Isaías 43:23 - Biblia Dc en Mixe de Quetzaltepec

²³ Ka'apës ojts xytyukwintsë'ëkë ja kupixyny ooky winno'okpyë winxämpyë ets ka'apës nitii wintsë'kën xymyooy. Ëjts ka'apës nja'ënu'kxëy ko n'amëtooy ja wintsë'kën, ets ka'apës wi'ix nja'awëy ko n'amëtooy ja poom jok.

Biblia Mixe de Quetzaltepec

²³ Ka'apës ojts xytyukwintsë'ëkë ja kupixyny ooky winno'okpyë winxämpyë ets ka'apës nitii wintsë'kën xymyooy. Ëjts ka'apës nja'ënu'kxëy ko n'amëtooy ja wintsë'kën, ets ka'apës wi'ix nja'awëy ko n'amëtooy ja poom jok.

Isaías 43:23 ပူးပေါင်းရင်းမြစ်များ

Amós 5:25

Miitsëty Israel ja'ayëty yë'ë yam nyajtëëwtëp, ko jam wëxtyikxy jyëmëjt mjëtijtë të'ëts'itjotm, ¿ojtsës miits xymyo'otë yë nwintsë'kënës ets nyojxënësë?

Mateo 11:30

Yë ijxpëjkën mëti'ipë miits tyam ntuk'ëwa'anëtëp, ka'ap tsyipë; etsës ja ntu'unën, jëtu'un jä'ä ijxtëm tu'uk ja tsëmy mëti'ipë ka'ap jye'emtyëtytyën.

Malaquías 3:8

E ëjts tyam nyajtëyës: ¿Wä'än jëtää tu'uk yë naaxwiinyëtë ja'ay tpëjkëty winë Tiosë? Miitsëty tëëjës xypyëjkëtë mëti'ipës xypyatpën. Ets ni'ikyë mjaak timy'ëna'antë: ¿Tii të npëjkëtë? Yë'ëjës të xypyëjkëtë ma yajyäkyën tu'kpëky ja majk pëkpyë ets mëti'ipë yaj'ayajk yaj'ako'onëpën.

Jeremias 7:22

Koos nyajpëtsëëmtë yë m'ap m'okëty jap Egiptë, ka'apës ojts ntuk'ëne'emy ets wintsë'kën tyaktëty no'okpyë xämpyë ets wiinkëtypë wintsë'kën ëpëky.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Proverbios 21:27

Dios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

Proverbios 15:8

Yë Dios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Éxodo 30:34

Ënet yë Dios t'ënëmaay yë Moisés: Ijxta'a mëti'ipë pa'akxu'kpën ets tu'knax myäy'atëty: kepy'u'pky, nëë jëyujk pajk oypyë xyuuky jyokyën, poomway ets ja gálbano kepy oypyë xyuuky jyokyën,

Proverbios 3:9

Mëtun Dios mëët yë mwit mmeeny ets mjë'kxy mpëky; mëët yë m'aay m'ujts mëti'ipë mkamwinm mtu'uwinm myajpëtë'kpyën,

Jeremias 7:21

Yë Wintsën mëti'ipë maaytyääyëpën winë, mëti'ipë yë Israel ja'ay Tyios'ajtëpën, jëtu'un yë nyaax kyajpn t'ënëëmë: Yaktë mwintsë'kënëty no'okpyë xämpyë ets oymyëti'ipë wintsë'kënëty, kaytyë tsu'utstë.

Miqueas 6:3

Ya'atë Dios të tkäjpxy: Ëtsoowinpijtkës nnaax nkajpnës, ¿Wi'ix të ntuny ëkë tii të ntukmëtuuntëkoy?

Nehemías 13:10

Ojts näjyëtu'un nijawë ko ja Leví ja'ayëty ka'ap yajmo'otë ja jyi'kxy pyikyëty ijxtëm jyapaatë'atëtën, paatykyëjxm may ja Leví ja'ayëty ets ëëpë xuxpëty, ëëpë yaxpëty ojts kyäknëtë ets nyëjkxnëtë jatëkok ma ja nyaax kyajpnëtyën.