Isaías 43:26 - Biblia Dc en Mixe de Quetzaltepec

²⁶ Pën mijts jam tii xynyijawë, mëti'ipës ka'ap oy të ntunyën, wä'än tyajpaye'ey. Nikajpxta'a yajxon wi'ixjatyës muum ntëkoyën, ets yaj'ixëty pën mijts ka'ap tii muum xytyuuntëkoy.

Biblia Mixe de Quetzaltepec

²⁶ Pën mijts jam tii xynyijawë, mëti'ipës ka'ap oy të ntunyën, wä'än tyajpaye'ey. Nikajpxta'a yajxon wi'ixjatyës muum ntëkoyën, ets yaj'ixëty pën mijts ka'ap tii muum xytyuuntëkoy.

Isaías 43:26 ပူးပေါင်းရင်းမြစ်များ

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënety ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënety jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Isaías 43:9

Tu'ukmujkta'atë naax kajpnëty, tu'ukmujkta'atë mëj it mëj naaxwiinyëtë. ¿Pën ja jëtu'unpë të t'akäjpxy, ëkë pën ojts nikäjpxy tii tëëyëp tuunëp jajtëp? Wä'än tyajmintë ja jyä'äy pën të t'ixyën ets nikajpxëty wä'än tyajmëtoy ja tëyajtën.

Romanos 8:33

¿Pën jëtää y'ëkni'ëënëp mëti'ipë ja Dios të twin'ixyën? Dios tëë kë'ëm tyajnaxy wa'ats.

Salmos 141:2

Wä'änës yë ntsajpkäjpxy jam tja'ty ma mijtsën tä poom jyokyën, koos yë nkë'ë nxajë'ëkëty jëtu'un nyaxëty tä jeexyë wintsë'kën myajmo'oyën ko jyënäkyxyëëw'aty.

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Isaías 41:1

Amoonta'atë miitsëty, naax kajpnëty nëëpë'aaypyë yajpaatën. Naax kajpnëty amëk jotmëk itë. Mintë ets nikajpx nimëtyakmëty ya'atë winma'any; tsojk ntu'ukmujkëmë ets ntukxo'on ntuk'ijtëmë.

Isaías 50:8

Winkon yajpaaty mëti'ipës xyajtsokpën: ¿Pën jää pën mëti'ipës xy'ëxëëk'ijxpën? Tsojk nimäjtsk nja'amëmë ma ja kutujkënën. ¿Pën jää pën mëti'ipës xynyiwaanpätaanpën? Wä'än tminy ets wä'änës xytyukwinmëtoy.

Job 16:21

mëti'ipës xynyikajpxtu'utëpën, ijxtëm yë ja'ay nyänyikajpxtu'utyën ma muum të yajni'ëënën.

Génesis 32:12

Mijts jëtu'un të m'ëna'any koos oy mëk xyajwinpita'any ets ko may ja n'u'unk n'ëna'kës xymyo'oja'any. Jëtu'un xyajnimayëja'any tä nëë'ajinën, ka'apë tjëkyepy yajmëtyowëtyën.

Romanos 11:35

¿Pën winë ja Dios të t'ëkmoopyë ets jatëkok kyëpäjtxëtëty?

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Ezequiel 36:37

Ëjts Wintsën, jëtu'unës n'ëna'any: Mëj këjääjës winë ntuna'any. Nmo'ojäämpyës yam yë Israel kajpn mëti'ipës xy'amëtoopën ntunëtyës ma yë'ëjëtyën; jëtu'unës yë jyä'äy nyajnimayëyä'äny tä nyimayën yë kupixyny.

Lucas 10:29

E ja tsajptëkotyëtë yaj'ijxpëjkpë mëj nyäyajnaxa'anyë paaty tjaaktimyajtëëy ja Jesús: ¿E pën jëtu'un nmëku'uk'ajtypës?

Salmos 74:22

Pëtë'ëk mijts, Dios, näkyukajpxët. Ja'amyäts ko yë ja'ayëty mëti'ipë winma'anytyukëtyën ka'ap pyo'kxtë ets wiinkjaty mtijyë.