Isaías 43:25 - Biblia Dc en Mixe de Quetzaltepec

²⁵ E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Biblia Mixe de Quetzaltepec

²⁵ E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Isaías 43:25 ပူးပေါင်းရင်းမြစ်များ

Hebreos 8:12

Nnimäkxta'ajäämpyës ja y'ëxëëktu'unënëty, ets nijëna'ajës ja pyoky nka'ëkja'amyäjtsënëtëty.

Hebreos 10:17

Ets nijëna'ajës nkaja'amyätsa'anyës ja pyokyëty ets ja y'ëxu'uktu'un y'ëxëëk kajpxënëty.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënety wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënety ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënety jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Salmos 25:7

ka'ap xyjyä'äymyätsëty ja nnëë npokyës ets oyës tii të ntuuntëkoy të nkajpxtëkoy koos të n'ëna'k'aty. Wintsën, ja'amyäjtskës koos xytsyoky xyjyawë ets ko xymyëët'aty ja oyjyot oywyinma'any.

Isaías 38:17

Ix, tyam jotkujkës nyajpaaty, ets ka'ap n'ëkmoon n'ëktujknës. Mijts të xykyëwent'aty yë njuukyajtënës këtiipë kyuka'anaxëty jap jutjoty, jä'ä ko mijts tëë xymyä'kxta'ay yë npokyës.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Dios ojts ja y'oyjyot y'oywyinma'any kyëjääjë.

Marcos 2:7

¿Tii ko ya'atë ja'ay jëtu'un y'ënaanpë? Dios yë myëkajpxtëkoopy, Dios tu'ukyë pokymyä'kxp.

Isaías 43:11

Ëjts xëmë Wintsënajtp; ka'ap maa wiinkpë mëti'ipë yajnitsokpën.

Salmos 25:11

Wintsën, mëj këjääjës yë ntuuntëko'oy nkajpxtëko'oyën, pokymyä'kxkës, yajmëjnax yë mxëëw.

Salmos 51:9

Ka'ap mëpaat yë'ë xy'ix nnëë npokyës, po'ta'a tëkokyë yë ntuuntëko'oy nkajpxtëko'oyënës.

Jeremias 50:20

Ëjts, Wintsën, jëtu'unës n'ëna'any: Jä'ä xëëw jä'ä jëmëjt yë Israel ja'ayëty ets ja Judá ja'ayëty ëwaatsëtum wyë'ëma'antë ma nyëë pyokyëtyën, jä'ä ko npokymyä'kxäämpyës mëti'ipës juuky të nyajwë'ëmtën.

Ezequiel 36:22

Paatyës t'ënëmaay ja Israel kajpn: Jëtu'un yë Wintsën y'ënä'äny: Mëti'ipës ntunäämpyën ka'ap yë'ëkyëjxmëty ko miitsëty mjää'atë, miitsëty Israel ja'ayëty, yë'ëkyëjxmës ntuna'any jä'ä ko nxëëwës wa'ats yë'ë, mëti'ipë miitsëty të xynyi'ojëtën ma ja naax kajpnën maajaty të mja'tën.

Ezequiel 20:14

e ëjts koos yë nxëëw nkayajnipäxëtëkëja'any ka'apës jëtu'un ntuuny, këtiipë tëkatsy nwë'ëmëtyës ma ja wiinkëtypë ja naax kajpnën mëti'ipë ënety të t'ixtën koos jap Egiptë nyajpëtsëëmtë.

Ezequiel 20:9

E ëjts kë'ëmës ojts nämyëmay nämyëtajyë ets ka'apës ja nxëëw nyajnipäxëtëkëjany, këtiipë tëkatsy nwë'ëmëtyës ma ja wiinkëtypë ja naax kajpnën ma ënety yë'ëjëty jyuuky'atën; jä'ä ko tëëjës ënety ja wiinkëtypë ja naax kajpn ntukmëtoy koos ja Israel kajpn nyaj'ëwaatsëpëtsëma'any jap Egiptë.

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Ezequiel 36:32

Ëjts Wintsën, ëjts ënaanp: Miitsëty Israel ja'ayëty nijawëtë yajxon ko ya'atë ntuna'anyënës ka'ap yë'ëkyëjxmëty ko miitsëty oy winë xytyuntë; miitsëty ni'ikyëmës tsëtyuntë jaaypyätë ets ni'ikyë mëmay mëtajtë ja tëkatsypë xytyuntën.

Ezequiel 20:22

je'eyëp ko mëkës ojts nmä'kxtuky, këtiipës ja nxëëw nyipäxëtëkëty ma ja naax kajpnëtyën mëti'ipë y'ijxtën wi'ixës ënety ja Israel kajpn të nyajpëtsëmyën jap Egiptë.

Efesios 1:6

Paaty xëmë ja Dios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

Efesios 1:8

Jëtu'un ja Dios tyaj'ixyë ja tsyojkën ko xymyo'oyëmë tu'kë'ëyë ja wijyajtën kejyajtën,

Lucas 5:21

Ënet ja tsajptëkotyëtë yaj'ijxpëjkpëtëjk ets ja fariseë ja'ayëty wyinmaaytyë: ¿Pën ya'atë ja'ay ko Dios tmëkajpxtëkoy? Yi'iyë Dios maayëp pyokymyä'kxëty.

2 Crónicas 6:21

Mëtoow'itëp ets mkupëkëp ja jyiiytyak nyu'kxtakën ya'atë mtuunpë ets ya'atë mnaax mkajpn ets m'u'unk m'ëna'k ko yaa myintëty. Mëtoow'ijtëk ëëts jam tsajpjotm ma m'ity mtsëënën ets pokymyä'kxtëk ëëtsëty.

Salmos 103:12

Tëë yë npoky'ajtëm xytyukmëjëkämkäkëmë, jëtu'un tä yë xëëw tmëjëkämke'ekyën ma pyëtsimyën ets ma kyëtä'äkyën.

Isaías 48:11

Yë'ëkyëjxm koos ja nxëëw mëj'äämpy nyäxy, paatyës jëtu'un të ntuny, jä'ä ko yë nxëëwës ka'ap tjëkyepy nyipäxëtëkëty. Ka'apës nkupëka'any etsës ja nmëj'ajt n'oyajtënës wiinkpë yajmo'ojëty.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Isaías 64:9

Wintsën, këtii janty nëkooyë mtimjyoot'anpëky ets xëmë xytyimja'amyetsy ëëts ja ntuuntëko'oy nkajpxtëko'oyënëty. Ëk'ix, ëëts mijts xykyajpn'ajtëp.

Ezequiel 18:22

Ja mëti'ipë ënety ëxëëk të tunyën ko të pya'tkë'p'aty ka'apës ja nja'amyätsa'any ets yë'ë nëjkxëp ja jyuuky'äty mëët ko ënety ja mëtëypyë të tuny.

Ezequiel 33:16

E tyam, oy jyuuky'ajnë ets mëtëy winë tuunë, juuky'atëp yë'ë ets ka'apës nëjkx nja'amyetsy oy ënety winë ëxëëk të tuny ko të pya'tkë'p'aty.

Salmos 51:3

Ëjts nja'apës kë'ëm ko tëës nkäjpxykyumëtoownaxy; yë nnëë npokyës ninu'un jap kyatimjyëwä'äky maas yë njot nwinma'anyën.

Salmos 51:4

Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

Salmos 103:3

Yë'ëjës xypyokywyinmä'kxp maas winë oy nkatunyën ets yë'ëjës xyajtsokp koos jëna'ajëty npëkyë n'ixyë.

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.