënajtp, mëti'ipë ojts myajkojyën, mëti'ipë ojts m'oytyunyën ka'anëm ënety mëxu'unk'atynyëm ets mëti'ipë mputëjkëyëpën. Këtii mtsë'ëkëty mijts Jesurún, mëti'ipës të nwin'ixyën.

Biblia Mixe de Quetzaltepec

² Ëjts jëtu'un Wintsënajtp, mëti'ipë ojts myajkojyën, mëti'ipë ojts m'oytyunyën ka'anëm ënäty mëxu'unk'atynyëm ets mëti'ipë mputëjkëyëpën. Këtii mtsë'ëkëty mijts Jesurún, mëti'ipës të nwin'ixyën.

Isaías 44:2 ပူးပေါင်းရင်းမြစ်များ

Jeremias 1:5

Ka'anëm ënety juukyajtën nmo'oynyëm ko ojts nwin'ixy, ka'anëm ënety mminyëm naaxwiiny ko ëpëky npëjktäky; yë'ë ojts ntukniwë'ëmë ets m'itëty käjpxynyajxpë ma naax kajpnën.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 44:24

Jëtu'un yë Wintsën y'ënä'äny mëti'ipë të myajtso'okyën ets të myajkojyën ma ënety ka'anëm mminyën naaxwiiny: Ëjts mijts xyWyintsën'ajtp, mëti'ipë winë të tyajkojyën, ëjts nwijtstëëw yë tsajp ets ëjts ojts nyajkojy yë naaxwiinyëtë, ni pënës ojts xykyaputëkë.

Isaías 43:7

tëkokyë mëti'ipës yë nxëëw nyija'awëtëpën, mëti'ipës të nkojy të nmä'kxyën, mëti'ipës të nyajkojy të mpëjktä'äkyën koos nmëët'aty ja mëj'ajt oyajtën.

Isaías 49:1

Mëtoow'ijtëkës yë n'aaw n'ayuk, miitsëty naaxëty kajpnëty ninu'un myajpaatën mejypyë'aay; mëtoow'itë yë n'aaw n'ayukës miitsëty naax kajpnëty jëkämpë yajpaatën: Ka'anëmës ënety nminyëm naaxwiiny koos yë Wintsën ojts xymyëkäjpxy; nxëëwës ojts xytyukmëkäjpxy ma ënety jap nyajpaatynyëmës ntaakës jyootjoty.

Efesios 1:4

Dios të xywyin'ijxëmë ko ja Kristë të nmëpëjkëmë naamka'anëm ënety ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

Salmos 71:6

Tapnëmës ënety nyajpaaty ntaakës jyootjoty ko mijts ntukjotkujk'aty. Mijtsës ojts xyajminy naaxwiiny paaty mijts xëmë nmëjpëjkta'aka'any.

Isaías 43:21

ja naax kajpn mëti'ipës të nyajkojyën ets nimëtya'akëty ja nmëj'ajtënës.

1 Tesalonicenses 1:4

Mëku'uktëjkëty, mtsojkëtëp ja Dios ets nija'awëtëpës ko Dios të mwin'ixëtë,

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Hebreos 4:16

Tsojk nmëwinko'onëm ja Dios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënety tii nyajmëyajtëmën.

Isaías 44:21

Israel kajpn, mëti'ipë Jacob kyajpn'ajtypyën, ja'amyäts ko mijts nkajpn'ajtyp; mijts ntuunpë'ajtyp, ëjts mijts të nyajkojy. Israel kajpn, këtiis xyjyä'äytyëkoy.

Salmos 46:5

Dios yë'ë jam itkujky ijtp ets yë'ë kyuwäämpy; Dios yë'ë putëkëjanëp ko xëëw po'o tsyo'onta'akëty.

Isaías 43:5

Këtii mtsë'ëkëty, ëjts mijts nkuwa'anäämpy. Wä'än tjamëty ma xëëw pyëtsimyën ets ma xëëw kyëtä'äkyën; nyajwinpitäämpyës jatëkok yë mja'ay ets jatëkok tyu'ukyëtëty.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Deuteronomio 33:5

ets jam'ajt ja yajkutujkpën Jesurún, ko ye'eymyujktaaytyë ja mëti'ipë nyikopk'ajtëpën ja kyajpn, ko ye'eymyujktaaytyë ja Israel ja'ayëty.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Deuteronomio 33:26

Ni pën tkamëpaatëty yë Dios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Isaías 41:8

Mëtoow'itë ya'atë aaw ayuk, miitsëty Israel ja'ayëty, mëti'ipë Jacob nyaax'ajtyp kyajpn'ajtypyën, ja ntuunpës mëti'ipës të nwin'ixyën, ja naax kajpn ma tsyëënëtën ja nmëku'ukës Abraham ja y'u'unk y'ok.

Isaías 45:11

Yë Wintsën, Wa'atspë yajpaatyën ma Israel kajpnën, mëti'ipë Israel të yajkojyën, jëtu'un y'ënä'äny: ¿Miitsëty yë'ëjës xyajtëwantëp wi'ix ja n'u'unk n'ëna'kës nyajyeeky nyajpetyën, ëkë yë'ëjës xytyukni''ixëjantë wi'ixës winë ntunëtyë?

Isaías 49:5

Tëës yë nkuma'ayën xymyo'oy yë Wintsën, jä'ä ko yë'ëjës të xymyëjaawmo'oy. Dios ojts xyajkojyës jap ntaakës jyootjoty etsës nmëtunëty ets ja Israel ja'ayëty, ja Jacob ja y'u'unk y'okëty wyimpitëty ets tpuwa'akëtëty yë Wintsën.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.