Isaías 44:17 - Biblia Dc en Mixe de Quetzaltepec

¹⁷ Ja kepy mëti'ipë natëjkëpën, tääts ja awinax yajtuktsätsa'any ets ja ja'ay t'ëwtatëty ets tmëjëëytya'ak tmënu'kxta'aktëty, twinjë'ë twinya'axtëty, t'ënëëmëtëty: Tun mëyajtën, yajtsokës, ix mijts ntios'ajtyp.

Biblia Mixe de Quetzaltepec

¹⁷ Ja kepy mëti'ipë natëjkëpën, tääts ja awinax yajtuktsätsa'any ets ja ja'ay t'ëwtatëty ets tmëjëëytya'ak tmënu'kxta'aktëty, twinjë'ë twinya'axtëty, t'ënëëmëtëty: Tun mëyajtën, yajtsokës, ix mijts ntios'ajtyp.

Isaías 44:17 ပူးပေါင်းရင်းမြစ်များ

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Daniel 6:27

Yë'ë yajtsokp ets yaj'ëwaatsëpëtsëëmp yë'ë; yaj'ijxëp yë myëj'ajtën tsajpjotm ets naaxwiinyëtë. Yë'ë të tyajtso'oky yë Daniel ma kaa myu'utën nyiitstën.

Daniel 6:16

Paaty ja yajkutujkpë ojts tni'ënä'ämë ets tyajmintëty ja Daniel ets jap tkujëpipëtëty kepyjoty ma ja kaa jap nimay yajpaatën. E ka'anëm ënety ja Daniel jap yajkujëpipë kaa kemyjoty ko ja yajkutujkpë jyaak nëmaayë: Yë Dios mëti'ipë mëtuumpyën ets mëti'ipë wyinkutsë'këpën yë'ë myajtso'okëtëp.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Daniel 3:17

Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënety ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Isaías 37:38

Jam ënety kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

1 Reyes 18:26

Ënet ojts ja tsajpkaa tyaj'ooktë ets tsujktaktë, mëti'ipë ënety të yajmo'otën, tä tyëjkëtyë nu'kxtakpë ma ja wyintsënëtyën, jopyëp tyajtso'ontaktë tyimkujky xyëëwëy jëtu'un, tjanty myëpëjktsowtë ja Baal. Tyaa jyänty y'ëna'antë: Ëtsoowinpijtëk ëëtsëty Baal, na'ëwtity jyänty nyëpujt jyänty yujkpujtë jam ma ja wintsë'këntyakn, nimaa tii kya'ëtsoy.

Hechos 19:27

Kutsë'ëkës ya'atë, jä'ä ko ja ntuunk'ajtëm tsojk ja kyutëkoyëty, näjyëtu'un, tsojk nëjkx pën tka'ëkmëjpëjktaknë yë nwintaj'ajtëmë Artemisa tsyajptëjk; ets ntaak'ajtëm nëjkx kyutëkooynyë yë myëj'ajtën jyääntyajtën, mëti'ipë Tyios'ajtëpën ja Asia ja'ayëty ets ma tu'kë'ëyë ja it naaxwiinyëtën.

1 Reyes 18:28

Yë'ëjëty ni'ikyë ja jyänty ya'ax jyänty joktë, nyänyitsuk nyäkyutsukëtë, mëët yë tsujkn ëkë mëët yë ku'umën, jëtu'un tä ënety tuunk'atën, koonëm yajxon ne'pnytyääytyë.

Isaías 2:8

May näjyëtu'un tmëët'atë ja awinax, ets ënät twinkoxtänëtë mëti'ipë kë'ëm të tyajkojtën mëët ja kyë'ë y'aawëty.

Isaías 44:15

Tam mëti'ipë ja'axy'ataanpën; tam mëti'ipë jëën yajtukno'okaanpën ets ja'ay xyamëty; tam mëti'ipë tsajpkääky tyukë'ëwäämpyën; ets tam mëti'ipë awinax tyuktsätsäämpyën ets ja'ay t'ëwtatëty.

Isaías 44:16

Tam mëti'ipë tsu'utsy yajtuktsa'ajaanpën, ets yajtsu'utsëty ku'uxyë. Tam mëti'ipë yajtuk'uuky anaanpën; ets tam mëti'ipë je'eyë yajno'okaanpën ets ja'ay xyamtëty, tam mëti'ipë ëna'anaanpën, kujkës njokxpëky.

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

Oseas 13:2

Ja ja'ayëty je'eyëm pyokytyuun'ëtë'ëtstë. Yajjëëytyëëwtëp yë poop pujxn ets t'oytyuntë y'awinax jëtu'un ijxtëm wyinma'anypyaatën ets jëtu'un ijxtëm yë pujxn'oytyuunpë t'oy'ixyën ets y'ëna'antë: Mo'otë wyintsë'kën ets ja ja'ay tjanty tsyu'kxtë ja y'awinaxëty mëti'ipë jëtu'un këxë'kpën tä tsajpkaa'u'unkën.

Jeremias 2:27

jä'ä ko yë'ëpaat yë kepy të t'ënëmaaynyëtë: Mijts nteety'äjtyp; yë'ëpaat yë tsaa të t'ënëmaaynyëtë: Mijts ntaak'ajtyp. E ëjts ni pën të xykyawinkutsë'ëkës, je'eyë të wya'akwinpitë koos të xy'ijxpaatë. E jääts ko muum ëyo'ontum të yajpaatë, jää pojën të y'ëna'antë: Nimiintëkës, yajtsoktëkës.

Miqueas 5:12

Nyajkëxäämpyës yë kajpxpojkpëtëjk ets jëtu'unyës nyajwë'ëma'any nasja'apëtuk.

Habacuc 2:19

Janty mon janty tuk mijts myajpaaty, jä'ä ko yë'ë awinax m'ënëmääpy ets wyijëty, tsaa m'ënëmääpy ets wya'kukëty. ¿Wä'än jëtää tii xy'ëktuk'ëwa'anëmëtyë? ¿Ka'ap tii xytyuk'ëwa'anëmëty jä'ä ko ka'ap jyuukyëtyë? oy jënu'un pu'ts pujxn ëkë poop pujxn tjaniwits'aty.