Isaías 43:27 - Biblia Dc en Mixe de Quetzaltepec

²⁷ Ja m'ap m'ok tyuuntë ja nëë poky, ja mya'ijxpëjkpëtëjkëty ojts xykyäjpxy kyumëtoownaxtë,

Biblia Mixe de Quetzaltepec

²⁷ Ja m'ap m'ok tyuuntë ja nëë poky, ja mya'ijxpëjkpëtëjkëty ojts xykyäjpxy kyumëtoownaxtë,

Isaías 43:27 ပူးပေါင်းရင်းမြစ်များ

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Ezequiel 16:3

Jëtu'un xy'ënëëmëty: Jëtu'un yë Wintsën y'ënä'äny: Mijts Jerusalén ja'ayëty, Canaán ja'ay miitsëty; yë mteety Amor ja'ay ijty ets mtaak Hit ja'ay.

Romanos 5:12

Jä'äkyëjxm ko tu'uk ja ja'ay pyokytyuuny paaty ja poky ojts tsyo'ontä'äky yaa naaxwiiny, ets ko ja poky tsyo'ontäky ënät näjyëtu'un tsyo'ontäky ja o'kën; jëtu'un ja o'kën nyaaxkëtäky ma ni'ëmukë ja ja'ayëtyën, jä'ä ko ni'ëmukë pyokytyuuntë.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Mateo 27:41

Näyjyëtu'un ja teety wintsëntëjkëty ets ja ijxpëkyjyä'äytyëjkëty mëti'ipë nyija'awëtëpën ja ënä'ämën tëyajtën je'eyë tnëxi'ik tukxi'iktë ja Jesús ets y'ëna'antë:

Mateo 27:1

Ko xyiinytyäky, ni'ëmukë ja teety wintsëntëjk ets ja mëjja'aytyëjk ojts tkäjpxy'atë ko ja Jesús y'ookëty.

Mateo 15:14

Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Malaquías 3:7

Miitsëty ka'ap të xypyatuntë ja n'ënä'ämën ntëyajtënës jëtu'un tä y'ëtëtstën yë m'ap m'okëty ets ka'ap të mmëtowtë. Ëjts Wintsën mëti'ipë maaytyääyëpën winë, jëtu'un n'ënëëmëtë: Ëjts niwinpijtëkës etsës miits niwinpitëty. E miitsëty tyaa m'ëna'antë: ¿Wi'ix ko mijts myajniwinpitëty?

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Isaías 3:12

Pi'k ëna'k yajkutujkp maas ja nnaax nkajpnën; to'oxytyëjk tyam ënä'ämtëp. Nnaax nkajpnës, mwin'ë'ënëtëp mëti'ipë mkutujkpë'ajtëpën, jam myajnëjkxëtë ma wiink tu'ujën.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

Isaías 24:20

Tä ëmu'ukyë ja'ayën, jëtu'un y'ëtëtsta'aka'any, tä mëëytyëjkën mëti'ipë nyixeny pejyën jëtu'un pyojyu'kxa'any. Yajxon ja nyëë pyoky jye'emty'ajnëtë, ka'ap t'ëkjëkyäjpnë wi'ix tmëpëtë'ëktëtyën.

Isaías 29:10

Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënety je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.

Isaías 58:1

Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Jeremias 8:9

E tääpë ja'ayëty mëti'ipë nätyijëtëpën ixpëkyjyä'äy, o'ktëy jyata'antë, wintsëtyu'un jëjptsëtyu'un kyukëxëja'antë, tsuu poj jyata'antë tä jëyujk muum kyukääkën o'këntuuy. ¿Maatën ja y'ijxpëky'ajtënëty? tëëjës t'ixtij t'ëxwa'antë ja n'aaw n'ayukës.